×

Warning

JUser: :_load: Unable to load user with ID: 154

Әлемде

Оңтүстік Кореяда аурухана өртінен қаза тапқандар саны артты

    Жұма, 26 Қаңтар 2018 11:22
Корреспондент.net

Оңтүстік Кореяның Мильян қаласындағы аурухана өртеніп, 41 адам қаза тапты.

Тағы 80-ге жуығы түрлі деңгейде жарақат алған. 9 адам ауыр халде ауруханаға жеткізілді.

Қайғылы оқиға кезінде ауруханада шамамен 100 емделуші болған. Өрт тек үш сағат өткеннен кейін ғана сөндірілді. Әзірге апаттың себебі белгісіз. Қазір оқиғаға қатысты тергеу жүріп жатыр.

Париж көшелерінде егеуқұйрықтар қаптап кетті

    Жұма, 26 Қаңтар 2018 09:20

Оған толассыз жауған нөсер кесірінен Сена өзенінің арнасынан тасуы себеп.

Билік жағдайды ушықтырмас үшін мейрамхана иелерін көшеде тұрған қоқыс жәшіктерін алып тастауға шақырып отыр.

Шаһардағы біраз ауданды су басқан. Соның кесірінен кейбір тұрғындар қайықпен қатынауға мәжбүр. Теміржол стансалары жабық тұр. Сондай-ақ бірнеше мұражай уақытша жұмысын тоқтатқан. Ал жергілікті билік қауіптіліктің жоғары деңгейін жариялады.

Қазір Сена өзеніндегі су деңгейі бес метрге дейін жетіп отыр. Ал мамандардың болжамы көңіл көншітпейді. Олар: «Сенбіге дейін су деңгейі 6 метрден асуы мүмкін», – деп ескертеді. Осы ретте Париж басшылығы қала тұрғындары мен қонақтарын сақ болуға шақырып отыр.     

Эммануэль Макрон: Еуропаны бірге күшейтеміз

    Бейсенбі, 25 Қаңтар 2018 13:23

Биыл Еуропа алдағы 10 жылға арналған стратегиялық жоспарын қайта қарап, дамудың даңғыл жолына түсуі тиіс.

Мұндай мәлімдемені Давоста өтіп жатқан экономикалық форумда сөз алған Франция Президенті Эмануэл Макрон жасады. Айтуынша, әлем елдерінің ыдырамауы үшін Кәрі кұрлықтағы мемлекеттер ынтымақтастықты арттырып, күшті Еуропа құруы тиіс. Сондықтан стратегиялық жоспардың жаңа мазмұны жыл соңына дейін дайындалатынына үміт білдірді. Сонымен қатар Макрон «жасыл» экономиканы қолдау мақсатында 2021 жылға дейін еліндегі көмір электр стансаларын жабуды жоспарлап отырғанын жеткізді.

Айта кетейік, Давостағы дүниежүзілік экономикалық форум қаңтардың 23-і мен 26-сы аралығында өтеді.

Эммануэль Макрон, Франция Президенті:

- Біз Еуропаны күшті одаққа айналдыру үшін экономика, ғылым мен саясат және «жасыл» энергетика, әлеуметтік саланы қамтитын стратегиялық жоспарды қайта қарауға тиіспіз. Өз құндылықтарымыз бен мүддемізді сақтай отырып, алға жылжуымыз керек. Достық пен әріптестік орнатқан елдердің қалай қарыштап дамитынын әлем елдеріне көрсеткіміз келеді.

Оңтүстік Кореяда лаңкестікке қарсы жаттығу өтті

    Бейсенбі, 25 Қаңтар 2018 10:40

Оңтүстік Кореяда Қысқы Олимпиада ойындары алдында лаңкестікке қарсы жаттығу өтті.

Шара барысында халықаралық жарысқа қатысушыларға жасалатын шабуылдарға тойтарыс беру әрекеттері дайындалды. Тәртіп сақшылары көлікпен жанкүйерлерді қағу, адамдарды кепілдікке алу және қашықтан басқарылатын ұшқыш құрылғы арқылы жасалатын лаңкестікке қарсы қимылдарды көрсетті. Ресми өкілдердің айтуынша, алдағы Олимпиаданың қауіпсіздігін қамтамсыз ету үшін барлық шара қолға алынған.

Вон Гён Хван, Канвондо провинциясының полиция басшысы:

- Оңтүстік Кореяға көптеген елдің басшылары келеді. Көп күнге созылатын шара барысында тек лаңкестік қаупі ғана төніп тұрған жоқ. Сонымен қатар ауа райы салдарынан болатын көлік кептелісі және басқа да тосын жайларға сақадай сай болуымыз керек.