Оқиға - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Дүйсенбі, 10 Шілде 2017 10:05

Оқиға Жангелдин ауданының Көкалат ауылынан 30 шақырым жерде болған.

Алдын ала болжам бойынша өрт жай түскеннен тұтануы мүмкін. Қырылған мал «Айдос» жеке шаруашылығына тиесілі. Отарды оттан алып қалуға ұмтылған шопан да қызыл жалынның ортасында қалып қойған. «Марқұм болған қойшының артында сегіз баласы қалды», – дейді жергілікті тұрғындар.

Албарбөгет ауылдық округінің әкімі Дастан Абдуллиннің айтуынша, өрт салдарынан 1406 бас ұсақ мал шығын болған.

Қазір апат орнында құзырлы орын өкілдері төтенше жағдайдың себеп салдарын анықтаумен айналысып жатыр. 

Сәрсенбі, 05 Шілде 2017 11:17

Шымкентте апатты жағдайда тұрған бұрынғы адвокаттар кеңсесі жанып кетті.

Өрт таңғы сағат алтылар шамасында тұтанған. 1940 жылы салынған ескі ғимараттың сау тамтығы қалмаған. Қызыл жалын жалпы аумағы 517 шаршы метрге жуық жерді күлге айналдырған. Тілсіз жауды ауыздықтауға 17 техника мен жеке құрамнан 113 адам жұмылдырылған. Төтеншеліктер лаулаған жалынмен екі сағатқа жуық арпалысқан. Қос қабатты ғимараттың шатыры опырылып, ортасына түсіп, қабырғалары құлаған. Салдарынан тілсіз жаумен арпалысып жүрген бір өрт сөндіруші зардап шеккен. Ол дереу қалалық жедел жәрдем ауруханасына жеткізілген. Төтенше жағдайлар департаменті қызметкерінің екі жамбасы сынып, сол қолын күйік шалған. «Дәрігерлер қарауында, қазір жағдайы қалыпты», – дейді ОҚО ТЖД бас маманы Зарипа Тұрысбекова.

Авторы: Қ.Жүнісбеков

Бейсенбі, 29 Маусым 2017 17:54

Сенат депутаттарының сайлауы кезінде Орталық сайлау комиссиясының сайтына хакерлік шабуыл жасалған.

Белгісіз біреулер 28 маусым күні сағат 13:13-те интернет ресурсты бұзып, мәліметтер базасына кіруге әрекеттенген. Орталық сайлау комиссиясының төрағасы Берік Имашев хакерлер табылып, оларға қатысты қылмыстық іс қозғалатынын мәлімдеді. Алайда соған қарамастан, сайлаушыларды электронды тіркеу кезінде техникалық кедергілер болмаған, комиссия тарапынан ескертулер түспеген. Сайлауға 518 халықаралық және отандық байқаушы қатысты. Барлық миссия өкілдері оның өту деңгейін жоғары бағалады.

Ван Кайвень, ШЫҰ байқаушылары миссиясының жетекшісі:

-Миссиямызда Қытай, Қырғызстан, Ресей, Тәжікстан, Өзбекстанның өкілдері, барлығы 12 байқаушы болды. Біз Астана, Алматы, Көкшетаудағы аумақтық комиссиялардың қызметімен танысып, кандидаттардың сенімді өкілдерімен кездестік. Сайлауды басынан аяғына дейін бақыладық. Біздің миссияға шағым түскен жоқ. Сайлаудың заңды әрі әділ өткеніне көзіміз жетті.

Мұстафа Исен, Түркітілдес елдер Парламенттік ассамблеясы миссиясының жетекшісі:

-Сайлауда дауыс беру, оны санау, қорытындысын жариялау процестерінің бәріне куә болдық. Сайлау ұлттық заңнамаға, халықаралық стандарттарға сай өтті. Қазақстан – Орталық Азиядағы көшбасшы ел. Біз үнемі қазақ бауырларымыздың туы бұдан да жоғары желбіресін деп тілейміз. Кеше ЭКСПО көрмесін де көріп қайттық, қазақ елінің осындай шараны абыроймен атқарып жатқанына біз де қуаныштымыз.

Рамиль Гасанов, Түркітілдес мемлекеттердің ынтымақтастық кеңесінің бас хатшысы: 

-Ешбір сайлау комиссиясының жұмысына заңсыз араласу фактісі болмағанын сеніммен айта аламыз. Дауыстарды санау шарасы да ережеден ауытқыған жоқ.

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.