×

Warning

JUser: :_load: Unable to load user with ID: 152
+7 (7172) 757 540
astananews@khabar.kz

Арман Рысбек жекпе-жек алдындағы салмақ өлшеуден сәтті өтті

    Сенбі, 27 Қаңтар 2018 19:26
sports.kz

Қазақстандық боксшы Арман Рысбек бүгін кәсіпқой шаршы алаңдағы алғашқы жекпе-жегін өткізеді.

Боксшы жекпе-жек алдындағы салмақ өлшеу рәсімінен сәтті өтті.

Орландода (АҚШ) өтетін бокс кешіндегі қарсыласы – америкалық Хаким Аткинсон. Қарсыласы осыған дейін 11 кездесу өткізіп, 2 рет қана жеңіске жеткен. Төрт раундқа жоспарланған жекпе-жек 75 келіге дейінгі салмақ дәрежесінде өтеді.

Арман кәсіпқой бокстағы алғашқы жекпе-жегін осыған дейін өткізуі керек болған. Алайда 1 желтоқсанға (2017 жыл) жоспарланған кездесуде қарсыласы жұдырықтасудан бас тартқан болатын.

Ақпарат көзі: vesti.kz

Қысқы Олимпиадаға баратын спортшылар саны белгілі болды

    Сенбі, 27 Қаңтар 2018 13:28
prosports.kz

Пхенчхан қаласында өтетін XXIII Қысқы Олимпиада ойындарына Қазақстаннан 57 спортшы қатысатын болды.

Қазақстан құрамасының еншісінде биатлоннан – 10, мәнерлеп сырғанау – 3, шорт-трек – 12, конькимен сырғанау – 12, шаңғы жарысы – 7, фристайл-могул – 4, фристайл-акробатика – 5, тау шаңғы спорты – 2, трамплиннен секіру – 1 және шаңғы спортынан 1 жолдама бар.

Олимпиада қалашығына бірінші болып биатлонистер кірмек. Олар 1 ақпанда Пхенчханға келеді деп жоспарланып отыр. 7 ақпанда Олимпиада қалашығында қазақтың көк байрағы көтеріледі.

Естеріңізге салайық, Қысқы Олимпиада ойындары 9-25 ақпан аралығында Оңтүстік Кореяның Пхёнчхан қаласында өтеді. Оған 95 мемлекеттен 2 900 спортшы мен ресми өкілдер қатысады.

Ақпарат көзі: prosports.kz

Мұса Тұрсынғалиев АҚШ-та титулды жекпе-жегіне дайындалып жатыр

    Сенбі, 27 Қаңтар 2018 12:03
Sports.kz

Қазақстандық боксшы Мұса Тұрсынғалиев жастар арасында жартылай жеңіл салмақта IBF чемпионы титулы үшін өтетін жекпе-жекке дайындығын жалғастырып жатыр.

Оның спарринг-қарсыластарының бірі – колумбиялық Исмаил Баррозу. Жаттығу жиыны америкалық Майамидегі Moro’s Gym залында өтуде.

Айта кетейік, Мұсаның титулды кездесуі 17 наурызда Багамада өтеді. Тұрсынғалиев бұған дейін сегіз жекпе-жегінің бәрінде жеңіп, оның жетеуін нокаутпен аяқтады.

Ақпарат көзі: prosports.kz

Қазақстандық балуандар Иранда өткен жарыста сегіз медаль жеңіп алды

    Сенбі, 27 Қаңтар 2018 08:00
Sports.kz

Иран қаласы Бендер-Махшехрда грек-рим күресінен Тахти Кубогы өтті.

Оған Қазақстанның ұлттық құрамасы да қатысқан болатын. Осы турнирде қазақстандық балуандар екі алтын, екі күміс және төрт қола медальмен марапатталды. Бұл туралы Sports.kz хабарлады.