07:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 138
JUser: :_load: Unable to load user with ID: 143
+7 (7172) 757 540
astananews@khabar.kz

Атырауда қазақтың ұлттық аспабы домбыраны дәріптейтін танымдық кеш өтті

    Сәрсенбі, 31 Қаңтар 2018 22:45

Домбыра. «Жан серігі қазақтың...». Атырау тарихи-өлкетану музейінде өткен танымдық кеш осылай аталды. Шараның мақсаты - ұлтымызбен бірге жасасып келе жатқан осы бір көне аспаптың қыр-сырын ашып, жас ұрпақ санасына күй өнері мен дәулескер домбырашылардың өмір жолынан мол мағлұмат беру.  «Рухани жаңғыру» бағдарламасы аясында қолға алынған шараға жиналғандар домбыра шанағынан төгілген сазбен сусындады.

«Халық қаһарманы-ұлы сазгер Нұрғиса Тілендиевтің күй аспабы, көзі тірісінде күй қағаны атанған Рысбай Ғабдиевтің, қазақ күй өнерінің мақтанышы, сазгер Қаршыға Ахмедьяровтың домбырасы. Бұл аспаптардың әрқайсысының өзіндік тарихы бар. Бір кезде дәулескер домбырашылар мен өнер тарландарының жан серігі болған қара домбыра бүгін міне, жас ұрпақтың қолында саз төгуде.

Жанарыс Оспан, Атырау музыка колледжінің студенті:

-Ол кісілердің домыбарсында ойнау біздер, жас буын үшін үлкен өнеге деп білемін. Бізге, жастарға осындай мағұлмат беретін кітаптар көбейіп шыға берсе екен деп тілеймін.

Домбыра аспабы осыдан шамамен 4 мың жылдай бұрын неолит дәуірінде пайда болған дейді ғалымдар. Қалай дегенмен де,  қасиетті аспаптың халқымызбен бірге жасасып, арыз-арманы мен мұң-тілегін ғасырдан-ғасырларға жалғастырып келе жатқаны анық.  

Өтепберген Әлімгерейұлы, өлкетанушы ғалым:

-Домбыра сонау көне заманнан бері Кетбұқаның дәуірінен есептесек те, онан кейінгі Асанқайғы дәуірінен есептесек те, қалай десек те, Әйтеуір ғасырдан ғасырға ұласып, бізге жалғасып келе жатыр.

Бүгінгі көрмеде күй атасы Құрманғазының, дауылпаз ақын Махамбет Өтемісұлының домбыраларының көшірмелері болды. Ал мынау күйші-сазгер Дина әжемізден қалған жәдігер.

Рашида Харипова, облыстық тарихи-өлкетану музейінің директоры:

-Дина әжеміздің өзінің саусақтарының ізі қалған, «Байжұма», «Он алтыншы жыл», «Тойбастар» күйлерін мәнеріне келтіріп тартып, әжемізге «ғасыр саңлағы» атағын алып берген қасиетті қара домбырасының біздің музейімізде сақталуы біз үшін үлкен мақтаныш!

Бүгінгі көрмеге 60-қа тарта домбыра қойылды. Әрбір саз аспабының тұсында оның егесі мен шығармашылығы туралы мағлұмат жазылған.  Күй аспабына деген құрмет мұнайлы өңірде келешекте де жалғасын таппақ. Бүгінгі көрменің заңды жалғасы ретінде музей жанынан «Домбыра орталығы» ашылады деп күтілуде.

Авторлары: Арыстанбек Кенже, Темірлан Сұлтанғазиев, Амантай Мәтенов

Global Golden Chart Awards: Димаш Құдайберген «Үздік әртіс» аталымы бойынша жеңімпаз атанды

    Жексенбі, 28 Қаңтар 2018 13:24

Қытайдағы Global Golden Chart Awards салтанатты кешінде қазақ әншісі Димаш Құдайберген «Үздік әртіс» аталымы бойынша жеңімпаз атанды.

