Қоғам - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Бейсенбі, 19 Қазан 2017 13:10

Бірер сағаттан кейін Өскеменде «Туған жер» форумы басталады. Оған осы өңірде туып өскен белгілі тұлғалар мен меценаттар жиналып жатыр. Әрқайсысы туған өлкенің өсіп өркендеуіне үлес қосып, әлеуметтік жобаларға қаржылай қолдау көрсетуге ниетті.

Олжас Керейхан, тілші:

-Облыста «Рухани жаңғыру» бағдарламасы бірнеше бағыт бойынша жүзеге асып жатыр. Ол үшін өңірде алдағы 5 жылға арналған кешенді бағдарлама қабылданып, оған 61 жоба енді. Бұл жобаларды жүзеге асыруда неігізгі басымдық ұлттық мәдениет пен әдебиет және тарих тағылымын зерделеуге беріліп отыр. 

Ал облыста «Туған жер» бағдарламасы бойынша «Менің мектебім», «Білікті маман» деген атаумен ірі екі жоба іске аспақ. Игі бастамаларды жүзеге асыруда әрбір ауыл, аудан және қаладан шыққан ірі бизнесмендер мен кәсіпкерлер белсенділік танытуда. Тек бүгінге дейін өңірдегі кәсіпкерлер әлеуметтік саланы әлдендіру мақсатында 21 миллиард теңге аударып үлгерген. Бұл қаржыға аурухана, мектеп және мәдениет үйлері жөнделіп, қажетті құралдармен жабдықталды. 

Бақытгүл Баймұханбетова, кәсіпкер:

-Жалпы кәсіпкерлікті 1994 жылы жолдасыммен бірге бастадық. Бірқатар жұмыс орнын ашып, ауылымызға қызмет жасап отырмыз. 2010 жылы «Балапан» бағдарламасымен ауылда балабақша аштық. Наубайхана, бірнеше сауда орны мен «Бота» шаруашылығы жұмыс істеп тұр. Шаруашылықта егін егіп, халықты жұмыспен қамтамасыз етіп келеміз. Биылғы оқу жылында әкеміз Ұлы Отан соғысы мен Еңбек ардагері Зайнулда Қойшыбаевтың атындағы географтя пәні кабитнетін толық жабдықтап, мектебімізге тарту еттік. 

Олжас Керейхан, тілші:

-Бүгінгі форумнан қандай нәтиже күтесіздер? Форум кәсіпкерлерге несімен тиімді?

Бақытгүл Баймұханбетова,кәсіпкер:

-Форум бәріміз үшін қызықты. Себебі осы басқосу арқылы ірілі-кішілі кәсіпкерлер бір-бірімізбен танысып жатырмыз. Ал «Менің мектебім» атты бағдарлама біз үшін өте қызықты.

Ал бүгінгі форумға жалпы 700-ден астам кәсіпкер қатысады деген жоспар бар. Олар облыста түрлі бағыт бойынша жүзеге асатын жобаларға ат салыспақ. Ал осы өңірден түлеп, бүгінде әр салада білікті еңбек етіп жүрген мамандар облыста өз салалары бойынша шеберлік сағаттарын өткізбек. Игі шара туралы біз қорытынды жаңалықтарымызда толық ақпаратпен бөлісетін боламыз.

Бейсенбі, 19 Қазан 2017 13:00

Астана процесі аясында Сирия жөнінде жоғары деңгейдегі кезекті кездесу 30-31 қазан күндері өтеді.

Жетінші халықаралық кездесуде тұтқындарды босату және із-түзсіз жоғалғандарды іздестіру бойынша жұмыс тобының ережесі бекітіледі деп күтіліп отыр. Сондай-ақ тараптар  халықаралық терроризммен күрес мәселелерін қарастырады. Сирияда гуманитарлық минадан тазарту жұмыстарын жүргізу туралы бірлескен мәлімдемені қабылдау да жоспарда бар.

Бейсенбі, 19 Қазан 2017 12:05

Латын әліпбиіне көшу түркі жазуларымен бір графикада болуға, басы артық әріптерден арылып, ақпараттық технологияларды еркін меңгеруге жол ашады. Бұл белгілі тіл маманы, филология ғылымдарының докторы Құралай Күдеринованың пікірі.

Профессордың айтуынша, латын әліпбиінің соңғы нұсқасын, яғни дыбыстарды дәйекше арқылы белгілеу үлгісін қабылдағанымыз жөн. Себебі бұл айтуға да, жазуға да жеңіл. Дәйекшені кезінде Ахмет Байтұрсынов та қолданған. Бір дыбыс, бір әріп қағидасына сүйенсек, тіл заңдылығын бұзбаймыз. Бұл маман пікірі.

Құралай Күдеринова, Сүлейман Демирел университетінің профессоры, филология ғылымдарының докторы:

-Дәл осы дәйекше 1929 жылы латынға көшкенде ең алғашқы ұсынылған әліпбиде болған. Ең алғаш бізде 1927 жылы «Тілші» газетіне мақала шыққан. Сонда 24 әріптен, бір дәйекшеден тұратын әліпби ұсынылды. Бұл болды. Бұл біршама жеңіл. Яғни осы бағытта бір дыбыс, бір әріп бағытынан таймауымыз керек. Сондай жұмыс істеуіміз керек. Осы әліпбиді жетілдіруіміз керек.

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.