ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Ресейдің Омбы қаласында қазақстандық тауарлар дүкені ашылды

    Дүйсенбі, 27 Қараша 2017 13:22

Ресейдің Омбы қаласында Солтүстік Қазақстан облысы тауарларының тағы бір дүкені пайда болды.

Бұл – Челябіде өткен екі ел арасындағы аймақаралық ынтымақтастық форумы аясында ашылған сауда нүктесі. Онда отандық 15 тауар өндірушінің өнімдері: сүт, ет, май, сыр, ұн, жартылай дайын, макарон және кондитерлік өнімдер қойылған.

«Омбы тұрғындары «Қазақстанда жасалған» азық-түліктерді таласып алады», – дейді саудагерлер. Сондықтан тауарларды аптасына 2 рет тасымалдау жоспарланып отыр. Бұл шекаралық аймақтардың әріптестігін нығайтып, сауда айналымын арттыруға мүмкіндік береді.

Виктор Хоменков, Омбы қаласының тұрғыны:

- Біз үшін жаңа дүкен ашылды. Айран, шұжық, тұшпара сатып алдым. Бағалары арзандау әрі табиғи таза өнімдер.

Руслан Шәріпов, «Есіл өңірлік даму орталығы» серіктестігінің директоры:

- Біз Солтүстік Қазақстан облысының 30 шақты компаниясымен келістік. Әзірге олардың жартысы ғана саудаға шығып отыр. Алдағы уақытта тағы да сауда нүктелерін ашып, қалғандары да жұмылдырылады. Тауарлар Еуразиялық экономикалық одақтың талаптарына толық жауап береді.

Ташкентте Қазақстан мен Өзбекстан арасында үкіметаралық келіссөздер өтті

    Сенбі, 25 Қараша 2017 20:50
https://primeminister.kz/

Ташкентте Қазақстан Премьер-министрінің бірінші орынбасары Асқар Мамин Өзбекстан премьер-министрі Абдулла Ариповпен келіссөздер жүргізді.

Кездесу барысында екіжақты қарым-қатынасты әрі қарай жандандыру үшін ҚР Президенті Н.Назарбаевтың 2017 жылғы қыркүйектегі Өзбекстанға мемлекеттік сапары барысында қол жеткізілген келісімдердің маңыздылығы атап өтілді.

«Мемлекет басшылары Н.Назарбаев пен Ш.Мирзиёевтің келісімдерін практикалық іске асыру Қазақстан-Өзбекстан қарым-қатынасына сапалы жаңа деңгейді қамтамасыз етеді», – деді А.Мамин.

Кездесу барысында өнеркәсіп кооперациясы, агроөнеркәсіп саласы, әскери-техникалық, аэроғарыш, транзиттік-көлік саласындағы ынтымақтастықты әрі қарай дамыту мәселелері талқыланды. Қашықтықтан зондтау және жерсерік байланысы бойынша қазақстандық жерсерік тобының қызметтерін ұсыну мүмкіндігі қаралды.

«Қазақстан мен Өзбекстан арасындағы тауар айналымы 2017 жылғы 9 айда 30% өсті және 1,5 млрд АҚШ долларын құрады. Ағымдағы жылдың соңына қарай тауар айналымы 2 млрд АҚШ долларын құрайды», – деді А.Мамин. Сонымен қатар ол 2020 жылға қарай әлеуетті ескергенде өзара сауда көлемін 5 млрд АҚШ долларына дейін жеткізу қажет екенін де баса айтты.

Тараптар өңірлік және шекара маңындағы ынтымақтастықтың қазіргі әлеуетін, екіжақты өзара іс-қимылдың маңызды бағытын жақтап сөйледі.

Осыған байланысты Өзбекстан премьер-министрі А.Арипов Өңіраралық ынтымақтастық форумын өткізу идеясын қолдады. Ол екі ел арасындағы сауда-экономикалық байланыстарды әрі қарай дамытуға негіз болады.

