17:00 Әрі қарай эфирде: «Народный контроль» программа
×

Warning

JUser: :_load: Unable to load user with ID: 144
JUser: :_load: Unable to load user with ID: 143
+7 (7172) 757 540
astananews@khabar.kz

Астаналықтар «Спарта Номад» командасын әуежайда күтіп алды

    Сәрсенбі, 20 Желтоқсан 2017 14:14

Жақында ғана Көңілді тапқырлар клубы Жоғары лигасын жеңіп алған «Спарта Номад» командасы бүгін Астанаға келді.

Оларды жақындары мен туыстары және жанкүйерлер, әуежайда қарсы алды. Ұшақ таңғы сағат 06:00 шамасында қонса да, күтіп алушылардың қарасы қалың болды. Жоғары лиганың финалы 15 желтоқсанда Мәскеуде өткен еді. Шешуші ойында спарталықтар Ресейдің төрт бірдей командасын артта қалдырды.

Айта кетейік, «Спарта» – Жоғары лиганы жеңіп алған алғашқы қазақстандық ұжым.

Асхат Оралов, Астана қаласы жастар саясаты мәселелері басқармасының басшысы:

- Бүгінгі күннің батырлары деуге болады. Сондықтан елорданың 100-ден астам жасы келіп, жас батырларымызды күтуде. Бұл да Тәуелсіздік күніне орай үлкен сыйлық деп есептеуге болады.

Данияр Жұмаділов, «Спарта Номад» командасының капитаны:

- Бір жарым-ай үйде болған жоқпыз, біріншіден. 3 желтоқсан күні қызым дүниеге келді. Мен қызымды әлі көрген жоқпын. Сондықтан сөзбен айту оңай емес.

«Қазақ Моцарты» Рахат-Би Әбдісағын өз өнерін Қытай жұртына паш етпек

    Сейсенбі, 19 Желтоқсан 2017 22:14

«Қазақ Моцарты», композитор және пианиношы Рахат-Би Әбдісағын келер жылдың сәуірінде өз өнерін Қытай жұртына паш етпек.

Бұл шара «Тоғыз сиқырлы нота» деп аталатын жобаның аясында ұйымдастырылмақ. Оған Шанхай ынтымақтастық ұйымы мұрындық болып отыр. Осыған дейін «Тоғыз сиқырлы нота» бастамасының негізінде ұйымның Бейжіңдегі бас штаб-пәтерінде бірнеше өнер кеші өтті. Қытайдың әйгілі музыканты Тянь Цзясинь мен Өзбекстанның классикалық әуен шебері Мадина Файзиева тыңдармандарын тамсандырған еді. Одан соң халықаралық сайыстардың лауреаты, тәжікстандық 12 жастағы пианиношы Джанат Хуйсейнзода концертін берді. «Тоғыз сиқырлы нота» жобасы «Шанхай ынтымақтастық ұйымы – біздің ортақ үйіміз» деп аталатын кешенді бағдарламаның бір бөлігі саналады.

Рашид Алимов, ШЫҰ бас хатшысы:

- ШЫҰ кеңістігі талантты жандар үшін шексіз. Біз мұндай өнер кештерін ай сайын ұйымдастырмақпыз. Онда ұйымға мүше елдердің өнерпаздары қатысады. Шара 2018 жылдың мамырында аяқталады. Оның шарықтау сәті ШЫҰ-ға мүше барлық елдің музыканттары бірлескен концерт беретін болады.

Димаш Құдайберген Қытайда ән кешін берді

    Жексенбі, 17 Желтоқсан 2017 16:39
Фото: Inform.kz

16 желтоқсанда Қытайдың Чанша қаласында өткен Димаш Құдайбергеннің жеке концертінің видеосын «ДимашАли» шығармашылық орталығының басшысы Қанат Айтбаев жариялады.

