20:05 Әрі қарай эфирде: «Тығырық» телехикаясы
×

Warning

JUser: :_load: Unable to load user with ID: 152
JUser: :_load: Unable to load user with ID: 143
+7 (7172) 757 540
astananews@khabar.kz

Еуроодақтың жалпы ішкі өнімі едәуір артқан

    Жексенбі, 31 Желтоқсан 2017 09:13

Еуроаймақ экономикасы 2017 жылды жақсы аяқтады.

Мұны аймаққа танымал 60 қаржыгер қатысқан сауалнама дәлелдеп отыр. Олардың ойынша, Brexit-ке қарамастан Еуроодақтың жалпы ішкі өнімінің өсуі келесі жылы да жалағасатын болады. Ал биыл аймақ экномикасы соңғы бірнеше жылмен салыстырғанда едәуір артып, 2 пайыздан асқан. Келер жылы ол әр тоқсан сайын жарты пайызға өседі деген болжам бар.

Джастин Стюарт, экономист:

– Соңғы жылдары Еуроаймақ экономикасы жақсы дамып келеді. Бұған Германия мен Австрия сияқты экономикалық әлеуеті зор елдердің оң әсері мол. Ирландия, Испания және Португалияда даму байқалғанымен, жастар арасындағы жұмыссыздық деңгейі келер жылы да төмендей қоймаса керек. Ал Грекиядағы жағдай әлі де күрделі. Бұл ел аймақтағы басқа мемлекеттердің қатарына қосыла алмай келеді.

Майк Инграм, экономист: 

– 2010 жылдан бері алғаш рет кірістің құнды қағаздар нарығының дамуына оң әсері байқалып отыр. Макроэкономика мен микроэкономика көрсеткіштерінің де өсімі көңіл көншітерлік.

2017 жылдың қорытындысы бойынша Қазақстан экономикасының өсімі 4%-ды құрады

    Жұма, 29 Желтоқсан 2017 17:44

2017 жылдың қорытындысы бойынша экономика өсімі 4 пайызды құрайды.

Біздің арнамызға берген эксклюзивті сұхбатында Ұлттық экономика министрі Тимур Сүлейменов осылай деп мәлімдеді. Оның айтуынша, жыл барысында ел экономикасының өсімі тұрақты болған. Нәтижесінде бұдан бұрын айтылған көрсеткіштерге қол жеткізілді. Өткен жылғымен салыстырғанда теңге бағамы 5 пайызға түсті, ал инфляция 7,5 пайыз деңгейінде тұр. Министрдің айтуынша, әртараптандыру бағдарламасын жүзеге асырудың арқасында экономиканың барлық секторында оң динамика байқалып отыр. Сұхбат барысында Тимур Сүлейменов келер жылғы даму үдерісіне болжамымен бөлісті.

Тимур Сүлейменов, ҚР Ұлттық экономика министрі:

– Біз әлеуметтік-экономикалық даму 3,1 пайыз деңгейінде өседі деп жоспарлап отырмыз. Онымен бірге біз бюджеттік жоспарлау кезінде бренд мұнайын индикатор ретінде 45 доллардан есептедік. Бюджеттік тапшылықты бұл жылы 2,9 пайыз деңгейінде аяқтаймыз деп жоспарлап отырмыз. Ал арғы жылы оны 3 есеге азайтылып, 1,1 пайызға жеткізіледі. Бұл біздің макроэкономикалық көрсеткіштерімізді айтарлықтай нығайтады. Үкімет үшін де, қаржылық-экономикалық блок үшін де үлкен жетістік болады. Сондықтан біз ұлттық қордан трансферт алуды азайтып, бұдан ары бюджеттің кірісіне сүйенбейтін боламыз. Яғни экономикамыздың тұрақты өсетініне сенімдіміз. Келесі жылы инфляция дәлізін 5-7-ға жеткіземіз. Жұмыссыздық бойынша қазіргі 4,8-5 пайыз деңгейіндегі көрсеткіш сақталады деп ойлаймыз.

