Атбасарлықтарға берілетін үй құрылысының материал тапшылығынан тоқтап қалуы жиіледі

Атбасарлықтарға берілетін үй құрылысының материал тапшылығынан тоқтап қалуы жиіледі

Биыл қыс қаһарлы болады деп естіген, Атбасар тұрғындары, алаңдап отыр. Көктемде баспаналарын қызыл су шайып кеткен еді.

Ал мемлекет тарапынан берілетін тұрғын үйдің құрылысы әлі аяқталмай тұр. Жұмыстың бәсең жүріп жатқанына қынжылған атбасарлықтар арнамызға хабарласты.

Мердігерлер сөзіне сенсек, әзірге барлық шығынды құрылыс компанияларының өздері өтеп келеді. Себебі Үкіметтен осы күнге дейін қаржы бөлінбеген. Содан болар құрылыс баяу жүріп жатыр. Аракідік материалдар жетпей қалып, жұмыс тоқтап қалады екен.

Наталья  Ситникова, Атбасар қаласының тұрғыны: 

-Мен бізге уәде етілген пәтерді асыға күтіп жүрмін. Әкімдік біздің отбасыға 1 бөлмелі пәтер беріледі деді. Жергілікті билік айтқан соң жерде қалдырмайтын шығар деп бәріміз сеніп жүрміз. Әйтпесе уайымдап жүргеніміз рас. Амал жоқ, күтуге мәжбүрміз.