12:00 Әрі қарай эфирде: Жаңалықтар
×

Warning

JUser: :_load: Unable to load user with ID: 143
+7 (7172) 757 540
astananews@khabar.kz

Астанада 20-ға жуық жүргізуші ұялы телефон арқылы сөйлескені үшін айыппұл төлейді

    Сәрсенбі, 31 Қаңтар 2018 13:22
Фото: spokoino.ru

Астана қаласы ІІД-нің қызметкерлері «Автобус» жедел алдын алу шарасын жүргізіп жатыр, деп хабарлайды елорда әкімдігінің ресми сайты ведомствоның баспасөз қызметіне сілтеме жасап.

Автомобиль жолдарындағы жол апаттарын төмендету, жүк және жолаушыларды тасымалдайтын көлік жүргізушілері арасындағы тәртіптің сақталуын арттыру, жол қозғалысын қадағалауды күшейту мақсатында жүргізіліп жатқан «Автобус» шарасының аясында полиция қызметкерлері жолаушыларды тасымалдайтын 155-тен астам автобустың жүргізушілері ЖЖЕ бұзғанын анықтады.

«Жол ережелерін бұзу оқиғаларының 19-ы – көлікті басқару кезінде телефонды қолданған, 20-ға жуығы – маневр ережелерін, 14-і – техникалық тексеріс ережелерін бұзған. Сонымен қатар, «Автобус» жедел алдын алу шарасы барысында жолаушыларды тасымалдайтын қоғамдық көлік жүргізушілерінің кінәсінен 3 ЖКО болды. Абырой болғанда, құрбандар мен зардап шеккендер жоқ», – деп жазылған ведомство таратқан хабарламада.

«Автобус» жедел алдын алу шарасы 18 ақпанға дейін жалғасын табады.

Алматы облысында қар көшкіні жолды басып қалды

    Сәрсенбі, 31 Қаңтар 2018 09:21
Фото: inform.kz

Алматы облысында Түрген өзені бассейнінде қар көшкіні жолды басып қалды.

«2018 жылғы 30 қаңтарда Түрген өзені бассейнінде Түрген ауылы - Батан шатқалы автожолында 4 рет табиғи қар көшкіні болып, жалпы көлемі 390 текше метрді құрады», – делінген хабарламада. Қардың көшуіне 29 қаңтарда Түрген өзені бассейніндегі жерасты дүмпулері себеп болған. Қазіргі кезде автожол тазаланған. Құрбан болғандар мен қирандылар жоқ.

«Іле-Алатау табиғи паркі Түрген филиалының директорына бақылау-тексеру бекеті арқылы Түрген өзені аңғарына демалу үшін келушілерді шектеу, сондай-ақ Еңбекшіқазақ ауданы әкімдігіне, Түрген ауылдық округіне автожолдарды қардан тазалау шаралары жөнінде хат жіберілді», – дейді «Қазселденқұтқару» мемлекеттік мекемесіндегілер.

Ақпарат көзі: ҚазАқпарат

Алматы облысында 2 балдық жер сілкінісі болды

    Дүйсенбі, 29 Қаңтар 2018 21:26
livekuban.ru

ҚР Білім және ғылым министрлігі Ғылым комитетінің «Сейсмологиялық тәжірибелік әдістемелік экспедициясы» мемлекеттік мекемесінің сейсмикалық стансалар желісі 29 қаңтар күні 20 сағат 36 минут 32 секундта жер сілкінісін тіркеді.

Зілзаланың ошағы Алматыдан шығысқа қарай 55 шақырым қашықтықта орналасқан. Жер сілкінісі Қазақстан аумағында болды. Энергетикалық қуаты – 10.4, Магнитудасы – MPV 5.1.

Тереңдігі – 5 шақырым. Іле Алатауындағы Түрген ауылында 2 балдық жер сілкінісі сезілді.

Қызылордада қатты желдің салдарынан көпқабатты үйдің шатыры құлады

    Бейсенбі, 25 Қаңтар 2018 12:22

Оқыс оқиға Қорқыт ата көшесінде болды.

Зардап шеккен ешкім жоқ. Дегенмен ұшқан шатыр пәтерлердің бірінің терезесін зақымдапты. Оған қоса ауладағы бірнеше ағашты сындырған. 100 пәтерлі бұл тұрғын үйдің іргесі осыдан 30 жыл бұрын қаланған. Жаңбырлы күндері жоғарғы қабаттағы пәтерлердің төбесінен су сорғалайды екен. Сондықтан кейбір пәтер иелері тұрғын үйдің төбесін өз күштерімен жауып алған.

Айсұлу Ибраева, қала тұрғыны:

- Бұл үйдің төбесінен су ағады. Бесінші қабаттағы тұрғындардың бармаған жері, жазбаған арызы жоқ. Сол себептен олар өздері үстіне мынадай шатыр істеп алған болатын. Енді қазір апат, жел деп жатыр ғой. Соның кесірінен шатырлары жерге түсті. Құдайға шүкір, адам шығыны жоқ. Қазір мына ТЖМ-нің адамдары келіп, құлаған шатырды жерге түсірді. ПИК-тің бір баласы жинастырған.