Павлодарға газ өндірісі бойынша ірі француз компаниясы келетін болды

    Бейсенбі, 28 Желтоқсан 2017 09:56

Павлодар облысының мұнай-химия зауыты жанар-жағармайдың Еуро-4 стандартына сәйкес келетін алғашқы өнімін отандық нарыққа жөнелтті.

Кәсіпорынның бұл кең ауқымды жаңғырту жұмыстарын жүргізгеннен кейінгі алып отырған алғашқы өнімі. Зауыт келешекте тұтынушыға 4 мың 700 тонна дизель отыны мен осынша көлемде жанармай жеткізуді жоспарлап отыр. Тағы бір тың жаңалық – зауытқа жаңа инвесторлар тартылатыны жайынды сөз қозғалды. Мемлекетаралық келісім шеңберінде Павлодарға газ өндірісі бойынша аса ірі француз компаниясы келетін болды. Шетелдік серіктестер зауыттағы сутек қондырғысын сатып алған.

Қазақстан мен Әзербайжан арасында сауда айналымы артты

    Сейсенбі, 26 Желтоқсан 2017 20:00

Үшінші елдермен экономикалық байланысты ширатуға біздің ел ұдайы көңіл бөледі.

Бір ғана Әзербайжанмен арадағы сауда-саттығымыз биыл 3 млн долларға артқан. Қазір Қазақстанда бұл елдің 700 компаниясы жұмыс істеп тұр. Біздің мемлекет Әзербайжан үшін Азияға, ал Қазақстан үшін бұл ел батысқа шығатын қақпа іспеттес.

Қазақстан мен Әзербайжан арасындағы экономикалық байланыстардың негізгі бағыттары энергетика, көлік және ауыл шаруашылығы салаларына негізделген. Биыл қос тарап көлік қатынасын жандандырды. Каспий портын жаңалау, жаңа теміржол тарамдарын іске қосудың арқасында мемлекеттер арасындағы жүк тасымалы артты. Келесі міндет – энергетикалық әлеуетті арттыру.

Вахид Ахмедов, Парламент депутаты:

– Біздің елдер арасындағы саяси һәм экономикалық байланыстары үнемі жоғары деңгейде болатын. Соңғы жылдары экономикалық байланыстар кеңейе түсті. Қазақстан мұнайын Баку-Тбилиси-Джейхан құбыры арқылы тасымалдай бастады. Қазір Әзербайжан аумағы арқылы қазақстандық газды тасымалдау мәселесі қарастырылып жатыр.

Әзербайжанның кедендік комитетінің мәліметі бойынша, биылғы жылдың 11 айында қос ел арасындағы тауар айналымы 127 миллион долларға тақады. Ал өткен жылда бұл көрсеткіш 124 млн 391 мың доллар болған. Биыл Қазақстан мен Әзербайжан алыс-берісті ұлғайтты. Қазақстан қазір Әзербайжанға көп тауар экспорттайтын ТМД елдерінің бестігіне енеді.

Вахид Ахмедов, Парламент депутаты:

– Энергетика, көлік, ауыл шаруашылығы саласында тауар айналымын арттыру үшін екі елдің де пәрмені жетерлік. Жақында Қазақстан да, Әзербайжан да сауда-экономикалық байланыстарын нығайта түсетін жол картасын қабылдады. Мұндай шаралар байланысты тереңдете түсуге сеп болады.

Желтоқсан айының басында екі елдің үкіметаралық комиссиясы энергетикалық салаға ден қоюға бел буды. Құрылған жұмыс топтары Әзербайжан аумағы арқылы қазақстандық мұнай мен газ тасымалдаудың тиімді тетіктерін қарастыратын болады. Қазір Қазақстан Әзербайжанға химиялық шикізат, астық, арпа, темекі өнімдері мен электр жабдықтарын экспорттайды.

Авторы: Гүлжан Марқабаева