×

Warning

JUser: :_load: Unable to load user with ID: 138
+7 (7172) 757 540
astananews@khabar.kz

Астананың 20 жылдығы қарсаңында балаларға арналған жобалар да іске асырылуда

    Бейсенбі, 07 Маусым 2018 19:02

Астананың 20 жылдық тойы әсіресе балалар үшін ерекше есте қалғалы тұр. Өйткені мәдени-танымдық іс-шаралардың басым бөлігі соларға арналған. Кішкентей көрермендер олардың кейбірін қазірдің өзінде тамашалай алады. Қала күніне орай барлық отбасы мүшелеріне арналған жобалар да іске асырылуда.

Қазір Астанадағы қай театрды алып қарасаңыз да күнделікті балаларға арналған қойылым ұсынуда. Әртістер биылғы мерекеге ерекше дайындық жүргізілгендігін айтады. Спектакльді таңдау өз алдына, ұжымның өнерін шыңдауға да басымдық беріліпті. Қаланың 20 жылдығы аясында олар Қазақстанның өңірлері мен көрші мемлекеттерде гастрольдік сапарда болып қайтыпты. Ал жуырда Астана өзге театрларды қабылдайды.

Еркін Қасенов, М.Горький атындағы Орыс драма театрының директоры:

- Бұл мерекеде біз мәдениетіміздің үлкен шыңын көрсеткіміз келеді. Басқа мемлекеттерден келген өнерді бағалағымыз келеді.  Бұл фестивальге Татарстан, Өзбекстан, Қырғызстан, Ресей, Сербия елдерінен және Қазақстандағы ең мықты театрлар келіп қатыспақшы.

Алматы облысының Астанаға тартуы

Құрылыстың балаларға не қатысы бар дерсіз. Тарқатып айтайық. Бұл техника мен мына жұмысшылар балаларға және барлық отбасы мүшелеріне арналған «Арай» саябағын абаттандыруда. Толықтай жаңа кейіпке енетін демалыс орынының құрылысын Алматы облысы қаржыландырылған. Былайша айтқанда, өңірдің Астанаға тартуы. Құны 3 млрд теңге болатын жұмыс қазір 85 пайызға аяқталған. Мұндағы алаңдар Жетісудың көрікті орындарының көшірмесі ретінде жасалыныпты.

Дәурен Алжасаров, Саябақты абаттандыру жобасының жетекшісі:

- Балаларға арналған және орталық алаңқайлар дайын. Таңбалы тас, Шарын каньоны да дайын. Амфитеатр және «Балқаш көлі» субұрқағы бар.

Ердәулет Байдуллаев, тілші:

- 1 шілдеден бастап бұл саябақ мына суреттегідей көрініске ие болады. Оның ерекшелігі амбебаптығында. Яғни қала қонақтары мен тұрғындарының мұнда қыстың күніде келіп демалуына барлық жағдай қарастырылған.

Авторлары: Ердәулет Байдуллаев, Айдос Меделбеков

«Әлем астаналарының шежіресі» халықаралық көрмесі ашылды

    Дүйсенбі, 21 Мамыр 2018 19:25

Бүгін елорданың 20 жылдығына орай «Әлем астаналарының шежіресі» атты халықаралық кітап көрмесі өтті.

Оған 1920-1950 жылдары жарық көрген 100-ден аса құнды кітап, мерзімді басылымдар қойылған. Көрмеге Анкара, Мәскеу, Ташкент, Кишинев туралы тың мәліметтер жиналған және Италиядан құнды 3 қолжазбаның көшірмесі әкелінді. Бірі Франческа Петр-Арканың Вергилия жұмыстары бар қолжазбасы, ал Грузия Тбилиси тарихы туралы кітаптарға қоса, Тоқтамыш хан  және Қазақстанның табиғи байлығы жайлы тың мәліметтер жеткізді.

Леван Тактакишвили, Грузия ұлттық парламенттік кітапханасы директорының орынбасары:

- Грузияның ұлттық кітапханасында 5 млн кітап болса, шамамен 10 мың данасы – Қазақстан туралы тарихи туындылар. Мәселен, «Түркістан өлкесінің тарихы» атты кітапта қазақ елі туралы көп мәлімет бар. Біз құнды кітаптардың бір бөлігін Қазақстанның Ұлттық музейіне сыйға тартпақпыз.

Астананың 20 жылдығына орай ұйымдастырылған іс-шаралар билеттері сатылымға шықты

    Дүйсенбі, 21 Мамыр 2018 19:11

Елорданың 20 жылдығы қарсаңында www.astanaday.kz сайты қайта іске қосылды.

Ресми парақшада мерейтойға қатысты барлық ақпарат жарияланған. 5  жылдық тарихы бар сайт дәстүр бойынша мамыр-қыркүйек аралығында, 4 ай бойы жұмыс жасайды.

Концерттер, театрлық қойылымдар, жәрмеңкелер мен спорттық шаралар. Астана қаласының 20 жылдығына орай 630 мерекелік шара ұйымдастырылады. Олардың қашан, қай жерде өтетіні, билеттер бағасы туралы ақпарат «astanaday.kz» сайтында жарияланған. Думанды іс-шаралардың билеттері бүгіннен бастап сатылымға шығарылды.

