ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Биыл Нобель сыйлығы америкалық үш физикке берілді

Биыл Нобель сыйлығы америкалық үш физикке берілді PORUSSKI.me

Физика саласы бойынша Нобель сыйлығы биыл АҚШ-тан шыққан үш бірдей ғалымға берілді.

Дәлірек айтқанда, Райнер Вайсс, Берри Бэриш және Кип Торн гравитациялық толқындар мен LIGO детекторын зерттеуге қосқан үлестері үшін марапатталды. LIGO – гравитациялы-толқынды обсерваторияның лазерлік интерферометрі. Негізгі міндеті – ғарыштық гравитациялық толқындарды табу. Өткен жылы физика саласы бойынша Нобельді британиялық үш ғалым алған болатын. Бұл сыйлық 1901 жылдан бері жыл сайын физика, химия, медицина, әдебиет және бейбітшілік салалары бойынша елеулі жетістікке жеткен ғалымдар мен ұйымдарға беріліп келеді. Ал марапаттау рәсімі жыл сайын 10 желтоқсан күні өтеді. Осы салтанатты марапаттау күнінде Швеция королі лауреаттарға Нобель медалін, дипломы мен ақшалай сыйлықты тапсырады.