ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Сарапшылар: Латын қарпіне көшу – уақыт талабы

Сарапшылар: Латын қарпіне көшу – уақыт талабы

Латын әліпбиіне көшу – мемлекеттің рухани-мәдени дамуындағы аса маңызды кезең.

«Оған әр азамат өз үлесін қосу керек», – дейді еліміздегі этномәдени орталықтардың өкілдері. Қазақстан халқы Ассамблеясының ұйымдастыруымен өткен жиынға қатысушылар: «Латын әліпбиіне кезең-кезеңмен өтуге басымдық берілуі халқымыздың жаңа әліпбиді терең меңгеруіне жол ашады, – деді.

«Латын қарпімен біздің тарихымыздың байланысы тереңде жатыр. Оның үстіне жаңа әліпби – заманауи технология тілімен үндес», – дейді Ассамблея өкілдері.

Абилфас Хамедов, ҚХА Төрағасының орынбасары: 

- Әзербайжан 1994 жылы латын қарпіне көшу туралы бұйрық шығарды да жаңа әліпбиге бірден көшіп кетті. Белгілі бір деңгейде қиындықтар болған шығар. Бірақ қысқа уақытта бейімделіп кетті. Қазақстанда кезең-кезеңмен өту ұсынылды. Сондықтан қиындықтар болмайды деп ойлаймын. 

Мамай Ахетов, Алматы қаласы тілдерді дамыту басқармасының басшысы:

- Қазақ тілінің латын графикасына көшуі мәселесі қазақ тілін заманға бейімдеу, заманға лайықтау тұрғысынан, өзге түркі халықтармен түсінісу, солармен ортақ мәселелердің, ортақ тұстардың бірін жақындатудан туындап отырғандығы анық. Сондықтан бұл дәл мезгілінде жасалып отырған шара деп ойлаймын.