ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Аргентина әскери теңіз күштерінің сүңгуір қайығы жоғалып кетті

    Сенбі, 18 Қараша 2017 16:13
Фото: Народные новости

Бұл ақпаратты әскерилер өздерінің Twitter парақшасында жариялады.

Қайықтың бортында 44 адам болған. Субмарина сәрсенбі күні Ушуайя портынан Мардель-Платаға аттанған.

Бірақ орта жолда байланысқа шығуын тоқтатқан. Кларин басылымының хабарлауынша, бұған сүңгуір қайықтағы техникалық ақау немесе өрт себеп болуы мүмкін.

Қазір су көлігі ұшақтар мен кемелердің көмегімен іздестіріліп жатыр. Ал әскери техниканың өзі Германияда құрастырылып, Аргентина әскери теңіз күштері құрамына 1985 жылы берілген.

Оның ұзындығы – 66 метр. Мұндай субмарина су астында екі сағат бойы жұмыс істей алады.

Иран мен Ирактың шекарасында жер сілкінісі болды

    Сенбі, 18 Қараша 2017 11:38

Иранда күші 4,6 балдық жер сілкінісі болды.

Ақпаратқа сәйкес, табиғи апаттың ошағы Керманшах провинциясының Сарпол-е-Захаб қаласынан 38 шақырым жерден өтіп, кіндігі 35 шақырым тереңдікте тіркелді.

Астана уақыты бойынша күндізгі сағат 10:12-де болған жер сілкінісінен қаза тапқандар мен жараланғандар туралы ақпарат түскен жоқ.

earthquaketrack

Аударған: Г.Абилова

Марий Эл Республикасында шағын автобус пен жүк көлігі соқтығысып, 15 адам мерт болды

    Жұма, 17 Қараша 2017 10:35
Фото: РИА Новости

Ресей Федерациясының құрамындағы Марий Эл Республикасында шағын автобус пен жүк көлігі соқтығысып, 15 адам мерт болды.

Қаза тапқандардың арасында кәмелеттік жасқа толмаған жасөспірімдер де бар.

Тағы төрт адам ауруханаға жөнелтілген. Олардың үшеуі – бала. Марий Эл басшысының айтуынша, жол апатына шағын автобустың жүргізушісі кінәлі. Ол алдындағы көліктен басып озбақ болып, қарсы жолаққа шыққан.

Алайда үлгере алмай, ағаш тиеген жүк көлігіне қатты жылдамдықпен келіп соққан. Апат кезінде автобус жүргізушісі де мерт болды. Қайғылы оқиғаға байланысты тергеу амалдары басталды.