17:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 152
+7 (7172) 757 540
astananews@khabar.kz

Венесуэлада ашқұрсақ балалар саны артып барады

    Сенбі, 27 Қаңтар 2018 18:42

Венесуэладағы әрбір бесінші балаға аштық қаупі төніп тұр.

ЮНИСЕФ өкілдері осылай деп дабыл қағып отыр. Бәріне елді жайлаған экономикалық дағдарыс себеп. Тойып тамақ ішпегендіктен, қазірдің өзінде Латын Америкасындағы бұл мемлекеттегі балалардың 15,5 пайызы бойы және салмағы бойынша артта қалып отыр. 9 жыл бұрын бұл көрсеткіш 3 пайызға жуықтайтын. Осы ретте ЮНИСЕФ мамандарының атсалысуымен 113 мыңға жуық бала медициналық тексеруден өтіп жатыр. Сондай-ақ дәрігерлер үшін арнайы тренингтер де ұйымдастырылған. Айта кеткен жөн, мұнай бағасының арзандауы кесірінен қазір Венесуэла экономикалық дағдарыс тауқыметін тартып келеді. Елде азық-түлік пен ең қажетті деген тауарлар тапшы.

Ауғанстан астанасында жойқын жарылыс болды

    Сенбі, 27 Қаңтар 2018 16:19
kor.ill.in.ua

Ауғанстан астанасы Кабулда жойқын жарылыс болды.

Бұл туралы TOLOnews хабарлады.

Оқиға Садарат алаңындағы бұрынғы ІІМ ғимаратының алдында болған. Соңғы мәліметтерге сәйкес, жарылыс салдарынан 63 адам қаза тауып, шамамен 140 жан зардап шеккен.

Йемен жағалауында африкалық мигранттар мінген қайық аударылды

    Сенбі, 27 Қаңтар 2018 11:00
ria.ru

Апаттан 30 адам мерт болды.

Су көлігінде 150-ден астам жолаушы отырған. Дені – Эфиопия мен Сомали азаматтары. Қайғылы жағдайдың себебі әзірге анықталған жоқ. Куәгерлер қайықтың адамға лық толы болғанын айтады. Кейбір мәлімет бойынша, Йеменнің жағалау күзеті оларға оқ атқан көрінеді.

Жапонияда 3 млн адам тұмауға шалдықты

    Сенбі, 27 Қаңтар 2018 09:00
РИА Новости

Жапонияда тұмау эпидемиясы өршіп тұр.

Бүгінгі күні вирусты 2,83 млн адам жұқтырған. Оның үстіне елде дәрігерлердің тапшылығы байқалуда. Жапонияның денсаулық, еңбек және әл-ауқат министрлігінің мәліметінше, қазіргі уақытта тұмауға шалдыққан 52 науқасқа бір дәрігерден келеді. Ал Косю аралында бір дәрігер 80 сырқатты қабылдауда. Елде соңғы аптада індетті жұқтырғандардың саны 1 млн адамға артқан. Жапониялықтарға адам көп шоғырланған жерлерге бармауға, бетперде тағып жүруге және қолды жиі жууға кеңес берілді.

Ақпарат көзі: inform.kz