18:05 Әрі қарай эфирде: «Давайте говорить!» ток-шоу
×

Warning

JUser: :_load: Unable to load user with ID: 143
+7 (7172) 757 540
astananews@khabar.kz

Допты хоккейден өтетін әлем чемпионатына Қазақстан құрамасы қатысады

    Жексенбі, 28 Қаңтар 2018 14:29

Ресейдің Хабаровск қаласында 29 қаңтар - 4 ақпан аралығында өтетін допты хоккейден кезекті әлем чемпионатына Қазақстан құрамасы да қатысады.

«Ақжайық» спорт клубынан түскен мәліметке қарағанда, Қазақстан құрамасын биыл белгілі ресейлік маман Ильяс Хандаев жаттықтырады. Оған оралдық бапкер Николай Шавалдин көмектеседі. В тобында Қазақстан құрамасы 29 қаңтар күні беташар кездесуін «Ерофей» аренасында Венгрия құрамасымен өткізеді. Содан кейін 30 қаңтарда АҚШ, келесі күні Германия құрамасымен ойнайды. Егер өз тобында қазақстандықтар үздік шықса, онда күштілердің А тобында (Швеция, Ресей, Финляндия, Норвегия) соңғы, төртінші орынға ие болған командамен 2 ақпан күні ширек финалдық бәсекесін өткізеді. Онда жеңсе, жүлде үшін таласады.

Айта кетейік, Қазақстан құрамасына допты хоккейден жоғары лига командалары арасында бүкілресейлік жарыста өнер көрсететін Оралдың «Ақжайығынан» команда капитаны, шабуылшы Максим Өтебалиев, қақпашы Нариман Такиров, жартылай қорғаушылар Сұлтан Қадыржанов, Андрей Гущин, Петр Грибанов сынды ойыншылар шақырылған болатын. Сонымен қатар дүниежүзілік додада ел намысын қазіргі кезде әр жақта жүрген Орал допты хоккейінің түлектері, шабуылшы Рауан Исалиев, қорғаушы Денис Максименко, жартылай қорғаушылар Леонид Бедарев, Ескендір Нұғманов қорғайды.

Бұған дейін әлем біріншілігінің алты мәрте қола жүлдегері атанған Қазақстан құрамасы үшін өткен жылғы дода сәтсіз болған еді. Швецияның Сандвикен қаласында өткен чемпионатта Қазақстан құрамасы ширек финалда өздерінің басты қарсыласы Норвегия елінің өкілдерін 4:0 есебімен жеңіп тұрып, ұтылып қалған-ды. Сөйтіп үнемі жүлде үшін таласқа түсетін қазақстандықтар мұндай мүмкіндіктен айырылып қалған болатын. Биыл И.Хандаевтың шәкірттері сол олқылықтың орнын толтыру үшін күш салады.

Ақпарат көзі: ҚазАқпарат

Иван Дычконың келесі жекпе-жегі қашан өтетіні белгілі болды

    Жексенбі, 28 Қаңтар 2018 08:10
Фото: sports.kz

Аса ауыр салмақта өнер көрсететін 27 жастағы қазақстандық кәсіпқой боксшы Иван Дычко (4-0, 4 КО) өзінің келесі кездесуін 17 наурызда өткізеді.

Бұл туралы Prosports.kz хабарлады.

Боксшының менеджері Зия Әлиевтің айтуынша, жекпе-жек 17 наурызда Багам аралдарында өтеді деп жоспарланып отыр.

Естеріңізде болса, Иван Дычко кәсіпқой боксқа 2017 жылдың қыркүйек айында ауысты. Содан бері ол төрт кездесу өткізіп, төртеуінде де жеңіске жетті.

Алматыда қыздар арасында өткен бокс чемпионатының жеңімпаздары анықталды

    Сенбі, 27 Қаңтар 2018 20:19

Алматыда қаңтардың 23-і мен 27-і аралығында мамандырылған жоғары спорт шеберлігі мектебінде 16-17 жастағы қыздар арасында Қазақстан чемпионаты өтті.

Бұл жарыс AIBA ережелерімен бекітілген 10 салмақ дәрежесі бойынша Қазақстанның 11 аумағынан келген 92 спортшылардың қатысуымен өтті.

- Қазақстанда қыздар арасындағы бокс жақсы дамып келеді. Ақтық сынға өте мықтылар шығып, чемпиондық атаққа таласты. Алдағы уақытта олар жастар арасындағы әлем және Азия чемпионаттарында, Аргентинадағы Олимпиада ойындарында өнер көрсететін болады, – деді халықаралық дәрежедегі AIBA төрешісі Рахымжан Сыдықов.

Өте қызықты әрі жоғары деңгейде өткен жарыстың қорытындысы бойынша өз салмағында Анель Құдайберген (48 келі), Жансая Абдраймова (51 келі), Айзада Еслямғали (54 келі), Еркежан Даулетжанқызы (57 келі), Мария Гладкова (60 келі), Зарина Халилулла (64 келі), Мая Бейсебаева (69 келі), Надежда Рябец (75 келі), Гулсая Ержан (81 келі) және Дина Исламбекова (+81 келі) жеңіске жетті.

- Финалдық кездесу өте қиын өтті. Алайда мен осыған арнайы дайындалып, жақсы нәтиже көрсете білдім деп ойлаймын. Осының бәрі бапкерлерімнің арқасы. Оларға және ұйымдастырушыларға алғыс айтқым келеді. Ендігі арманым Олимпиада ойындары, – деп жеңімпаздардың бірі Еркежан Даулетжанқызы өз ойымен бөлісті.

Жеңімпаздар мен жүлдегерлер диплом және медальмен марапатталды. Оларды құттықтауға арнайы Олимпиада чемпионы Ермахан Ибраимов бастаған спорт қайраткерлері мен ардагерлері келді.

Сонымен қатар Карина Айзахметова, Балжан Асқар, Жұлдыз Тойкова (Жеңіске деген жігері үшін), Жансая Абдраймова және Гүлсая Ержан (Үздік боксшы), Натаья Цой, Данара Ахметова, Асел Шанашова, Ержан Оспанбаев (Үздік төреші) номинациялары бойынша диплом және кубоктарға ие болды.

Арман Рысбек жекпе-жек алдындағы салмақ өлшеуден сәтті өтті

    Сенбі, 27 Қаңтар 2018 19:26
sports.kz

Қазақстандық боксшы Арман Рысбек бүгін кәсіпқой шаршы алаңдағы алғашқы жекпе-жегін өткізеді.

Боксшы жекпе-жек алдындағы салмақ өлшеу рәсімінен сәтті өтті.

Орландода (АҚШ) өтетін бокс кешіндегі қарсыласы – америкалық Хаким Аткинсон. Қарсыласы осыған дейін 11 кездесу өткізіп, 2 рет қана жеңіске жеткен. Төрт раундқа жоспарланған жекпе-жек 75 келіге дейінгі салмақ дәрежесінде өтеді.

Арман кәсіпқой бокстағы алғашқы жекпе-жегін осыған дейін өткізуі керек болған. Алайда 1 желтоқсанға (2017 жыл) жоспарланған кездесуде қарсыласы жұдырықтасудан бас тартқан болатын.

Ақпарат көзі: vesti.kz