Мәдениет - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Бейсенбі, 21 Қыркүйек 2017 23:18

Павлодарда «Рухани жаңғыру» бағдарламасының белгісі – қыран құстың композициясы бой көтерді. Құрыштан құйылған нысанның авторы – «Қазақстан электролиз зауытының» жастары.

Мүсінге 15 келі металл жұмсалып, 1400-ден астам ұсақ бөлшектер қолданылған. Жаңа нысанды соғуғы жас мамандар бір апта уақыт жұмсапты. Қанатын кеңге жайған қыран құс павлодарлықтардың сүйікті орны Ертістің жағасында орнатылды.

Дмитрий Мережко, электролиз зауытының слесарі:

-Бар мүмкіндікті қалт жібермедік. Қолда бар материалдардан «Рухани жаңғыру» бағдарламасының символын жасадық. Мүсінді зауыт жастары атынан павлодарлықтарға тарту етеміз.

Бейсенбі, 21 Қыркүйек 2017 23:00

Қарағандыдағы «Жұлдыздар аллеясы» тағы бір жаңа есіммен толықты. Халықаралық «ТҮРКСОЙ» ұйымының бас хатшысы Дүйсен Қасейіновтің есімі ескерткіш тақтаға алтын әріптермен жазылды. Сондай-ақ мәдениет қайраткерінің 70 жылдық мерейтойына орай «Бар байлығым – достарым» атты гала-концерт өтті.

Арқа төсін үш күн бойы әнге бөлеген халықаралық «Әуенді Сарыарқа» фестивалінің жабылу салтанаты Дүйсен Қасейіновтің құрметіне арналды. Гала-концертке мерейтой иесінің алыс-жақын шетелдердегі жолдастары, талантты өнерпаздар арнайы келіп, рухани азық іздеген жұртқа тамаша кеш сыйлады.

Ерлан Қошанов, Қарағанды облысының әкімі:

-Осы фестиваль 19-шы рет өтіп тұр екен. Сол 19 жылда 50-ден астам мемлекеттің жұлдыздары біздің сахнада өнерін көрсетіпті. Бұл фестиваль біздің Елбасымыздың рухани жаңғыру идеяларымен үндесіп жатыр. Сондықтан да бұл фестивальдің ғұмыры ұзақ болатынына мен сенемін.

Бұл күні Қарағандының көрікті жеріндегі «Жұлдыздар аллеясына» Халықаралық «ТҮРКСОЙ» ұйымының бас хатшысы, Қазақстанның еңбек сіңірген мәдениет қайраткері Дүйсен Қасейіновтың есімі алтын әріптермен жазылып, арнайы сертификат табысталды. «Арда азаматтың еліміздің мәдениет саласын дамытудағы, тұтас Түркі дүниесінің бірлігін нығайтудағы еңбегі орасан», – дейді қарағандылықтар.

Дүйсен Қасейінов, Халықаралық «ТҮРКСОЙ» ұйымының бас хатшысы:     

-Бұл менің жұлдызым емес, бұл менің шәкірттерімнің жұлдызы, бұл менің достарымның жұлдызы, бұл бүкіл талантты қазақ елінің жұлдызы. Көп рахмет. 

Бұл аллеядағы сегізінші тақта. Бұған дейін дәл осы жерде Бибігүл Төлегеноваға, Роза Рымбаеваға, Қайрат Байбосыновқа және аты аңызға айналған «Дос-Мұқасан» тобына, тағы да басқа өнер майталмандарына құрмет белгісі қойылған. Салтанатты шара соңында отшашу болды.

Авторлары: Ардақ Асылханұлы, Василий Савкин, Әсет Асайынов

Сәрсенбі, 20 Қыркүйек 2017 23:36

Қарағанды облысының Шет ауданындағы Талды өзенінің бойынан қола дәуіріне тиесілі таңғажайып пирамиданың орны табылғанын өткен жылы арнамыздан сүйіншілеп хабарлаған едік. Ала жаздай мұнда қалпына келтіру жұмыстары жүріп, жуырда ғана аяқталды.

Енді маңайы қоршалып, абаттандырылмақ. Бұған қазынадан 5 миллион теңге қаржы бөлінді. Ескерткіш мемлекет қорғауында. Таяуда бұл Қаражартас қорымы киелі жерлердің облыстық картасына енген. Археологтар қазба жұмыстары кезінде осыдан 3200 жыл бұрын өмір сүрген ежелгі адамдардың сүйегін және олардың қолданған тұрмыстық заттарын тапқан болатын. Арасында қыш құмыра, қару-жарақ бар.

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.