Оқиға - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Жексенбі, 01 Қазан 2017 13:46

Алматы облысындағы Жансүгіров ауылында 2 қабатты үй өртіне байланысты 32 адам қауіпсіз жерге көшірілді.

Облыс орталығынан 120 шақырым жерде түрған Жансүгіров ауылында өрт шыққаны туралы хабар таңғы сағат 08:00-де жеткен. Өрт сөндіру қызметі оқиға орнына жеткен кезде үйдің шатыры толық өртеніп, екінші қабаттың ішкі төбесі жана бастаған екен.

16 пәтерлі үй 1959 жылы тұрғызылған болып шықты. Қазір бұл баспанадағы 8 пәтерге едәуір зиян келгені анықталды. Өрт сөндіру қызметі қызыл жалынды толық сөндірді. Өрттен жараланғандар мен қаза тапқандар жоқ.

Бұл туралы ҚР ІІМ ТЖК ресми өкілі Руслан Иманқұлов хабарлайды.

Аударған: Г.Абилова

Бейсенбі, 28 Қыркүйек 2017 19:18

Қарағанды облысындағы «Қазақстан» кенішінде болған апат толықтай жұмыс берушінің кінәсінен.

Арнайы құрылған комиссия бір ай бойы апаттың салдарын анықтау жұмыстарын жүргізіп, осындай қорытынды шығарды. «АрселорМиттал Теміртау» компаниясы шахтада шахтада игеріліп жатқан жаңа учаскені толыққанды зерттемеген. Салдарынан дәл қазылып жатқан жерде жиналып тұрған газ елеусіз қалған. Компания кеншілерді жерлеу рәсімін көтеріп, бала шағаларына марқұмдардың 10 жылдық жалақысын берді.

Естеріңізге сала кетейік, 31 тамызда көмір кәсіпорнында болған метанның жарылысы үш кеншінің өмірін қиды. Тағы үш кенші жарақат алған болатын.

Нығметжан Мақажанов, ҚР Индустриалды даму министрлігі өндірістік қауіпсіздік комитеті төрағасының орынбасары:

-Комиссияның шығарған қорытындысы бойынша жұмысшының кінәсі жоқ, ал жұмыс берушінің кінәсі – жүз пайыз. Біздің пікірімізше, жұмыс берушілер жүргізілген ғылыми жұмыстарды тәжірибеде қолданбаған. Ол қолданған жағдайда жұмысшының еңбек қауіпсіздігі сақталатын еді.

Жұма, 22 Қыркүйек 2017 12:35

«Тянь-Шань» әуекомпаниясының Ми-2 тікұшағы Ақмола облысында апатты жағдайда қонды.

ҚР Инвестициялар және даму министрлігінің Азаматтық авиация комитетінің мәліметіне сәйкес, экипаждағылар аман. Тікұшақ бортында 3 адам болған. Төтенше жағдай Ақмола облысының Ақкөл ауданында тіркелді. Айта кетерлігі, «Тянь-Шань» әуекомпаниясы Алматыға жақын маңдағы әуеайлақта ұшу және парашютпен секіру қызметтерін ұсынады.  

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.