«Он мың адамдық зал лық толып, көрермендер көтеріңкі көңіл-күймен концертке үлкен серпін берді. Бұл кеште қазақ, ханзу, француз, ағылшын тілдеріндегі əндер шырқалды. Димаштың орындауындағы шығармаларды Қытай, Канада, Америка, Ресей, Украина музыканттарынан құралған оркестр сүйемелдеп, бишілер билерімен өрнектеді. Кеш шымылдығы Қанат Айтбаевтың сөзіне жазылған Димаштың өзінің «Сəлем» əнімен ашылып, Ұлықпан Жолдасовтың Асқар Дүйсенбінің сөзіне жазылған «Жұлдызым» əнімен жалғасты», – деп жазды Қанат Айтбаев Instagram желісінде.

Кеште сонымен қатар Айгүл Бажанованың «Махаббат бер маған» əнінің ханзу тіліндегі нұсқасы, Орал Байсеңгірдің сөзіне жазылған Димаштың «Ұмытылмас күн» əндері орындалып, тыңдармандар бірге қосылып шырқаған.

Бұдан бөлек Бейжің қаласынан келген шығармашылық топ замануи сахналық безендірудің, режиссерлік оңтайлы шешімдердің шеберлігін көрсете білген.

«Қытай еліндегі қазақ фольклорлық триосы Қытай халықтық триосымен бірлесе шығарма орындап концертке көрік берді – достық əуендерін төгілтті. Димаш өзін рояльмен сүйемелдей отырып, Естайдың «Қорланын» орындады. Интернационалдық оркестрмен бірге Нұрғисаның «Əлқиссасын», Құрманғазының «Адайын» домбырамен тартты. Димаштың жақында жазылған «Əлемде соғыс болмасын» атты төл туындысы қытай тілінде орындалып, халықты тебірентті. Кеш бойы көрермендердің қошеметі, ықыласы ерекше болды», – деп жазды әншінің әкесі.

Концертте кроссовер, этно, классика, поп бағытындағы жалпы саны отыз бір шығарма орындалып, кеш шымылдығы Саят Əбеновтың сөзіне жазылған Димаштың өзінің «Тəтті елес» əніменен жабылды.

Ақпарат көзі: ҚазАқпарат

Елбасының «Тәуелсіздік дәуірі» кітабының тұсауы кесілді

    Жұма, 15 Желтоқсан 2017 21:08

Астанада Мемлекет басшысы Нұрсұлтан Назарбаевтың «Тәуелсіздік дәуірі» атты кітабы таныстырылды.

Ұлық мереке қарсаңында жарыққа шыққан жаңа кітаптың тұсаукесер рәсіміне еліміздің зиялы қауым өкілдері қатысты. Кітапта мемлекетіміздің негізі қаланған күннен бергі атаулы әрі айтулы оқиғалары топтастырылған.

26 жыл – қас-қағым сәт болғанымен, қазақ үшін ғасырға бергісіз кезең. Бар-жоғы ширек ғасырда еліміз биік белестерді бағындыра білді. Сондықтан бұл аралық еңбек пен жарқын келешекке ұмтылыстың заманы іспетті. Елбасы кітабын «Тәуелсіздік дәуірі» деп атауы сондықтан. Мұнда азаттықтың ақ таңы атқан сәттен бастап осы күнге шейін Қазақстанның жүріп өткен жолы тізбектелген. Тұсаукесерге жиналған жұрт тағылымы мол туындының маңыздылығына тоқталып, Елбасының ерен еңбегін атап өтті.

Мұхтар Құл-Мұхаммед, «Нұр Отан» партиясы Төрағасының бірінші орынбасары:

- Елбасымыздың ой-толғаныстарынан тұратын, мемлекетіміздің негізін қалаған тұлғаның өз қолымен жазылған бұл кітапты мен Тәуелсіздік энциклопедиясы дер едім. Бұл кітап 30 жылдық киелі тарихымызды қамтиды. Кітаптың алғашқы бетін ашып қалсаңыздар, сол Кеңес одағы атты алып империяның күйреуінің қарсаңында болған саяси оқиғалар, неше түрлі қымғуыт-саяси, одақтас республикалардың басынан өткен жағдай. Соның барлығы сол заманның тарихын жасаған ұлы тұлғаның өз аузымен айтылып, қолымен жазылған.

