17:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 152
+7 (7172) 757 540
astananews@khabar.kz

Израильдік ғалымдар елдің солтүстігінен ерте замандағы адамның жақ сүйегін тапты

    Сейсенбі, 30 Қаңтар 2018 15:05

Болжам бойынша сүйектің жатқанына шамамен 200 мың жыл болған.

Бұл Африкадан ауған «Homo Sapiens» көшінің басталу уақыты біз білгеннен тағы 100 мың жыл бұрын басталғанын дәлелдейді. Сондай-ақ көштің жолы оңтүстік бағдар бойынша емес, солтүстік бағдар бойынша жүргенін көрестеді. Яғни адамдар Ніл өзенінің бойымен Жерорта теңізінің шығыс жағалауына келгенін айқындайды. Ғалымдардың айтуынша, ол дәуірдің адамдары көшпелі өмір салтын ұстанған. Олар өздері аулап жейтін аң-құстың ізімен жүріп келген.

Мина Вайнштейн Эврон, Хайфа университетінің археологы:

– Жақ сүйегі жатқан жерден шақпақ тастан жасалған құралдар мен жануарлардың қалдықтарын таптық. Олар қарақұйрық, бұғы және жабайы бұқаларға тән. Адамдар азығын найза сынды лақтыратын қарулардың көмегімен аулаған. Үшкір тастар ағашқа байланған. «Homo sapiens» үшін бұл керемет қару болған.

Исраэль Гершковиц, қазба жұмыстарының жетекшісі:

– Табылған үлгілер адамзат дамуының эвалюциясына жаңалықтар әкелуі мүмкін. Бұған дейін біз ең алғашқы адамдар Африкада 200-250 мың жыл бұрын пайда болды, 100 мың жыл бұрын басқа аймақтарға көшті дегенге сеніп келдік. Енді олардың одан да ертеректе болғанын аңғарып отырмыз.

БҰҰ Йемендегі жағдайға алаңдаушылық білдірді

    Сейсенбі, 30 Қаңтар 2018 12:27

Халықаралық ұйым жанжалдасушы тараптарды қақтығыстарды тоқтатып, келіссөзге келуге шақыруда.

Осы күндері елдің Аден қаласындағы ахуал ушығып тұр.

Айта кетейік, бұған дейін елдің оңтүстігінің егемендігін қалайтын сепаратистер үкіметтің отставкаға кетуін талап еткен болатын. Соңғы мәліметке сәйкес, қақтығыстардың салдарынан 12 адам қаза тапты. Тағы 130-дан астамы жараланған.

БҰҰ Бас хатшысы: Сочидегі конгресс Сирия бойынша келіссөздерге оң ықпал етеді

    Сейсенбі, 30 Қаңтар 2018 12:00

БҰҰ Бас хатшысы Антониу Гутерреш Сирияның ұлттық диалогы конгресі Женева процесінің барысына оң ықпал ететініне сенім білдірді.

Аталған жиын осы күндері Ресей, Иран және Түркияның бастамасымен Сочи қаласында өтуде. Оған Сирия Араб Республикасының саяси, этникалық және діни құрылымдарының өкілдері, барлығы бір жарым мың делегат қатысуда. Форум Таяу Шығыс елінде 2011 жылдан бері жалғасып келе жатқан қарулы қақтығысты бейбіт жолмен реттеуге бағытталған.

Парижді топан су басты

    Дүйсенбі, 29 Қаңтар 2018 22:26

Парижде Сена өзенінің деңгейі көтеріліп, қаланың бірқатар ауданын су басты.

Оған тоқтаусыз жауған нөсер себеп. Тасқын салдарынан Иль-де-Франс аймағының бір жарым мың тұрғыны эвакуацияланды. Табиғи апат көлік қозғалысына кедергі келтірген. Шаһарда бірнеше теміржол аялдамасы мен автокөлік жолдары жабылып, Сенада кеме қатынасы тоқтады. Париждің іргесінде мыңнан астам үй жарықсыз қалды. Ал жергілікті билік: «Синоптиктердің болжамы көңіл көншітпейді», – дейді. Франция астанасында алдағы күндері де жауын-шашынды ауа райы сақталады деп күтілуде.