07:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 138
JUser: :_load: Unable to load user with ID: 152
JUser: :_load: Unable to load user with ID: 154
+7 (7172) 757 540
astananews@khabar.kz

Қытайда қазақстандық бал өнімдеріне сұраныс артып келеді

    Бейсенбі, 25 Қаңтар 2018 14:14

Отандық бал өнімдеріне Қытайда сұраныс артып келеді.

Шығыс Қазақстан облысының Үржар ауданындағы омарташылар бірнеше жылдан бері сыртқы нарықты бетке алып отыр. Жалпы ауданда 130-дан астам ара шаруашылығы болса, оның бесеуі асылтұқымды карпат тектес тұқымдарды ұстайды. Былтыр 250 тонна бал жиналған. Шекаралас аудан тұрғындары үшін ауыл шаруашылығы өнімдері мен азық-түлік жәрмеңкелері жиі ұйымдастырылып тұрады.

Серікқазы Сәдуақасов, Үржар ауданы әкімінің орынбасары:

- 70 тоннадай Қытай Халық Республикасына экспортталды. Шығарған себебі ол жақта жәрмеңке өтеді. Одан кейін жеке кәсіпкерлер күнделікті екі ортаға автобус жүріп тұрады. Сол арқылы тиісті құжаттарын алып, кеденнен өтеді. Сол арқылы сатып жатыр. Біздің Үржар ауданының балы сапалы, оған сұраныс та өте жоғары.

Қазақстан 2050 жылға таяу жасыл энергия үлесін елу пайызға арттырады

    Сәрсенбі, 24 Қаңтар 2018 08:00

Қазақстан 2050 жылға қарай жасыл энергия үлесін 50 пайызға дейін ұлғайта алады. Оған еліміздің әлеуеті жетеді.

Мұндай пікірді әзербайжандық сарапшы айтты. Себебі Елбасының Жолдауында осы бағыттағы жұмысты жетілдіре түсуге екпін берілген. Каспий теңізімен шекаралас мемлекеттер табиғи энергия көзін пайдалана отырып, осылайша мұнай мен газдың экспортын еселемек.

Ильхам Шабан, мұнай зерттеулері орталығының жетекшісі:

- Каспий маңындағы елдер энергия ресурсына бай. Барлық мемлекет мұнай мен газды экспорттауға қауқарлы. Бірнеше жылдан соң табиғи газ мұнайды алмастыра алады. Ал ол өз кезегінде электр энергиясын өндіруге септігін тигізеді.

Джямиль Мяликов, Баламалы қуат көздері жөніндегі мемлекеттік агенттік төрағасының орынбасары:

- Жаңғыртылған энергия көзін тауып, оны дамыту үшін Қазақстанда тиісті жер ресурсы жеткілікті. Одан бөлек оңтүстік өлкелеріңізде күн көзінен жылу, солтүстік аймақта желден қуат өндіру жұмысы жақсы дамып келеді. Бұл энергия саласындағы бірқатар өткір мәселені шешуге ықпал етпек.

Қазақстан экономикалық өсімі жөнінен 80 елдің ішінде 36-орынға шықты

    Сейсенбі, 23 Қаңтар 2018 23:00

«U.S. News and World Report» журналы жасаған бұл рейтингке Орталық Азияның өзге елдері енбеген.

Өткен жылды ел экономикасы 4 пайыз өсіммен аяқтады. Еліміздің қаржы секторын әлі де жаңғырту керектігін Президент биылғы Жолдауында нақты тапсырды.

Отандық банк жүйесінде келеңсіздіктер көп. Ал мұндай жағдайлардың ел экономикасына ғана емес, жалпы елдің инвестициялық ахуалына кері әсері болатыны бесенеден белгілі. Биыл да бірнеше банктің басына үйірілген қара бұлтты мемлекет сейілтті. Президент биылғы Жолдауында банк иелерінің экономикалық жауапкершілігін күшейту керек екенін айтты.

Сапарбай Жұбаев, экономист:

– Яғни әрбір адамға несие берген кезде оны қайтара алу мүмкіндігін есептеп көру керек, оның жалпы жағдайын тексеру керек. Пайда табу мақсатында бере берген дұрыс емес. Қайтарылмайтын несиелер тек адамның ғана емес, экономиканың, бүкіл қаржы жүйесінің қиналуына алып келеді.

