×

Warning

JUser: :_load: Unable to load user with ID: 152
JUser: :_load: Unable to load user with ID: 144
+7 (7172) 757 540
astananews@khabar.kz

Қазақстан қор биржасындағы сауда-саттық көлемі 2017 жылы 150 трлн теңгеден асқан

    Жұма, 19 Қаңтар 2018 21:35

Бұл 2016 жылғыдан 60,3 пайызға көп.

Сарапшылар бұл Қазақстан қор биржасы тарихындағы рекордты көрсеткіш екенін айтады. Сондай-ақ акция нарығының капиталдануы 20 пайыз, яғни 17 триллион теңгеге өсті. Мұндай жетістікке жетуге экономикадағы өсім, инфляция деңгейінің төмендеуі мен жыл бойы базалық мөлшерлемені азайтып келген Ұлттық Банктің ақша-несие саясаты септігін тигізген. Ал биржада 12,3 триллион теңгеге шетел валютасы саудаланған. Бұл былтырғыдан 17,6 пайызға көп. Келісімдердің 98 пайызы АҚШ долларының еншісінде. Былтыр АҚШ доллары 310-345 теңге аралығында болған.

Андрей Цалюк, Қазақстан қор биржасының басқарма төрайымының орынбасары:

– Жыл қорытындысы бойынша теңге 0,3 пайызға нығайды. Демек ұлттық валютаның тұрақтылығы туралы айтуға болады. Осының арқасында инвесторлардың теңгедегі құралдарға деген қызығушылығы сақталып отыр. Осы үрдіс құнды қағаздар нарығында да байқалады. Бұл өте маңызды.

Қазақстан мен АҚШ арасындағы ынтымақтастық нығайып келеді

    Сәрсенбі, 17 Қаңтар 2018 08:30

Елімізде америкалық капиталдың қатысуымен 500-дей компания жұмыс істесе, олардың 140-тан астамы бірлескен кәсіпорын.

Ұлттық экономика министрлігі Статистика комитетінің мәліметінше, олардың 444-і – кіші, 26-сы – орта, 37-сі – ірі кәсіпорын. Қазақстан экономикасына құйылған америкалық инвестиция негізінен тау-кен өнеркәсібі, жылжымайтын мүлік, қаржы және кәсіби ұйымдар, сондай-ақ қауымдастықтар мен бірлестіктер сияқты салаларды қамтиды. Солардың ішінде «Шевронның» орны бөлек. Ол Қазақстанға алғаш келгендігімен емес, ауқымды жұмыстар жүргізетіндігімен ерекшеленеді. Әлемдік алпауыт бүгінде Теңіз кен алаңында өндірісті кеңейтуге кірісті. Жоба құны – 3 трлн теңге. Ол аяқталған соң кеніштен алынатын мұнайдың жылдық көлемі 12 млн тоннаға артып, 37 млн тоннаға жетеді.

Хэймиш Полс, ТШО БК үкіметпен және бұқарамен байланыс жөніндегі бас менеджердің орынбасары (АҚШ):

- Қазірдің өзінде қазақстандық компаниялармен келісімге қол қойылды. Модульдер мен басқа да қондырғыларды дайындауға 1900 компания қатыстырылады. Жоба тек Атырау ғана емес, Қазақстанның Ақтау, Алматы Ақтөбе секілді облыстарын да қамтиды.

Қазақстанға АҚШ 2005 жылдан бері 30 млрд доллар инвестиция салды

    Сәрсенбі, 17 Қаңтар 2018 08:12
socialforthepeople.com

Қазақстанға алғашқылардың бірі болып инвестиция құйған АҚШ болатын.

Егемендіктің елең-алаңында бізге сенім білдірген алғашқы мемлекет. 2005 жылдан бері шамамен 30 млрд доллар инвестиция құйыпты. Менмін деген алпауыт компаниялар елімізге келіп, мұнай өндірісі ілгері басты. Бүгінде Қазақстанда американдық капиталдың қатысуымен 500-ден астам компания жұмыс істейді. Таяу арада бұл тізім арта түспек. Елбасы халыққа жолдауында айтқан өнеркәсіптік революцияға АҚШ кәсіпкерлері атсалысады. Сапар нәтижесінде жалпы құны 7 млрд доллардан асатын 20 келісім бекіді.

Қазақстан «Doing Business 2018» рейтингісінде 36-шы орында тұр

    Сейсенбі, 16 Қаңтар 2018 21:36

Қазақстан «Doing Business 2018» рейтингінде 190 елдің арасынан 36-орынға орнықты.

Бұл өткен жылмен салыстырғанда бір позицияға төмен. Осы рейтингідегі алғашқы отыздыққа кіру туралы Мемлекет басшысының тапсырмасы бар. Оны орындау үшін ел Үкіметі бар саланы ілгері бастыруға күш салып жатыр.

Мәселен, бүгін Ұлттық экономика министрлігінің өкілдері Мәжіліс депутаттарына «Кәсіпкерлік қызметті жетілдіру» туралы тағы бір жаңа заңды таныстырды. Ұлттық экономика вице-министрі Серік Жұманғариннің айтуынша, заң жобасы қолданыстағы қадағалау мен тексерулерді азайтады. Нақтыласақ, мемлекеттік органдардың қадағалау-тексеру қызметтеріндегі 544-інің 117-сі жойылады. Толассыз тексерулердің орнына профилактикалық қадағалаудың жаңа институты енгізіледі.

Жалпы соңғы 5-7 жылдың жүзінде елде бизнесті тексеру 4 есеге азайған. Заң жобасында тексеріс мерзімін 30-дан 15 жұмыс күніне дейін, ал жоспардан тыс тексерістерді 10 күнге дейін қысқарту ұсынылған.

Серік Жұманғарин, ҚР Ұлттық экономика вице-министрі:

- Бүгінде бизнеске ақпараттық құралдардың көпшілігі ауыртпалық түсіреді. Яғни түрлі есептілікті тапсыру, ақпаратты, оның ішінде анықтамалар, мәліметтер, декларациялар заң жүзінде белгіленген міндет болып табылады. Сондықтан біз заңнамаға тексеру жүргіздік, оның қорытындысы бойынша 1 600-ден астам ақпараттық талап анықталды. Олардың санын реформаның алғашқы кезеңінде ғана 30%-ға қысқарту жоспарланып отыр.