×

Warning

JUser: :_load: Unable to load user with ID: 152
JUser: :_load: Unable to load user with ID: 143
JUser: :_load: Unable to load user with ID: 154
+7 (7172) 757 540
astananews@khabar.kz

Қазақстандық балуандар Иранда өткен жарыста сегіз медаль жеңіп алды

    Сенбі, 27 Қаңтар 2018 08:00
Sports.kz

Иран қаласы Бендер-Махшехрда грек-рим күресінен Тахти Кубогы өтті.

Оған Қазақстанның ұлттық құрамасы да қатысқан болатын. Осы турнирде қазақстандық балуандар екі алтын, екі күміс және төрт қола медальмен марапатталды. Бұл туралы Sports.kz хабарлады.

Пхенчхан Олимпиадасына елімізден 50-ден астам спортшы қатысады

    Жұма, 26 Қаңтар 2018 21:02

Пхенчханда өтетін XXIII Қысқы Олимпиада ойындарына елімізден 50-ден астам спортшы қатысады.

Ұлттық олимпидалық комитеті бүгін әйелдер арасындағы фристайл могулдан еліміздің құрамасы тағы бір лицензия ұтып алғанын жариялады. Ендеше спортшыларымыздың дайындығы қалай? Кімнен алтын күтеміз?

Олимпиадаға дайындық қызу. Ақпанның бірінде спортшыларымыздың алғашқы легі Пхенчханға аттанады. Қыс мезгілі болғанымен, ол жақта ауа райы жылы. Қар да жасанды. Сондықтан спортшыларымыз алдын ала барып, бой үйретпек.

Серік Жарасбаев, ҚР МСМ Спорт және дене шынықтыру істері комитеті төрағасының міндетін атқарушы:

– Спортшыларымыз бүкіл киім жағдайымен жабдықталған. Керек инвентарь алып, командаларға таратылған. Спортшыларымыз қазіргі уақытта кейбірі Алматыдан, кейбірі Еуропадағы соңғы жарыстардан Сеулге Олимпиадаға бір апта қалған уақытында шығады.

XXIII Қысқы Олимпиада ойындарында спорттың 15 түрінен 102 алтын медаль сарапқа салынады. Қазақстаннан 50-ден астам спортшы 9 түрлі спорт түрінен ел намысын қорғайды. Бәрі додаға сақадай сай. Алексей Полторанин, Дмитрий Рейхард пен Галина Вишневскаялар жүзден жүйрік шығып, алтын алады деген үміт бар.

Серік Жарасбаев, ҚР МСМ Спорт және дене шынықтыру істері комитеті төрағасының міндетін атқарушы:

– Былтырғы жылы осы уақытта барған кісілер өз көздерімен көрді. Мына тесттік жарыстарға қатысты. Бүкіл ғимараттары, спорт нысандары 100 пайызға дайын. Және де осы ауа райы жақсы болады деп сенеміз.

Қысқы ойындар екі кластерде орналасқан 12 спорт нысанында өтеді. Әлем жұрты көз тігетін спорт сайысының ашылу салтанатында еліміздің көк байрағын шорттрекші Абзал Әжғалиев ұстап шығады. 9-25 ақпан аралығында өтетін тартысты сайысты өткізіп алмаңыз.

Авторы: Айбар Төлжанұлы

Қазақстан шаңғы спортынан Олимпиаданың 17 жолдамасын жеңіп алды

    Жұма, 26 Қаңтар 2018 16:21
Фото: vesti.kz

Халықаралық шаңғы спорт түрлерінің федерациясы FIS қазақстандық спортшыларға Олимпиада ойындарына 17 лизенция берілгенін ресми хабарлады.

Осылайша шаңғы жарысынан бізде алты лицензия (ерлер 2, әйелдер 2 және командаға 2). Тау шаңғы спортынан екі жолдама: ерлер 1 және әйелдер 1. Трамплиннен секіруден бір лицензия ер адамға бұйырды. Фристайл-могулдан үш жолдамаға ие болдық: екеуі ерлерге, біреуі әйелге. Фристайл-акробатикадан бес лицензия берілді (ерлер 1, әйелдер 4).

Ақпарат көзі: Vesti.kz

WBC: GGG – Р4Р патшасы

    Жұма, 26 Қаңтар 2018 11:04

Бүкіләлемдік бокс кеңесі (WBC) орта салмақта WBA (Super), IBO, WBC және IBF тұжырымдары бойынша әлем чемпионы атағына ие отандасымыз Геннадий Головкинді өз салмағына тәуелсіз боксшылар рейтингінің (Р4Р) көшбасшысына теңеді.

Бокс ұйымы қазақстандық боксшының жекпе-жектеріндегі нокауттарына ерекше мән беріп, бокс патшасына лайық деп бағалады.

«GGG – Р4Р патшасы, жыл боксшысы, ол жекпе-жектерінің 80 пайыздан астамында нокаутпен жеңіске жеткен»,  – деп WBC twitter желісінде.

Ақпарат көзі: vesti.kz