Тараптар Қазақстан мен Өзбекстан арасында дипломатиялық қатынастар орнаған күннен бастап 25 жылдықты мерекелеу бойынша іс-шаралар аясында өтіп жатқан кездесудің нышандылығын разылықпен атап өтті.

2018 жылы Қазақстанда Өзбекстан жылын өткізу жоспарланған. Ол екі елдің тарихи мұрасы мен мәдени бірлігінің бауырлас сипатын көрсетеді.

Ташкентке сапар барысында Қазақстан мен Өзбекстан арасындағы екіжақты ынтымақтастық бойынша үкіметаралық комиссияның тең төрағалары ҚР Премьер-министрінің бірінші орынбасары А.Мамин мен ӨР премьер-министрінің бірінші орынбасары А.Раматовтың жұмыс кездесуі өтті.

Сауда-экономикалық байланыстарды дамытуға, өзара сауда көлемдерін ұлғайтуға, тауарлар тізімдемесін кеңейтуге екіжақты ынтымақтастық жөнінідегі Қазақстан-Өзбекстан Үкіметаралық комиссиясының қызметі септігін тигізді.

Кездесу барысында сауда-экономикалық ынтымақтастықты одан әрі дамытудың өзекті мәселелері талқыланды, 16-үкіметаралық комиссия отырысында қол жеткізілген келісімдерді іске асырудың табыстылығы атап өтілді.

Азық-түлік өнімдері, химия және мұнай химиясы салаларында сауда үйлері құрылды. Машина жасау және фармацевтикалық салаларда сауда үйлерін құру бойынша жұмыс жүргізілуде.

«Барынша мүмкін мәселелер спектрі бойынша өзара тиімді және табысты ынтымақтастықты көздеу Қазақстан-Өзбекстан қарым-қатынастарына сапалы жаңа мазмұнды қамтамасыз етеді», – деді ҚР Премьер-министрінің бірінші орынбасары.

Кездесу қорытындысы бойынша А.Мамин мен А.Раматов сәйкес хаттамаға қол қойды.

primeminister.kz

Елордада тұңғыш рет «Креативті Орталық Азия» экономикалық форумы өтті

    Жұма, 24 Қараша 2017 15:15

Астанада Орталық Азиядағы тұңғыш креативті экономика форумы өтті. Креативті экономика бір ғана саланы қамтымайды.

Өнер, құрылыс, бизнес. Бастысы, өңірдің дамуының негізгі драйвері болуы керек. Жиынға келген Ұлыбританияның мәдениет өкілдері шеберліктерімен бөлісті. Ол жақта креативті экономиканың негізі кино, музыка, баспа ісі, сәулет өнері мен жарнама бизнесі. Ал қай сала Қазақстанның креативті экономикасына негіз болмақ? Бас қосқандар осыны анықтайды.

Галина Корецкая, ұйымдастырушы:

-Біз бұл форум алдағы уақытта да жалғасады деп сенеміз. Біз Астананы кездейсоқ таңдамадық. Елорда жас қала, сондықтан игі бастамаларды іске асыруға мүмкіндік көп. Астананы Лондон, Берлин, Рим қалалары секілді дамытуға күш саламыз.

2017 жылдың он айында өңдеу өнеркәсібіндегі өсім 5% асты

    Жұма, 24 Қараша 2017 09:51

2017 жылдың 10 айында өңдеу өнеркәсібіндегі өсім 5,2%-ға жетті. Ал экспорттан түскен қаражат 10 млрд АҚШ долларына жуықтапты.

Алдағы уақытта аталмыш көрсеткіштерді бұданда жақсарту міндеті тұр. Сол үшін қазір «Индустрия 4.0» элементтерін енгізу қолға алына бастады. Мәселен, 600-ден астам кәсіпорынның технологиялық өзгерістерге әзірлігіне талдау жасалыпты.

Олардың қатарында азық-түлік өнімдерін өндірушілердің 15 пайызы бар. Металлургия өнеркәсібінің 14, тау-кен саласының 6, құрылыс материалдарын өндіруші кәсіпорындардың 5 пайызы аталмыш тексерістен өткен.