Бұл туралы әртіс өзінің Instagram-дағы жеке парақшасында хабарлады.

«Global Golden Chart Awards марапаттау салтанатында мен «Үздік әртіс» аталымы бойынша жеңімпаз атандым. Белгілі себептерге байланысты бүгін сіздердің алдарыңызда өз өнерімді көрсете алмадым. Аладағы уақытта барлықтарыңызды жаңа әндеріммен қуантатын боламын. Түсіністікпен қарағандарыңызға рақмет! Dears! Сіздерді жақсы көремін!», – деп жазады қазақстандық әнші өзінің Instagram парақшасында.

Шәкен Аймановтың туған жерінде халықаралық кинофестиваль өтетін болады

    Жексенбі, 28 Қаңтар 2018 10:20
Фото: sxodim.com

Қазақтың әйгілі кинорежиссері Шәкен Аймановтың туған жері Павлодар өңірінде «Ертіс синема» атты халықаралық кинофестиваль өтеді.

Отандық кино саласын дамытуға бағытталған ауқымды шара «Рухани жаңғыру» бағдарламасына негізделген. Қазіргі уақытта ұйымдастырушылық топ жасақталып, фестиваль жоспарын пысықтауда. Алдағы уақытта тақырыптық сайт ашылып, қатысушыларды тіркеу жұмыстары бастау алмақ. Бұл шара еліміздің жас режиссерлері мен сценаристерінің, сондай-ақ әртістерінің басын қоспақ. Фестивальге қысқаметражды деректі киноөнімдер қабылданып, жұртшылық назарына ұсынылады. Шара шымылдығы жазда Ертіс өзенінің жағалауында ашылады.

Ардақ Райымбеков, облыстық мәдениет, мұрағат және құжаттама басқармасының басшысы: 

– Бүгінгі күні жан-жақтан осы кинофестивальге қызығушылық танытып жатқандар өте көп. Әсіресе жастар. Сондықтан Шәкен Айманов біздің алғашқы режиссерлеріміздің бірі болғандықтан, Ертіс-Баян өңірінде киноиндустрия, кино саласын дамыту ол біздің мәдениет саласындағы бағыттардың бірі деп ойлаймын.

Музей экспонаттарын енді үйден шықпай-ақ көруге болады

    Жексенбі, 28 Қаңтар 2018 09:31
фото: Nur.kz

Музей экспонаттарын үйден шықпай-ақ көруге болады.

Алматы облыстық өңірлік коммуникациялар қызметінде «Жетісу 360» виртуалды жобасының таныстырылымы өтті. Әрбір пайдаланушы болашақта компьютер немесе смартфонның көмегімен Алматы облысы аумағындағы барлық мұражайға саяхат жасай алады. Әзірге ғаламтор пайдаланушылар 3D форматында жасалған осы жоба арқылы Талдықорғандағы Мұхамеджан Тынышбаев пен Ілияс Жансүгіров атындағы музейді тамашалай алады. Сондай-ақ сандық мультимедиа арқылы экспонаттарды кез келген уақытта суретке түсіруге болады. Ал ондағы бейнежазба 360 градуста бұрылып, оны тамашалаушыларға өте жоғары сапада көрсетіледі. Виртуалды гид қызметі мен ілеспе жолдар арқылы ақпарат беру мәселесі де жан-жақты қарастырылған.

Әсел Садықова, виртуалды жобаның бірлескен авторы:

Бүгінгі уақытта екі музейге де 3D туры жасалды. Ол 3D турда аудиогид бар. Әр адам интернет желісімен, Facebook, WhatsApp сияқты желілер арқылы өзі кіріп, керекті музейін қарай алады. Осымен ғана тоқталмай, алдағы уақытта Жетісу өңірінің көрікті жерлері – Шарын шатқалын, Көлсай т.б. сокралды аймақтардың 3D турын жасау біздің жоспарымызда бар.