Тараз қаласының мектебінде футбол сабағы пән ретінде енгізілді - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Тараз қаласының мектебінде футбол сабағы пән ретінде енгізілді

  • Сәрсенбі, 13 Қыркүйек 2017 14:19
Тараз қаласының мектебінде футбол сабағы пән ретінде енгізілді fcolesnice.cz

Тараз қаласындағы Төле би атындағы №8 орта мектеп-гимназиясының базасында өңірімізде балалар футболын дамыту жөніндегі семинар өтті.

Жиынға 30-дан астам қала мектебінің дене шынықтыру пәнінің мұғалімдері мен спорт саласының өкілдері қатысты.

Биылдан бастап білім саласына енгізілген жаңа өзгерістердің бірі – 1–4-сынып аралығындағы мектеп оқушыларының дене шынықтыру пәніне футбол сабағын үшінші пән ретінде енгізу.

Мәселен футбол сабағы бұрын жыл бойына жоспарға сай өткізілетін болса, биылдан бастап ол апта сайын міндетті түрде өткізіледі.

Сонымен қатар бастауыш сынып оқушыларына бірден футбол ойнатпай, оларды алдымен футбол ойынының техникасымен таныстырады. Тіпті қазақ футболы, атақты теңбіл доп шеберлері туралы да ақпараттар берілетін болады.

«Бұл бірінші кезекте балаларды жастайынан футболға баулу үшін керек», – дейді сала мамандары. Осыған орай ҚР Білім және ғылым министрлігі, Ұлттық ғылыми практикалық орталығының жетекшісі Асылхан Әбішов пен Қазақстан футбол федерациясының техникалық директоры Евгений Булгаков қазір өңірлерді аралап, мұғалімдермен жиындар өткізіп жатыр.

Футбол спортын оқушының жастайынан біліп өсуі баланың оған деген қызығушылығын арттырады. Сабақ кезінде дене шынықтыру пәнінің мұғалімдері оқушыларға допты қалай лақтыру, қалай тебу керектігі мен футболда қандай терминдер бар екендігін де үйрететін болады. Кездесуден кейін жиналғандарға спорт саласының өкілдері арнайы жасыл алаңда шеберлік сыныбын өткізді.

Ақпарат көзі: qsport.kz

Система Orphus Мәтінде қате таптыңыз ба? Тінтуірмен белгілеп, Ctrl + Enter басыңыз

Қазақстан және әлем жаңалықтары

Жаңалықтарға жазылу

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.