22:00 Әрі қарай эфирде: «Тайталас» телесериал
×

Warning

JUser: :_load: Unable to load user with ID: 138
JUser: :_load: Unable to load user with ID: 143
+7 (7172) 757 540
astananews@khabar.kz

Вашингтонда ҚР Президентінің АҚШ-қа жасаған ресми сапарына арналған жиын өтті

    Дүйсенбі, 29 Қаңтар 2018 19:27

Вашингтондағы ең ауқымды «Сараптамалық кеңес» орталығында Президент Нұрсұлтан Назарбаевтың АҚШ-қа жасаған ресми сапарына арналған қорытынды жиын өтті.

Іс-шара тікелей және интерактивті пікірталас форматында ұйымдастырылды. Оған АҚШ-тың жетекші сарапшылары, дипкорпус мүшелері, Ақ үйдің жоғары лауазымды тұлғалары, Ұлттық қауіпсіздік кеңесі, Мемлекеттік департамент және америкалық ірі компаниялардың өкілдері қатысты.

Қазақстанның елшісі Ержан Қазыханов Елбасы Нұрсұлтан Назарбаевтың ресми сапарын табысты ұйымдастыруға көмек көрсеткен әріптестеріне алғыс айтты. Ол Ақ үйде бірлесіп қабылданған мәлімдеме мен жоғары дәрежелі келісім сенімді серіктестікті тереңдете түсетініне сенім білдірді.

Ал АҚШ тарапы көптеген коммерциялық келісім жаңа жұмыс орындарын ашуға сеп болып, екі елдің экономикалық өсуіне ықпал ететінін жеткізді.  АҚШ-тың Қазақстандағы бұрынғы елшісі Ричард Хоугланд шұғыл халықаралық мәселелерді шешуде Қазақстан Президентінің көшбасшылығына тәнті екенін атап өтті және қос елдің келешегі кемел боларына сенім білдірді.

Лиза Кертис, АҚШ Президенті көмекшісінің орынбасары:

- АҚШ пен Қазақстан басшылары кездесуінің негізгі тақырыптарының бірі экономикалық ынтымақтастық болды. Екі көшбасшы іскерлік оңтайлы ахуал қалыптастырып, Қазақстанға барынша Америка компанияларын  тарту жолдарын талқылады. Мен президенттік делегация құрамында 2017 жылдың тамызында Астанаға ЭКСПО-ға бардым. Ондағы  Халықаралық қаржы орталығы мен инновациялық технологиялар паркінің болашағы жарқын болары сөзсіз. Бұл тамаша жоба. Трамп пен Нұрсұлтан Назарбаевтың кездесуі әрі қарай стратегиялық әріптестікке ықпал етері сөзсіз.

Ричард Хоугланд, АҚШ-тың Қазақстандағы бұрынғы елшісі:

- Тәуелсіздік алған жылдары Президент Нұрсұлтан Назарбаев көпвекторлық дипломатияны құруды қолға алды. Қазақстан Ресей, Қытай, АҚШ, Еуропалық одақпен жан-жақты достық қарым-қатынас орнатты. Бұл ел ядролық қаруды таратпау бастамасын қолға алып, экономикалық реформаларды өткізе бастады. 2010 жылы Қазақстан Еуропадағы қауіпсіздік және ынтымақтастық ұйымын басқарды және алғаш рет ЕҚЫҰ саммитін өткізді. Астана Сирия мәселесі бойынша да бірқатар келіссөз жүргізуге қолғабыс етті. Әрине, БҰҰ Қауіпсіздік Кеңесінің қазіргі төрағалығын атап өткен жөн. Сөзсіз, бұл әлемдік аренада Қазақстанның беделін айшықтай түсті.

ҚР СІМ Кабулдағы террорлық әрекетке байланысты мәлімдеме жасады

    Жексенбі, 28 Қаңтар 2018 16:12

Қазақстан 2018 жылғы 28 қаңтарда Кабул қаласындағы дипломатиялық ауданда болған адамгершілікке жатпайтын және нәтижесінде ондаған бейбіт адамдар қаза болған террорлық әрекетті қатаң айыптайды.

