×

Warning

JUser: :_load: Unable to load user with ID: 152
JUser: :_load: Unable to load user with ID: 138
+7 (7172) 757 540
astananews@khabar.kz

Кабулдағы әскери академияға шабуыл жасалды

    Дүйсенбі, 29 Қаңтар 2018 11:08
Bykvu.com

Ауғанстан астанасында тағы теракт.

Бұл жолы Кабулда маршал Фахим атындағы ұлттық қорғаныс университетіне шабуыл  жасалды. Соңғы мәлімет бойынша, қайғылы оқиға кезінде 11 адам қаза тауып, 16-сы жарақат алған. Жергілікті ақпарат құралдарының мәліметінше, шабуылды 5 адам ұйымдастырған. Лаңкестік әрекетті «Ирак және Левант» лаңкестік тобы мойнына  алды.

Еске салсақ, қаңтардың 27-сі күні Кабулда ірі теракт болған еді. Ол кезде жанкешті жарылғыш зат тиелген жедел жәрдем көлігін Ауғанстан астанасының орталық көшесінде жарып жіберген. Салдарынан 100-ден астам адам қаза тапты. Еліміздің Сыртқы істер министрлігі террористік əрекетті қатаң айыптады. Сыртқы ведомствоның мәліметінше, зардап  шеккендер арасында қазақстандықтар жоқ.

БҰҰ Қауіпсіздік Кеңесі Кабулдағы терактіні айыптады

    Дүйсенбі, 29 Қаңтар 2018 07:47

Қаңтардың жиырма жетісінде Кабулда терракт болды.

Жарылғыш зат тиелген жедел жәрдем көлігі Ауғанстан астанасының орталық көшесіне келіп жарылған. Лаңкестік шабуыл салдарынан 100-ден астам адам қаза тапты. БҰҰ Қауіпсіздік Кеңесі Кабулдағы терактіні айыптады. Қауіпсіздік Кеңес мүшелері «Талибан» қозғалысы өз мойнына алған террористік шабуылға қатысы барларды тауып, әділ жазасын беру керек екенін жеткізді. Лаңкестік шабуылды Франция елі де айыптап, терроризммен күресте Ауғанстанды қолдайтындықтарын жеткізді. Ал Ақ үй басшысы Дональд Трамп барлық мемлекеттерді тәліптерге қарсы күш біріктіріп, әрекет етуге шақырды. Жалпы АҚШ тәліптермен Ауғанстан аумағында 2001 жылдан бері соғысып келеді. Осы аралықта 2 мыңнан астам америкалық әскери қызметші қаза тауып, 20 мыңнан астамы жарақат алған.

Гонконгте 450 келілік бомба залалсыздандырылды

    Жексенбі, 28 Қаңтар 2018 23:26

Гонконгте Екінші дүниежүзілік соғыс заманынан қалған бомба залалсыздандырылды.

Мамандар тиісті жұмыстармен бір тәуліктен астам уақыт бойы айналысқан. Абырой болғанда, жапа шеккендер жоқ. Айта кеткен жөн, 450 келілік бомба құрылыс жұмыстары кезінде табылған еді. Залалсыздандыру шарасына оннан астам сапер қатысты. Қауіпсіздік ретінде таудағы 1300-ге жуық тұрғын эвакуацияланған. Негізі бір жыл бұрын осы Гонконгте тағы бір америкалық бомба табылған болатын. Оның салмағы 220 келіге дейін жеткен.

Филиппинде қуатты жер сілкінісі болды

    Жексенбі, 28 Қаңтар 2018 17:27

Филиппин жағалауында күші 5 балдық жер сілкінісі тіркелді.

Ақпаратқа сәйкес, табиғи апаттың ошағы Арас-асан қаласынан 33 шақырым жерден өтіп, кіндігі 35 шақырым тереңдікте болды.

Жер сілкінісінен қаза тапқандар мен жараланғандар туралы ақпарат түскен жоқ.

earthquaketrack

Аударған: Г.Абилова