Қоғам - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Сәрсенбі, 14 Маусым 2017 20:23

Венгрияның «Аударыспақ Хунгари» федерациясы президенті Иштван Бенце мен тарихшы Ласло Цако «ЭКСПО» көрмесіне елдерінен салт атпен келе жатыр.

 

Күні кеше олар Ақтауға табан тіреді. Маңғыстау жеріне Әзербайжаннан Каспий теңізі арқылы жетіпті. Сапарларына «Жібек жолы» деген атау беріп, өздері көшпенділердің көне киімін киген. Саяхатшылар әуелі Маңғыстау облысындағы тарихи орындарда болып, ата жұрты санайтын қазақтың киелі орындарына тәу етпек. «Ал елордадағы көрме кешеніне тамыз айында жетеміз», – деп отыр.


Иштван Бенце, саяхатшы /Венгрия/: 

- Астанада өтіп жатқан «ЭКСПО-2017» көрмесіне бүкіл әлем жұртшылығы қатысып жатқанда, біз де қалыс қалмайық деп шештік. Көшпенділердің салты бойынша атпен жетуді жөн деп санадық. Біздің түбіміз бір. Сондықтан да арадағы байланысты арттырғымыз келеді. Сапар барысында Қазақстандағы тарихи жерлер туралы деректі фильм түсіреміз. Жолдасым – Венгрияға белгілі жазушы. Елге барған соң әйелінің көмегімен сапар қорытындысы туралы кітап жазу да жоспарымызда бар. 

Сәрсенбі, 14 Маусым 2017 20:08

Австрия үшін Қазақстан нарығы тартымды.

Бүгін екі елдің іскерлік кеңесінің 5-отырысында елдің Ғылым, зерттеулер және экономика министрінің орынбасары осындай пікір білдірді. Бернадетте Гирлингер: «Екі ел байланысы үш бағыт бойынша бекемделуі тиіс», – деді.

Біріншісі – өзара сауда-саттықты арттыру. Екіншісі – инвестициялық мүмкіндіктерді пайдалану. Соңғысы және бастысы – «ЭКСПО» көрмесі шеңберінде әріптестікті нығайту.

Сәрсенбі, 14 Маусым 2017 19:34

«ЭКСПО» қалашығының үздік тәжірибелер алаңында қолданыстағылардан үш есе тиімді жұмыс жасайтын жел электр құрылғысы таныстырылды.

Оны отандасымыз Блок Шайкенов баласымен бірге құрастырған. Желдеткіштің басты ерекшелігі – қалағының қайқы өзекке орналасуында. Қарапайым болып көрінген осы конструкцияның өзі қазіргі үздік жел генераторларының қуатын кем дегенде 50%-ға арттыруға қауқарлы. Ғалым оны жасауға 12 жыл уақытын жұмсапты. Жаңалығын Қазақстанда паттенттеп алған. Халықаралық деңгейде авторлық құқық алуға да өтініш тапсырыпты.

Блок Шайкенов, өнертапқыш:

- Мұның өзін жаңаларға пайдалануға болады. Сосын қолданыстағы бардың барлығына арнайы қондырғылар жасап, үлкен желқалақтың түбіне, бұрын қолданып жүргендерге де пайдалануға болады. 

Қазір елімізде баламалы қуат өндіретін 50 нысан жұмыс істеп тұр. Олардың жалпы қуаты 288 мегаватқа жуық. Алдағы 3 жылда салада жаңа 53 жоба жүзеге асады. Нәтижесінде жел, су, күн және биогаздан алынатын энергия 3 мың мегаватқа жеткізіледі.  

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.