Жедел жәрдем көлігін қылмыстық мақсатқа пайдалану - аса жан түршігерлік, арсыз және зұлымдық əрекет.

Қазақстан Ауғанстан халқы жеткілікті түрде зорлық-зомбылықты басынан кешкенін мәлімдей отырып, халықаралық қауымдастықты өңірлік ынтымақтастықты кеңейту мен алдын алу дипломатиясы құралдарын тиімді пайдалану арқылы осы елге қолдау көрсетуге тағы да шақырады. 

ҚР СІМ қайтыс болғандардың отбасылары мен туысқандарына қайғырып көңіл айтады және зардап шеккендердің тезірек сауығып кетуін тілейді.

Елбасының АҚШ-қа жасаған сапарына қатысты әлемдік БАҚ әлі де мақалалар жариялауда

    Жұма, 26 Қаңтар 2018 22:13

Елбасының АҚШ-қа сапарына әлемдік БАҚ әлі де мақала арнап, сүбелі сөздерін жариялап жатыр.

Шетелдік сарапшылар да айшықты ойларын ортаға салуда.

Ядролық державалар арасындағы сенім деңгейінің төмендеген шағында БҰҰ Қауіпсіздік Кеңесінің отырысында сөз болған ядролық қарусыздану туралы бастама өте өзекті. Сарапшылардың айтуынша, Солтүстік Корея мәселесін шешу жолында Нұрсұлтан Назарбаевтың Астанада келісім алаңын ұсыну идеясы мұқият талқылауды қажет етеді.

Сергей Рекеда, ММУ Ақпараттық-сараптамалық орталығының басшысы:

– Қазір солтүстіккореялық мәселенің Сирия мәселесімен бірдей тұрғанын байқаймыз. Қазақстанның ядролық қаруға байланысты сұрақтарды шешуде тәжірибесі жетерлік. Алдыңғы шиеленісті шешуде делдал ретінде жинақтаған тәжірибесі бұл жерде де өз рөлін атқарып, үлесін қосады.

«Қазақстан Президенті Солтүстік Кореяны өз елінен үлгі алып, ядролық амбициядан бас тартуға шақырды». Америка Құрама Штаттарының әйгілі The Washington Post басылымында Елбасының БҰҰ Қауіпсіздік Кеңесіндегі бастамасы туралы жазылған мақала осылай басталады. «Нұрсұлтан Назарбаев БҰҰ Қауіпсіздік Кеңесіне Қазақстан ядролық қарудан бас тартып, ядролық державалардан шабуыл жасамау кепілдігін алып, халықаралық беделін нығайтқанын айтты. Ол Солтүстік Кореяны Қазақстан жолымен жүруге шақырды». Сондай-ақ мақала авторы Елбасының ядролық державалар Корей Халық Демократиялық Республикасына қауіпсіздік кепілдігін беру туралы ұсынысын атап өткен.

Жапонияның жетекші экономикалық басылымы Asian Review бетінде жарияланған мақалаға жүгінсек, АҚШ-тың БҰҰ тұрақты өкілі Никки Хейли ядролық қарудан бас тартқан Қазақстанның үлгісін ядролық қаруды таратпау тарихындағы маңызды оқиғалардың біріне балап отыр.

БҰҰ Қауіпсіздік Кеңесінде Таяу Шығыс мәселесі бойынша ашық пікірталас өтті

    Жұма, 26 Қаңтар 2018 21:36

БҰҰ-ның Қауіпсіздік Кеңесінде еліміздің төрағалығымен Таяу Шығыстағы жағдай бойынша ашық пікірталас өтті.

Жиында Палестина мен Израиль қарым-қатынасына және Иерусалим мәртебесіне ерекше назар аударылды. Қазақстанның БҰҰ-ы жанындағы тұрақты өкілі Қайрат Омаров өз сөзінде аталған шиеленістің шешілгенін қалайтынын жеткізді. Сондай-ақ жағдайды күрделендіретін кез келген әрекеттен аулақ болуға үндеді. Ал Йеменге қатысты түйткілді шешудің жалғыз жолы да – саяси келіссөздер жүргізу. Дебат кезінде Ливанға қатысты да пікірлер білдірілді.