«Тәуелсіздік дәуірі» публицистика жанрында жазылған. Қазақ және орыс тілдерінде жарыққа шықты. Туынды еліміздің жаңа тарихынан сыр шертеді. Президенттің тәуелсіздік туралы ой-толғамдарының жиынтығы. Тәуелсіздік шежіресін тұтас қамтыған кітап төрт бөлімнен тұрады. «Мемлекеттің дүниеге келуі», «Ұлы бетбұрыс», «Қияға құлаш сермеу» және «Қалыптасқан мемлекет» деп аталады. Кезең-кезеңімен сипатталатын дәуірде жаңғырудың үш бірдей толқыны кеңінен ашып көрсетілген.

Ержан Бабақұмаров, ҚР Премьер-Министрі Кеңсесі басшысының орынбасары:

- Бұл кітапта Президент Нұрсұлтан Назарбаевтың елдің тарихы мен болашағына деген терең толғауы жатыр. Туындыда Тәуелсіздіктің 26 жылы ішінде орын алған елеулі оқиғалар мен фактілер жан-жақты талданып түсіндірілген. Кітапта мемлекетті іс жүзінде басқарудың және стратегиялық жоспарлаудың құнды тәжірибесі бар. Яғни бұл өз кезегінде ертеңгі күнге сеніммен қарауға жетелейтін жалпыұлттық тұғырнама деуге болады.

Елбасы еңбегінде үлкен саясаттан бастап, Тәуелсіздік тарихының әлеуметтік қырларына, рухани-мәдени құндылықтарға, осы кезеңдегі маңызды оқиғаларға үңілді. Нұрсұлтан Назарбаев тәуелсіздік жылдарында қол жеткізген 33 жетістік жайлы терең ой шертеді.

Дархан Қыдырәлі, Халықаралық түркі академиясының президенті:

- Қазақстанның құрылуы мен қалыптасуы хронологиялық әрі жүйелі еңбекте Тәуелсіздік жылдары жаңғырудың үшінші толқынына балаған Нұрсұлтан Назарбаев ел тарихын кезең-кезеңге бөліп, әрбір саланы жеке дара қарастырады. Біз кітапта оқиғаның қалай өрілгенін, қалай шешілгенін ғана емес, олардың түпкі себебі мен қисынын табамыз.

Ерлан Сыдықов, Л.Н.Гумилев атындағы ЕҰУ ректоры:

- Бұл кітапты БҰҰ ресми тілдеріне аудару керек. Және де бұны әлемге тарату жұмыстарын ұйымдастыруымыз керек. Осы тұғырнаманың негізінде кітаптың әртүрлі мәдени, саяси, ғылыми іс-шараларды ұйымдастыруымыз керек. Сонымен қатар оқу жоспарларына енгізуіміз керек. Мектеп болсын, университет, колледждер болсын. Осылайша Тәуелсіздігіміздің канондық негізінде жазылған тарихы бар деп толық айта аламыз.

Сонымен қатар кітапта «қазақстандық даму үлгісінің» табиғаты мен оның эволюциясы, басты ұстанымдары мен қозғуашы күштері сараланған. Ертеңгі күнге деген автордың көзқарастарын да көруге болады. Елулікке ену бағдарламасын мерзімінен бұрын орындаған ұлы даланың ендігі межесі – озық отыз елдің қатарынан табылу.

Леонид Прокопенко, ҚХА хатшылығы жетекшісінің орынбасары:

- Президенттің «Тәуелсіздік дәуірі» атты кітабы әлемдегі бейбітшілік пен келісімді сақтау тақырыбын да кең қамтиды. Қазақстанда түрлі этникалық қарым-қатынастардың, діни көзқарастардың үйлесімділігін қамтамасыз ету үшін мемлекеттік бағдарламалар әзірленіп, доктриналар қабылданды. Бұндай жұмыс посткеңестік кеңістікте жасалған емес.

