17:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 152
JUser: :_load: Unable to load user with ID: 154
+7 (7172) 757 540
astananews@khabar.kz

Швейцария мен Жапония елінде қар көшкіні қаупінің ең жоғары деңгейі жарияланды

    Сейсенбі, 23 Қаңтар 2018 18:04
kp.ua

Альпі тауының Швейцариядағы бөлігі қалың қарға көміліп қалды.

Кейбір аудандарда ақ ұлпаның қалыңдығы 3 метрге дейін жеткен. Синоптиктер бұл Швейцарияда соңғы 19 жылда болмаған құбылыс екенін айтуда. Автокөлік жолдары жабылып, теміржол қатынасы тоқтаған. Қар көшкіні қаупінің ең жоғары деңгейі жарияланып, бір елді мекеннің тұрғындары тұтас көшірілді. Елдің оңтүстігіндегі Церматт курортынан 9 мың турист шыға алмай қалған.

Жапонияда да осыған ұқсас жағдай. Онда қар көшкіні жүріп, ондаған адам жарақат алды. Табиғаттың тосын мінезінен ел астанасы Токиода, сондай-ақ Тиба мен Канагава префектураларында 250 адам зардап шекті. Токиода көлік қозғалысы шектетілді. Ал елдегі халықаралық әуежайларда 300-ден астам рейс шегеріліп, 9 мың адам діттеген жеріне жете алмады.

АҚШ уақытша бюджет туралы құжат қабылдады

    Сейсенбі, 23 Қаңтар 2018 15:15

АҚШ Конгресі үкіметтің жұмысын уақытша қаржыландыру туралы шешім қабылдады. Құ

жатты қауымдар палатасының 266 депутаты қолдап, 150-і қарсы дауыс берді.

Бұған дейін Конгресс бюджет бойынша ортақ келісімге келе алмаған болатын. Нәтижесінде сенбі  күні елде көптеген мемлекеттік мекемелер өз жұмыстарын тоқтатты. Бұл жолғы дауға көші-қон мәселесі себеп. АҚШ-та мұндай жағдай соңғы рет 2013 жылы болған еді.

 

Филиппинде қауіптіліктің жоғары деңгейі жарияланды

    Сейсенбі, 23 Қаңтар 2018 15:01
Форум Винского - AWD.ru

Өйткені Майон жанартауы атқылауы мүмкін деген күдік бар. Сондықтан таяудағы мектептердің барлығы жабылды.

Ал 8 шақырым маңайда тұратын жұрт эвакуацияланып жатыр. Олар үшін 18 уақытша орталық ашылған. Қалғандарына мүмкіндігінше үйде отыруға кеңес берілді. Мамандар сыртқа тек бетпердемен шығуға болатынын ескертеді. Қазір өңірдегі көру мүмкіндігі қиындап тұр.

Негізі соңғы 400 жыл ішінде Майон 51 рет атқылаған екен. 1814 жылы жанартаудан шыққан от 1 мың 200-ге жуық адамның өмірін қиды. Ал 1993 жылы Майонның атқылауы кезінде 79 адам көз жұмған.   

 

 

 

 

Токио қар құрсауында қалды

    Сейсенбі, 23 Қаңтар 2018 09:30

Токиода толассыз қар жауып, тұрғындарды әбден әбігерге салды.

Мұнда ақ ұлпаның қалыңдығы 23 сантиметрге  жеткен. Табиғаттың тосын мінезінен Токио, Ттба және Канагава префектураларында 250 адам зардап шекті.

Жергілікті билік кемінде 1 адамның қаза тапқаны жайлы хабарлады. Жапония астанасында ауа райының қолайсыздығынан көлік қозғалысы шектетілген. Нарита мен Токиодағы халықаралық әуежайларда 300-ден астам рейс кейінге шегерілді. Салдарынан 9 мың адам діттеген жеріне жете  алмады.