ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Қырғызстаннан әкелінетін тауардың дұрыс рәсімделуі салық түсімін арттыруға көмектеседі

Қырғызстаннан әкелінетін тауардың дұрыс рәсімделуі салық түсімін арттыруға көмектеседі

Еліміздің мемлекеттік шекарадағы кедендік тексерулерін күшейтуіне бірнеше себеп бар. Ең негізгісі көлеңкелі бизнестің жолын кесу. Бір ғана Қырғызстаннан әкелінетін тауарлар дұрыс рәсімделсе, еліміздің қазынасына түсетін салық мөлшері 9 пайызға артады екен. Еуразиялық Экономикалық одақ елдері осы көлеңкелі бизнес салдарынан жылына 300 млн АҚШ долларынан қағылады екен.

Бақыт Сұлтанов, ҚР Қаржы министрі:

-2016 жылғы мәліметтерге сүйенсек, Қырғызстанның қытайлық импорты 1 жарым миллиард долларға тең болды. Ал Қытай тарапы бұл көрсеткішті 5,6 миллиард долларға тең деп көрсеткен. Яғни 4 миллиард доллардан астам айырмашылық бар. Қырғыз билігі импортталатын тауарлардың кедендік құнын төмендеткен соң осындай күрделі жағдай туындады.   

Ардақ Теңгебаев, ҚР ҚМ Мемлекеттік кірістер комитетінің төрағасы: 

-Ер адамның бір жейдесінің кедендік құны Қазақстанда бір данасы үшін 5,45 долларды құрайды. Ал дәл сол жейде Қырғыз Республикасының көлемінде 0,44 долларға тең. Сонда 5,08 есеге төмен болып отыр. Тағы бір айта кететін жағдай, әйелдер етігінің бір данасы Қазақстанда 28,85 долларды, Қырғызстанда дәл осы етік 2,74 долларды құрайды. Яғни баға 100,5 есе төмен көрсетіліп отыр.