Жаңалықтар - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Сейсенбі, 17 Қазан 2017 15:18

Бүгін Мәжіліс төрағасы Нұрлан Нығматулин біздің елімізге тұңғыш рет ресми сапармен келген Вьетнам ұлттық жиналысының төрайымы Нгуен Тхи Ким Нганмен кездесті.

Тараптар екі елдің даму тәжірибесінде ерекше маңызға ие дінаралық және этникаралық келісімге айрықша назар аударды. Н.Нығматулиннің және Нгуен Тхи Ким Нганның пікірінше, халықтар мен түрлі діндер өкілдерінің өзара түсіністігі мен сенімі және сыйластығы әлемдегі тыныштық пен бейбітшіліктің кепілі. Мәжіліс төрағасы Қазақстан Президенті Нұрсұлтан Назарбаевтың екі ел арасындағы қарым-қатынасты тереңдетуге зор көңіл бөлетінін алға тартты.

Палата спикері сауда-экономикалық байланыс біздің елдеріміз қатынасындағы басым бағыттардың бірі екенін айтты. Осы ретте әсіресе ауылшаруашылығы, көлік-логистикалық ынтымақтастықты дамыту маңыздылығы зор.

Бүгінде Еуразиялық экономикалық одақ аясында Қазақстанда вьетнамдық компаниялардың тиімді жұмыс жасауына зор мүмкіндіктер ашылды. Оған аталған одақ пен Вьетнам арасындағы еркін сауда аймағы туралы келісім нақты дәлел. Сонымен бірге туризм саласында да екі ел ынтымақтастығын нығайтудың әлеуеті жоғары. Мәжіліс төрағасы осы орайда вьетнамдық тараптың Қазақстан азаматтары үшін біржақты тәртіппен визасыз режим енгізу ұсынысын қолдауға болатындығын айтты.

Өз кезегінде мәртебелі мейман біздің еліміздің қонақжайлығына алғыс білдіріп, Қазақстанның аз уақыт ішіндегі қарқынды дамуына, соның ішінде Астананың кереметтегіне көңіл бөлді. Біздің елдеріміздің ұқсас ұстанымдары бейбітшілік пен келісім екенін алға тартқан Парламент төрайымы өзінің іссапары тікелей екіжақты қатынасты тереңдетуге бағытталғанын баса айтты. Қазақстанның барлық саладағы дамуын өте жоғары бағалап, Қазақстан Президентінің басшылығымен біздің еліміз әлі талай биіктерді бағындырады деді.

Кездесу иелері бірегей үлгі Қазақстан халқы Ассамблеясы жайлы, Қазақстанда өткен ЭКСПО көрмесі туралы әңгіме қозғап, аймақтық қауіпсіздік, мәдени байланыс, парламентаралық қатынас мәселелеріне назар аударды.

Сейсенбі, 17 Қазан 2017 15:15

Еуроодақ Солтүстік Кореяға қарсы санкцияларды күшейтті.

Люксембургте өткен кездесуде Еуропалық одақ елдерінің сыртқы істер министрлері Солтүстік Кореяға мұнай мен мұнай өнімдерін тасымалдауға тыйым салуға келісті. Сондай-ақ ел экономикасына инвестиция құюға қойылған шектеу мерзімі ұзартылып отыр. Аударылатын қаржы көлемі 15 мың еуродан 5 мыңға дейін азайтылып, осы мемлекеттің азаматтарына жұмыс визасын созбау туралы келісілді.

Түркияда төтенше жағдай тағы 3 айға ұзартылады

Түркия үкіметі елдегі төтенше жағдайды тағы 3 айға ұзарту туралы шешім қабылдады. Ұсыныс парламенттің мақұлдауына жіберілген. «Бұл қадам террорлық ұйымдармен белсенді күресіп, азаматтардың құқықтары мен бостандықтарын қорғауға бағытталып отыр», – деп хабарлайды түрік елінің премьер-министрінің орынбасары Бекир Боздақ. Демек былтыр төңкеріс әрекетінен соң 3 ай мерзіміне енгізілген төтенше жағдай осымен төртінші мәрте ұзартылатын болды. Алайда елдегі оппозициялық партия мен Еуроодақтағы белді саясаткерлер ресми Анкараның бұл шешімін қатаң сынға алып жатыр. Олар елдегі төтенше жағдай демократия құндылықтарына нұқсан келтіріп отырғанын алға тартуда.

Сейсенбі, 17 Қазан 2017 15:00

Өңір әкімдігінде хабарлағандай, мамандар мамандандырылған көрмеде ұсынылған энергетика және мұнай-газ саласындағы 130-дан астам жаңа технологияны қарастырды.

Жұмыс тобының мүшелері біздің өңірімізде қолдану үшін анағұрлым тиімді бес жобаны іріктеп алды.

Ақмола облысы үшін «жасыл энергетика» қағидаларына негізделген кешенді құбырсыз газдандыру өзекті жоба болып табылады. Бұл жоба экономикалық және экологиялық тұрғыдан тиімді.

Сондай-ақ болашақта Аршалы ауданының Қостомар ауылында қуаттылығы 100 МВт болатын жел паркі салынады.

Бұдан бөлек Степногорск қаласында тазарту құрылыстарын жаңғырту мақсатында тағы бір жаңалық енгізілуде. Ал «Көкшетау минералды сулары» АҚ электр тарату желісінде компьютерлік бақылау технологияларын енгізуді жоспарлап отыр.

Сонымен бірге аппараттық жиналыста жылыту маусымының басталуы, сондай-ақ Ақмола облысындағы төтенше жағдайлардың алдын алуға бағытталған іс-шаралар туралы мәселелер қаралды.

Ақпарат көзі: Strategy2050.kz

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.