Спорт - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Сенбі, 14 Қазан 2017 19:29

Ашхабадтағы жабық кешендегі Азия ойындарының жеңімпазы Иван Иванов жаңа жылға дейін Португалия астанасы Лиссабонда жаттығатын болды.

Қазіргі кезде Григорий Егоров бастаған ұлттық құрама мүшелері Түркияның Белек қаласында ағзаны қайта қалыпқа келтіруге арналған оқу-жаттығу жиындарын өткізіп жатыр. Олардың арасында 25 жастағы ядро серпуші Иван Иванов жоқ.

Өйткені Иван басқаша таңдау жасады. Отандасымыз Португалия астанасында кешегі Кеңес Одағынан шыққан жаттықтырушы Владимир Зинченконың тобында жаттығатын болады. Қазақстандық спортшы Лиссабонға бұған дейін де бірнеше барып дайындалған еді. Жыл басында Пиреней түбегінде 2 ай дайындалып, сәуірде оралды.

Зинченконың тобында ядроны 20 метрден асырып лақтыратын бірнеше спортшы бар екен. Мысалы биылғы жылы тамыз айында Тайпэйдегі Универсиада ойындарының жеңімпазы Франтишку Белу дәл осы жерде дайындалып жүр. Ол Универсиада ойындарында ядроны 20, 86 метрге лақтырған болатын.

Жаңа жылға дейін жерлесіміз Зинченконың қарамағында үш жаттығу жиындарын өткізеді. Ивановты Алматы облысының спорт және дене шынықтыру басқармасы қаржыландырады. Ал үшінші оқу-жаттығу жиынының шығынын ҚР Жеңіл атлетика федерациясы өз мойнына алып отыр.

Айта кетейік, 2017 жыл Иванов үшін сәтті болды. Алдымен шілде айында Үндістандағы Азия чемпионатында қола жүлдеге ие болды. Қыркүйекте Ашхабадтағы жабық кешендегі Азия ойындарында топ жарды. Сонымен қатар Түрікменстанда осы ойындардың рекордын жаңартты – 19.60 метр.

Ақпарат көзі: qsport.kz

Сенбі, 14 Қазан 2017 15:19

Фируза Шарипова Алматыда титулды кездесу өткізеді.

Бұл туралы Prosports.kz хабарлады.

Жекпе-жек 17 желтоқсан күні «Алматы Аренада» өтеді екен. Ұйымдастырушы FSK Promotion компаниясы. Басты кездесуде қазақстандық боксшы екінші жартылай жеңіл салмақтағы чемпиондық атақ үшін айқасқа түседі.

Сенбі, 14 Қазан 2017 12:25

Қазақстандық боксшы Иван Дычко кәсіпқой бокста өзінің екінші айқасын өткізді.

Бұл туралы Sports.kz хабарлады.

Ол Тампадағы (АҚШ, Флорида штаты) A La Carte аренасындағы бокс кеші аясында жекпе-жекке шықты. Оның қарсыласы америкалық дебютант Родригес Кейдж болды. Айқас үшінші раундта Дычконың нокаутқа түсіруімен аяқталды. Бұл Иванның кәсіби деңгейдегі екінші жеңісі. Кейдж өз мансабын жеңіліспен бастады.

Ақпарат көзі: ҚазАқпарат

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.