×

Warning

JUser: :_load: Unable to load user with ID: 148

Бүгін 20.00-де «Хабар» телеарнасы ЕХРО 2017 көрмесінің жабылу салтанатын тікелей эфирде көрсетеді

Бүгін 20.00-де «Хабар» телеарнасы ЕХРО 2017 көрмесінің жабылу салтанатын тікелей эфирде көрсетеді

Жылдың ең басты оқиғасы EХРО-2017 көрмесі өз мәресіне жетуде.

EХРО-2017 көрмесінің «Болашақтың энергиясы» тақырыбы ең үздік әлемдік энергия сақтау технологиясын, күн, жел, теңіз, мұхит және термалды су тәрізді бүгінде бар баламалы энергия көздерін пайдалануда жаңа әзірлемелер мен технологияны пайдалануға мүмкіндік берді. 

115 ел мен 22 ұйым шараға қатысты. Үш ай аралығында көрмені 3 жарым миллионнан аса адам тамашалады. Ал еліміздің «Нұр Әлемі» павильоны мейман ең көп келген объектілердің бірі болды.

«EXPO-2017: Болашақ энергиясы» халықаралық мамандандырылған көрмесінің жабылу салтанатын көріңіздер. 10 қыркүйек күні сағат 20.00-де ТІКЕЛЕЙ КӨРСЕТІЛІМНЕН қапы қалмаңыздар!

Жабылу салтанатының ресми бөлімі Конгресс орталығы ғимаратында өтеді, алайда көрсетілім Амфитеатр сахнасынан 20:00-ден 20:50-ге дейін жүргізіледі. 

Естеріңізге сала кетейік, 10 қыркүйекте ЕХРО 2017 көрмесі түнгі екі жарымға дейін жұмыс істейді.

Көрме штаттық режимде қызмет етеді, барлық павильондар қонақтарды сағат 09:30-дан 20:00-ге дейін қабылдайды.

Көрмеге кіру аумағы алдындағы ресми билет кассалары 09:00-ден 18:30-ға дейін және 22:00-ден 00:30-ға дейін жұмыс істейтін болады. Ал 19:00-ден 22:00-ге дейінгі уақыт аралығында көрменің барлық кіреберістері жабылады.

Оңтүстік және батыс кіреберістері сағат 22:00-ден бастап қайта ашылады және 01:00-ге дейін көрмеге келушілерді қабылдайды.

Павильондар атриумы 22:00-де ашылып, 02:30-ға дейін жұмыс істейді. Осы уақыт аралығында халықаралық павильондар өздерінің концерттік бағдарламаларын ұсынады. Көрме кешені аумағындағы мейрамханалар мен тамақтану орталықтары жұмыстарын 22:00-ден 02:30-ға дейін жалғастырады.

Концерттік бағдарлама сағат 18:00-ден 20:00-ге және 21:00-ден 23:10-ға дейін Амфитеатр сахнасында өтеді, оны «ЭКСПО-2017» көрмесіне кіру билеті арқылы тамашалауға болады.

Көрменің жабылу салтанатына арналған отшашу сағат 21:15-те өтеді.