11:10 Әрі қарай эфирде: «Ана мен бала» бағдарламасы
×

Warning

JUser: :_load: Unable to load user with ID: 138
JUser: :_load: Unable to load user with ID: 143
JUser: :_load: Unable to load user with ID: 144
+7 (7172) 757 540
astananews@khabar.kz

Қазақстанға 25 жыл ішінде қаржы құйған негізгі мемлекеттер тізімі анықталды

    Сейсенбі, 15 Тамыз 2017 17:57

25 жыл ішінде ел экономикасына қаржы құйған негізгі донор 11 мемлекеттің тізімі белгілі болды.

Олардың қатарында Германия, Франция, АҚШ, Ресей, Қытай, Жапония мен Оңтүстік Корея бар. Бұл туралы үкімет үйінде өткен брифингте Инвестициялар және даму министрі Жеңіс Қасымбек мәлімдеді. Оның айтуынша, инвестициялық стратегия шеңберінде алдағы уақытта бұл елдермен байланыс одан әрі жанданып, қаржы тартудың жолдары қарастырылады. Сонымен қатар министр инвестиция тартуға басымдық берілетін экономикадағы салаларды атап өтті.

Жеңіс Қасымбек ҚР Инвестициялар және даму министрі:

- Олардың ішінде машина жасау саласы, мұнай химиясы тағы да басқа салалар бар. Екінші тобы ол үлкен перспективасы бар салалар. Болашағы бар салалар, ІТ саласы, қаржы саласы және туризм. Осы салалар бізде жаңадан дамып жатқан салалар. Оларға ерекше көзқарас болады.

Қазақстан басымдық берілетін инвестор елдерді айқындады

    Сейсенбі, 15 Тамыз 2017 14:06
Фото: asbconsulting.ru

Ұлттық Стратегияда инвестициялар тарту үшін басым елдер анықталған.

Бұл туралы ҚР Инвестициялар және даму министрі Жеңіс Қасымбек ҚР Үкіметінде өткен отырыста мәлімдеді.

«Экономикалық мүмкіндіктері ескеріле отырып, әлемнің 36 әлеуетті елі анықталды. Оның ішіндегі 11-і біз басымдық беретін елдер АҚШ, Ресей, Ұлыбритания, Германия, Франция, Италия, ҚХР, Жапония, Оңтүстік Корея, Түркия, БАӘ. Әр осы басымдық берілетін елдермен жұмыс істеу үшін СІМ-мен бірлесіп, нақты іс-қимыл жоспары әзірленетін болады», – деп атап өтті Жеңіс Қасымбек.

Қазақстанның инвестициялық климатын жақсарту мақсатында министрлік алдын ала болжауға болатын инвестициялық саясаттың ашықтығын арттыруға ниетті. Бұдан бөлек қолданыстағы инвестициялық преференциялардың тиімділігіне сараптама жасалады.

«Визалық және көші-қон режимін, шетелдік жұмыс күшін тарту шарттарын, салық және кеден заңнамасын жетілдіру бойынша кешенді шаралар қарастырылады. Сондай-ақ Қазақстанның «Doing Business» рейтингіндегі орынын көтерудің шараларын қабылдау жоспарланып отыр»,деді министр.

Сонымен қатар, министрлік инвесторлардың құқығын қорғау саласындағы заңнаманы жетілдірмек.

«Инвесторлар қауымдастығымен бірлесіп, инвестициялық омбудсмен институтын реформалау, инвесторлардың құқығын сот арқылы қорғауды жетілдіру жөнінде ұсыныстар әзірленеді. Сонымен қатар шетелдік инвесторлардың АХҚО сот жүйесіне қолжетімділігін қамтамасыз ету мүмкіндігі қарастырылуда. Бас прокуратурамен бірлесіп, мемлекеттік органдардың инвесторлар қызметін тексеруді азайту жөнінде кешенді жоспар әзірленетін болады»,деп мәлімдеді Жеңіс Қасымбек.

Сонымен қатар инвесторлардың шағымдарын және мәселелерін қадағалап, жүйелі түрде анықтайтын жаңа құрал іске қосылатын болады. Егер инвесторларда қандайда бір мәселелер туындаса, осы ақпараттық жүйе тиісті мемлекеттік органдар мен ҚР Инвестициялар және даму министрлігіне дер кезінде хабар беретін болады.

Ұлттық экспорттық стратегияны іске асыру шикізаттық емес экспортты арттыруға мүмкіндік береді

    Сейсенбі, 15 Тамыз 2017 12:23
Фото: primeminister.kz

ҚР Премьер-министрі Бақытжан Сағынтаевтың төрағалығымен өткен Үкімет отырысы барысында ҚР ұлттық экономика министрі Тимур Сүлейменов 2018-2020 жылдарға арналған «Қазақстанның ұлттық экспорттық стратегиясын» жүзеге асыру бойынша шаралар жоспарын ұсынды.

Бұл туралы ҚР Премьер-министрінің баспасөз қызметі хабарлады.