Нарима Мұхамбеталина, Астана қаласы мәдениет және спорт басқармасы басшысының орынбасары:

- Біздің қалада билеттер сатылатын 5 орын бар. Соның бәрін біздің сайттан көруге болады. Ашылуының мақсаты – Астанада болып жатқан барлық шараны сайтқа салып, көрермендерге толық жеткізу. Бұл сайт сайты жылда  мамыр айынан қыркүйекке дейін жұмыс істейді.

Сондай шаралардың бірі 24-26 мамырда Тәуелсіздік сарайында «Kazakhstan Fashion Week» сән апталығы, ал 29 маусым мен 1 шілде аралығында халықаралық заманауи музыка фестивалі өтеді. Басты шара – 5 шілдеде өтетін гала-концерт. Сайт парақшасындағы осындай ақпараттармен танысқан қала тұрғындары бастаманы құптап отыр.

Айдос Еңтебеков, қала тұрғыны:

- Ауылдан туыстар келсе де, қайсысы қайда екенін білмей тұрамыз. Мына сайтқа кірсең, әр шара қай жерде, қай уақытта болатыны жақсы жазылған және ол өте ыңғайлы. Жоспарлап, өзіңе қызықты шараларға қатысуға болады.

Тіпті көлік тұрақтары мен қай көшелердің уақытша жабылатыны жайлы мәліметті де осы сайттан табасыз. Ең бастысы ақпарат легі үнемі жаңартылып отырады. Сондықтан «astanaday.kz» парақшасы қала қонақтары мен тұрғындарының басты көмекші құралына айналмақ.

Авторлары: Гүлмайра Қуатбайқызы, Дәурен Жұрқабаев

Атырауда қазақтың ұлттық аспабы домбыраны дәріптейтін танымдық кеш өтті

    Сәрсенбі, 31 Қаңтар 2018 22:45

Домбыра. «Жан серігі қазақтың...». Атырау тарихи-өлкетану музейінде өткен танымдық кеш осылай аталды. Шараның мақсаты - ұлтымызбен бірге жасасып келе жатқан осы бір көне аспаптың қыр-сырын ашып, жас ұрпақ санасына күй өнері мен дәулескер домбырашылардың өмір жолынан мол мағлұмат беру.  «Рухани жаңғыру» бағдарламасы аясында қолға алынған шараға жиналғандар домбыра шанағынан төгілген сазбен сусындады.

«Халық қаһарманы-ұлы сазгер Нұрғиса Тілендиевтің күй аспабы, көзі тірісінде күй қағаны атанған Рысбай Ғабдиевтің, қазақ күй өнерінің мақтанышы, сазгер Қаршыға Ахмедьяровтың домбырасы. Бұл аспаптардың әрқайсысының өзіндік тарихы бар. Бір кезде дәулескер домбырашылар мен өнер тарландарының жан серігі болған қара домбыра бүгін міне, жас ұрпақтың қолында саз төгуде.

Жанарыс Оспан, Атырау музыка колледжінің студенті:

-Ол кісілердің домыбарсында ойнау біздер, жас буын үшін үлкен өнеге деп білемін. Бізге, жастарға осындай мағұлмат беретін кітаптар көбейіп шыға берсе екен деп тілеймін.

Домбыра аспабы осыдан шамамен 4 мың жылдай бұрын неолит дәуірінде пайда болған дейді ғалымдар. Қалай дегенмен де,  қасиетті аспаптың халқымызбен бірге жасасып, арыз-арманы мен мұң-тілегін ғасырдан-ғасырларға жалғастырып келе жатқаны анық.  

Өтепберген Әлімгерейұлы, өлкетанушы ғалым:

-Домбыра сонау көне заманнан бері Кетбұқаның дәуірінен есептесек те, онан кейінгі Асанқайғы дәуірінен есептесек те, қалай десек те, Әйтеуір ғасырдан ғасырға ұласып, бізге жалғасып келе жатыр.

Бүгінгі көрмеде күй атасы Құрманғазының, дауылпаз ақын Махамбет Өтемісұлының домбыраларының көшірмелері болды. Ал мынау күйші-сазгер Дина әжемізден қалған жәдігер.

Рашида Харипова, облыстық тарихи-өлкетану музейінің директоры:

-Дина әжеміздің өзінің саусақтарының ізі қалған, «Байжұма», «Он алтыншы жыл», «Тойбастар» күйлерін мәнеріне келтіріп тартып, әжемізге «ғасыр саңлағы» атағын алып берген қасиетті қара домбырасының біздің музейімізде сақталуы біз үшін үлкен мақтаныш!

Бүгінгі көрмеге 60-қа тарта домбыра қойылды. Әрбір саз аспабының тұсында оның егесі мен шығармашылығы туралы мағлұмат жазылған.  Күй аспабына деген құрмет мұнайлы өңірде келешекте де жалғасын таппақ. Бүгінгі көрменің заңды жалғасы ретінде музей жанынан «Домбыра орталығы» ашылады деп күтілуде.

Авторлары: Арыстанбек Кенже, Темірлан Сұлтанғазиев, Амантай Мәтенов