Санат Көшкімбаев, Қазақстан Стратегиялық зерттеулер институты директорының орынбасары:

- Бұл кітапта Президенттің бітімгерлік бастамалары жөнінде де жазылған. Ресей-түрік қарым-қатынасының дағдарысын үйлестіру, 2010 жылдардағы Қырғызстандағы шиеленісті реттеудегі Қазақстанның рөлі кеңінен тарқатылған. Яғни шешімі зор халықаралық мәселелерді ыңғайға келтірудегі елдің және Елбасының ерен еңбегі жайлы жазылған. Бұл – үлкен тарих. Келер ұрпақтың жадында қалуы тиіс оқиғалар.

Бақытжан Жұмағұлов, ҚР Парламенті Сенатының депутаты:

- Бұл кітаптың бір ерекшелігі, фундаменталды еңбек. Біздің қазіргі тарихымыз, ішінде болған реформалар, олардың қалай жүргенін, қандай қиындықтар кездескенін, қандай жағдайларда болғанын Елбасы жақсы айтады. Оның ішінде бұл адами еңбек. Неге десеңіз, Елбасының өзінің басынан өткен, өзінің көрген, әлем деңгейіндегі істеліп жатқан істермен қоса елімізде болып жатқан жағдайлар туралы жақсы айтылған.

Тағылымы мол туындының өскелең ұрпаққа берері мол. «Жігерлі жастардың жастанып жүріп оқитын кітабы», – дейді аға буын. Тәуелсіздіктің тарихын танып-білу үшін тапсырмас құрал.

Үмітхан Мұңалбаева, Ұлттық академиялық кітапхананың бас директоры:

- Осы кітаптың маңыздылығы, біздің жасөспірімдерге күндіз-түні оқып, тарихымызды білетін кітап болады. Ертең біздің болашаққа бағдар құру, еліміздің болашағын көздейтін жастар болса, соларға деген ең маңызды кітап деп атаймын.

Бүркітбай Аяған, тарих ғылымының докторы:

- Ең бір құндылығы жастарға тәрбие ретінде және Қазақстан тарихын тәуелсіздік жылдарын оқып-түсіну үшін керемет дерек деп түсінеміз. Бір жағынан, өзінің естеліктерін айтып отырса, екіншіден, көптеген мәліметі пайдалана отырып, Тәуелсіздік бізге қалай келді, қандай қиындық болды, біз қандай жетістікке жеттікжәне алдымызда қандай міндет тұрғанын ол кісі тамаша айтып кетті.

Мырзатай Жолдасбеков, мемлекет және қоғам қайраткері:

- Бұл кітап Тәуелсіздіктің тағдыры туралы. Тәуелсіз мемлекет болып тәжірибесі болмаған Қазақстанда тәуелсіз мемлекет орнатудың тәжірибесі туралы кітап. Осы кітап үлкен төрт бөлімнен тұрады. Осы төрт бөлімде Елбасы басынан аяғына дейін маржандай тізіп біздің үш рухани жаңғыруымызды көрсеткен.

Жеңіс пен жетістік – жасқанбай алға ұмтылғанның еншісінде. Келешек тек жасампаз жастардың қолында болмақ. Бастысы, қолда бар құндылықтар мен тәуелсіздікті сақтап қалу. Бүгінгі ұрпаққа Елбасының салар ойы осы болар.

«Адам тағдыры Отанымен тамырлас». Елбасы сөз соңын осындай тақырыппен түйіндепті. Бүгінде Қазақстан іргесі берік, экономикасы қуатты, ынтымағы жарасқан жасампаз елге айналды. Демек ширек ғасырда жүріп өткен Қазақстанның дара жолын ұлы кезеңге балауға болады. Ал ұлы тарих кемел келешекке жетелейді.

Авторлары: Мұхтар Ыбырайым, Әлібек Әлибек