Қазақстанда дәл қазір 34 коммерциялық банк жұмыс істейді. Олардың қызметін қатаң қадағалауда Ұлттық банктің құзыретін кеңейтуді Президент бұдан бұрын да талай айтқан, кешегі Жолдауында тағы қайталады. Банк секторының дамуына «Астана» халықаралық қаржы орталығының ашылуы да серпін беруі тиіс.

Сапарбай Жұбаев, экономист:

– Біздің банктер олармен бәскелестікке кіріп, сапалы жұмыс істеуі керек. Мәселен, біз олардан қорқып, кіргізбейтін болсақ, салғырттық орын алады.

Нұрсұлтан Назарбаев Жолдауда сыбайлас жемқорлықпен күрес мәселесіне де ерекше тоқталған. Заң үстемдік құрған қоғамда елдің экономикасы да дами түседі. Италияның жоғары геосаяси зерттеу институтының сарапшысы Дарио Читатидің айтуынша, экономиканы дамыту үшін мемлекеттік институттардың жұмысы ашық болуы тиіс.

Дарио Читати, Италия жоғары геосаяси зерттеу институтының «Еуразия» бағдарламасының басшысы:

– Президенттің сыбайлас жемқорлықпен күреске және заңның үстемдік құруына тоқталған тармағы ең маңызды мәселе деп айтар едім. Неліктен? Себебі алға қадам басу үшін елге инвесторларды тартып, оларға Қазақстанда іс жүзінде заңның үстемдік құратынын көрсету керек болды. Сонда ғана олар барлық қиындықтарға қарамастан, кепілді түрде жұмыс істеуге болатынына сенімді болады. Менің ойымша бұл – ел дамуы үшін өте маңызды дүние.

Мысалы, халықтың әлеуметтік жағдайын жақсарту үшін Жолдаудағы тапсырмаларды іске асыру мақсатында Алматыда биыл 50 жаңа жоба жүзеге асырылмақ. Негізгі басымдық әлеуметтік саланы қамтитын, инновациялық озық ойлы жобалар мен сандық технологияларды тегеурінді іске асыруға беріледі. Яғни қаладағы тіршілікті жеңілдететін жедел әрі сапалы қызмет артады. «Ондай жобалар қатарында онлайн жүйесі арқылы сауда жасау, автоматтандырылған логистика, энергетика жүйесін жаңғырту және смарт қала сынды жобалар бар», – деді қала әкімі.

Бауыржан Байбек, Алматы қаласының әкімі:

– Елбасы биылғы Жолдауында белгілеген 10 нақты міндет – жаһанданудың түрлі сын-қатерлерін ұтымды еңсеріп қана қоймай, жаңа технологияларды қоғам өмірінде тиімді пайдалана білгендер қатарынан табылудың даңғыл жолы. Бүкіл әлем өнеркәсіптік революцияға бет бұрған шақта ұрпақтан ұрпаққа беріліп келе жатқан халқымыздың бар рухани болмысын саф алтындай сақтап, оны болашақ буынға аманат етуде Елбасының «Рухани жаңғыру» бағдарламасының маңыздылығы арта түспек.

Жолдауда қор нарығын одан әрі дамыту туралы да айтылды. Ол үшін халықтың жинаған өз қаражатын ең алдымен түрлі бағалы қағаздарға инвестициялау мүмкіндігін арттыруды тапсырды. Айта кеткен жөн, былтыр елімізде заңдастыру науқаны аяқталып, 5,7 триллион теңгенің мүлкі мен қаражаты ресми тіркелді. Енді Үкімет бұл қаражатты экономикаға тартуы тиіс.

Авторлары: Гүлжан Марқабаева, Мейрамбек Ақмаханов

Швейцарияның Давос қаласында Дүниежүзілік экономикалық форум басталды

    Сейсенбі, 23 Қаңтар 2018 13:46

Бүгін Швейцарияның Давос қаласында Дүниежүзілік экономикалық форумның 48-ші сессиясы басталды.

Айтулы шараға 110 мемлекеттен 3 мыңнан астам қатысушы жиналды. Олардың қатарында жоғары лауазымды саясаткерлер, халықаралық ұйым жетекшілері, қоғам қайраткерлері мен алдыңғы қатарлы сарапшылар бар.

Форумға қазақстандық делегация да қатысуда. Бұл жолы экономикалық байланыстар, климаттың өзгеруі және төртінші өнеркәсіптік революция сияқты тақырыптар ортаға салынады. Жалпы басқосу аясында 400-ден астам сессия жоспарланған.