ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Шығыс медицинасы дәрілерінің контрабандасы үлкен бизнеске айналды

    Жұма, 15 Желтоқсан 2017 09:49

Шығыс медицинасы контрабандасы әлемдегі ең үлкен қылмыстық бизнеске айналды.

Рейтер ақпарат агенттігінің хабарлауынша, бірінші орында шығыс елдерінде, яғни Қытай және Таиландта жасалған дәрі-дәрмектер тұр. Кәсіби дәрігерлер олардың пайдасы мен тиімділігін жоққа шығарады. Еуроодақтың кеден органдары тәркілеген табиғи тауарлардың 42 пайызын осы дәрілер құрайды екен. БҰҰ-ның есебі бойынша заңсыз дәрі-дәрмек саудасының көлемі 3,4 миллиард доллар. АҚШ-та бұл заңсыз кәсіп түрі үшінші орында.

Иэн Соува, Ұлыбритания шекара қызметінің офицері:

-Тәркіленетін емдік дәрі-дәрмектер қатарына Азиядан келетін препараттар да қосылды. Олар сан алуан денсаулыққа қажеттілері, бұлшық ет өсіруге арналғандары және басқа да түрлері көп.

Сеулде Солтүстік Кореяның ядролық шабуылынан аман қалу үшін жерасты бункері сатылып жатыр

    Бейсенбі, 14 Желтоқсан 2017 20:49

Бірақ металл құрастырылым жарнамасында бұл туралы айтылмайды.

Тек қана қалыңдығы 8 миллиметр болаттан жасалған конструкция табиғи апаттардан, ядролық және бактериологиялық қарулардан, радиоактивті сәулеленулерден және газ шабуылынан қорғайтыны айтылған. Бункерге сегіз төсек, тоңазытқыш, электр шәйнегі және азық-түлік сыяды. Ол арқылы жер астында 20 күн өмір сүруге болады. Жарықпен бункердің ішінде орналасқан күн батареясы қамтамасыз етеді. Сонымен қатар бұл жерде ауа тазартатын құрылғы мен қол электр генераторы орнатылған.

Ким Джи Хван, бункерлерді өндіруші компанияның өкілі:

– Бункерді төрт метр тереңдікке көмеміз де, үстіне бетон құямыз. Біздің ойымызша, ол ядролық жарылысқа төтеп беруі тиіс. Солтүстік Корея зымыран ұшырғанда немесе олар ядролық қарудың жаңа түрін тапқаны жөнінде хабарлағанда, тұрғындар үшін күніне жиырмаға жуық кеңес беру өткіземіз.

Сауд Арабиясы жемқорлықпен күресті барынша қатаңдатады

    Бейсенбі, 14 Желтоқсан 2017 13:31

Бұл туралы ел королі Салман бен Әбдел Әзиз мәлімдеді.

Ол жекеменшік секторға жоғары баға беріп, экономиканың дамуына қосқан үлесі үшін алғыс айтты. Бұған дейін Сауд Арабиясының Сыбайлас жемқорлыққа қарсы комитеті 11 ханзада мен бірнеше шенеунікті қамауға алған еді.

Салман бен Әбдел Әзиз, Сауд Арабиясының королі:

- Жемқорлық – тез таралатын қауіпті індет. Ол елдің болашағына балта шауып, дамуын тежейді. Сондықтан онымен әділ әрі қатаң күресуге бел байладық. Сонда ғана еліміз қарапайым халық қалағандай дамудың даңғыл жолына түседі.

Брюссельде Еуроодақ елдерінің саммиті басталады

    Бейсенбі, 14 Желтоқсан 2017 13:09

Екі күнге жалғасатын басқосуда қорғаныс, сауда және көші-қон  мәселесі қаралады.

Кездесуде Таяу Шығыстағы ахуалдың ушығуы мен Корей Халық Демократиялық Республикасы төңірегіндегі жағдай сөз болмақ. Сондай-ақ күн тәртібіндегі маңызды тақырыптардың бірі – Ұлыбританияның Одақтан шығу үдерісі. Жиын басында Еуропалық кеңес мүшелері Еуропарламент төрағасы Антонио Таяни және НАТО бас хатшысы Йенс Столтенбергпен кездеседі деп жоспарланған.