Т.Сүлейменов «Қазақстанның ұлттық экспорттық стратегиясы» Мемлекет басшысының «Қазақстанның үшінші жаңғыруы: жаһандық бәсекеге қабілеттілік» атты Жолдауындағы тапсырмаларын орындау үшін әзірленгенін, 2015 жылмен салыстырғанда, 2025 жылға қарай шикізаттық емес тауарлар экспортының көлемін екі есеге арттыруға бағытталғанын түсіндірді. Өз кезегінде Үкімет әзірлеген оны жүзеге асыру бойынша Шаралар жоспары 2015 жылғы көрсеткішпен салыстырғанда, 2020 жылға қарай шикізаттық емес экспортты бір жарым есеге арттыруға мүмкіндік береді.

Бүгінде қазақстандық өнім әлемнің 117 еліне экспортталады. Өткен жылы Қазақстан әлемдік экспорт көлемінен 0,23% үлесімен 204 елдің ішінде 52-орынға ие болды.

Қазақстанның экспорты негізінен шикізаттық өнімдер, сонымен қатар өңделуі төмен шикізаттық емес өнімдер құрайды. Соңғы 10 жыл ішінде қызмет көрсету экспорты екі есеге дерлік артып, 2016 жылы $6,3 млрд құрады.

Шикізаттық емес экспорт көлемінің өсімін қамтамасыз ету үшін Бағдарламада бірқатар міндеттерді кешенді шешу ұсынылған, оның ішінде экспортшыларды қолдаудың институттық негіздерін жетілдіру бар.

Атап айтқанда, «ҚазақЭкспорт» ҰК-ның экспортты қолдау және дамыту бойынша бірыңғай операторы мәртебесін заң жүзінде бекіту ұсынылады, ұлттық компания еліміздің барлық өңірлеріндегі және шетелдердегі өкілдіктері арқылы «бір терезе» қағидаты бойынша жұмыс істейтін болады.

Бұдан басқа перспективалы өткізу нарығын бөлумен тауарлар мен көрсетілетін қызметтер бойынша «экспорттық себет» айқындалған. Оған жеті саладан 116 тауар енді. Экспорт тұрғысынан перспективалы қызметтерге көлік, туристік, медициналық, білім беру, ғарыш, сонымен қатар қаржылық және іскерлік қызметтер жатады.

Перспективалы өткізу нарықтары ретінде 27 ел анықталды, олар шартты түрде Қазақстан үшін экспорттық мүдде дәрежесі бойынша басымдықты, жоғары және орташа, және ұзақмерзімді перспективада қызығушылық тудыратын елдер ретінде бөлінген.

Сөз соңында министр бағдарламаны жүзеге асыру бойынша әзірленген шаралар жоспары 2020 жылға қарай шикізаттық емес экспорт көлемін бір жарым есеге арттыру бойынша қойылған мақсатқа қол жеткізу дәрежесін бағалауға мүмкіндік беретін мақсатты көрсеткіштер мен нәтижелер көрсеткіштерін қамтитынын атап өтті.

Жаңа Салық кодексі: не өзгереді?

    Дүйсенбі, 14 Тамыз 2017 18:13

Енді салықтық тексерулер үш бағыт бойынша жүргізіледі.

Біріншісі – салықты уақытында төлейтіндер тексеру тегеурінінен мүлдем босатылады. Ортаңғы бөліктегілерге ішінара тексеру жүргізіледі. Ал үшінші, яғни «қызыл» аймақтағылар қатаң қадағаланады. Жаңа Салық кодексінің жобасын бүгін Ұлттық экономика вице-министрі Рулсан Дәленов тағы бір мәрте таныстырды. Аталған  құжат «Атамекен» ұлттық кәсіпкерлер палатасының негіздемесімен жасалған. Жаңа құжат жоспардан тыс тексерулерді 56%-ға қысқартпақ. Сондай-ақ шағын және орта бизнес үшін талап қою мерзімін 5-тен 3 жылға қысқарту ұсынылды. Салық кодексінің жаңа нұсқасында шаруа қожалығының басшысын, мүшелері мен жұмысшылары үшін әлеуметтік салықты алып тастау көзделген. Ұлттық экономика министрінің бірінші орынбасары Руслан Дәленовтың айтуынша, жаңа Салық кодексі қолданыстағы құжаттан мүлдем басқа құрылымымен, жаңа идеологиясымен ерекшеленеді, мазмұны әлдеқайда жеңіл болады.

Руслан Дәленов, ҚР Ұлттық экономика министрінің бірінші орынбасары:  

- Болашақта әрбір салық төлеуші өзінің қай тәуекел деңгейінде екенін алдын ала тексере алады. Егер ол ең төменді деңгейде болса, қосымша жеңілдіктер қарастырылады. Айыппұлдар салынбайды, есепшоттары тәркіленбейді. Шағын және орта бизнес және агроөнеркәсіп кешені субъектілері үшін бірқатар шарт жеңілдетіледі және қосымша режим ұсынылады. Жаңа кодексті 2018 жылдың 1 қаңтарынан бастап енгізуді жоспарлап отырмыз.