09:00 Әрі қарай эфирде: Новости
×

Warning

JUser: :_load: Unable to load user with ID: 154
JUser: :_load: Unable to load user with ID: 152
+7 (7172) 757 540
astananews@khabar.kz

WBC: GGG – Р4Р патшасы

    Жұма, 26 Қаңтар 2018 11:04

Бүкіләлемдік бокс кеңесі (WBC) орта салмақта WBA (Super), IBO, WBC және IBF тұжырымдары бойынша әлем чемпионы атағына ие отандасымыз Геннадий Головкинді өз салмағына тәуелсіз боксшылар рейтингінің (Р4Р) көшбасшысына теңеді.

Бокс ұйымы қазақстандық боксшының жекпе-жектеріндегі нокауттарына ерекше мән беріп, бокс патшасына лайық деп бағалады.

«GGG – Р4Р патшасы, жыл боксшысы, ол жекпе-жектерінің 80 пайыздан астамында нокаутпен жеңіске жеткен»,  – деп WBC twitter желісінде.

Ақпарат көзі: vesti.kz

 

Қазақстан құрамасы Украинамен жолдастық кездесу өткізеді

    Бейсенбі, 25 Қаңтар 2018 16:17
vesti.kz

Футзалдан Қазақстан құрамасы Еуропа біріншілігі алдында жолдастық кездесу өткізу үшін Киевке аттанды.

Словения жерінде өтетін Еуропа біріншілігі алдында Қазақстан құрамасы Украина құрамасымен жолдастық кездесу өткізеді. Ойын 27 қаңтар күні Бровары қаласында өтеді. Кездесу Астана уақытымен 23:00-де басталады.

29 қаңтар күні Какау тәлімгерлері Киев арқылы Любляна қаласына аттанады.

Еске салайық, 2018 жылғы футзалдан Еуропа біріншілігі 30 қаңтар мен 10 ақпан аралығында Словенияның Любляна қаласында өтеді. Жеребе қорытындысы бойынша Қазақстан құрамасы «В» тобына түсті. Қарсыластарымыз – Ресей және Польша құрамалары. Әр топтан плей-офф кезеңіне екі командадан шығады.

Ақпарат көзі: vesti.kz

Олимпиада-2018: Жарыстар кестесі

    Бейсенбі, 25 Қаңтар 2018 14:47
inform.kz

Оңтүстік Кореяда өтетін ХХІІІ Қысқы Олимпиада ойындарының жарыс бағдарламасы белгілі болды.

Бүгін Олимпиаданың басталуына тура 15 күн қалды. Олимпиада ойындарының алғашқы іріктеуі 8 ақпан күні өте бастайды. Ал жарыс ресми түрде 9 ақпанда басталады.

8 ақпан күні керлинг, трамплиннен секіру жарыстарынан алғашқы іріктеу жарыстары өтеді.

9 ақпан күні керлинг, мәнерлеп сырғанау және фристайлдан сайыстар өтеді.

10 ақпан күні биатлон, шаңғы жарысы, керлинг, хоккей, шана жарысы, шорт-трек, трамплиннен секіру, сноуборд және конькимен жүгіру спортынан спортшылар сынға түседі. Бұл күні 5 медаль жиынтығы сарапқа салынады.

11 ақпан күні тау шаңғы, биатлон, шаңғы жарысы, керлинг, мәнерлеп сырғанау, фристайл, хоккей, шана жарысы, сноуборд және конькимен жүгіруден сайыстар өтеді. Бұл күні 7 медаль жиынтығы сарапқа салынады.

12 ақпан күні тау шаңғы, биатлон, керлинг, мәнерлеп сырғанау, фристайл, хоккей, шана жарысы, трамплиннен секіру, сноуборд және конькимен жүгіруден мықтылар өзара бақ сынайды. Бұл күні 8 медаль жиынтығы ойнатылады.

13 ақпан күні тау шаңғысы, шаңғы жарысы, керлинг, хоккей, шана жарысы, шорт-трек, сноуборд және конькимен жүгірушілер өнер көрсетеді. Бұл күні де 8 медаль сарапқа салынады.

14 ақпан күні тау шаңғысы, биатлон, керлинг, мәнерлеп сырғанау, хоккей, шана жарысы, шаңғы қоссайысы, сноуборд және конькимен жүгіру шеберлері жарыс жолына шығады. Бұл күні 6 медаль жиынтығы сарапқа салынады.

15 ақпан күні тау шаңғысы, биатлон, шаңғы жарысы, керлинг, мәнерлеп сырғанау, фристайл, хоккей, шана жарысы, скелетон, сноуборд және конькимен жүгіруден жарыстар өтіп, 7 медаль жиынтығы ойнатылады.

16 ақпан күні шаңғы жарысы, керлинг, мәнерлеп сырғанау, фристайл, хоккей, скелетон, трамплиннен секіру, сноуборд және конькимен жүгірушілер 5 медаль жиынтығын сарапқа салады.

17 ақпан күні тау шағысы, биатлон, шаңғы жарысы, керлинг, мәнерлеп сырғанау, фристайл, хоккей, шорт-трек, скелетон және трамплиннен секіру сайыстары өтеді. Бұл күні осы Олимпиададағы ең көп жүлде ойнатылады. 9 медаль жиынтығы өз иелерін табады.

18 ақпан күні тау шағысы, биатлон, бобслей, шаңғы жарысы, керлинг, фристайл, хоккей және конькишілер бақ сынайды. Бұл күні 6 медаль жиынтығы сарапқа салынады.

19 ақпан күні бобслей, керлинг, мәнерлеп сырғанау, фристайл, хоккей, трамплиннен секіру, сноуборд және конькимен жүгіру шеберлері жарыс жолына шығады. Бұл күні 3 медаль жиынтығы сарапқа салынады.

20 ақпан күні биатлон, бобслей, керлинг, мәнерлеп сырғанау, фристайл, хоккей, шаңғы қоссайысы және шорт-трек шеберлері өнер көрсетеді. Бұл күні 5 медаль жиынтығы сарапқа салынады.

21 ақпан күні тау шаңғысы, бобслей, шаңғы жарысы, керлинг, мәнерлеп сырғанау, фристайл, хоккей, сноуборд және конькимен жүгіруден жарыстар өтеді. Бұл күні 7 медаль жиынтығы ойнатылады.

22 ақпан күні тау шағысы, биатлон, керлинг, фристайл, хоккей, шаңғы қоссайысы, шорт-трек және сноубордтен жарыстар өтеді. Бұл күні 8 медаль жиынтығы сарапқа салынады.

23 ақпан күні тау шағысы, биатлон, керлинг, мәнерлеп сырғанау, фристайл, хоккей, сноуборд және конькишілер сынға түседі. Бұл күні 6 медаль жиынтығы таратылады.

24 ақпан күні тау шаңғысы, бобслей, шаңғы жарысы, керлинг, хоккей, сноуборд және конькимен жүгіруден мықтылар анықталады. Бұл күні 8 медаль жиынтығы өз иелерін табады.

25 ақпан, яғни соңғы жарыс күні бобслей, шаңғы жарысы, керлинг, мәнерлеп сырғанау, хоккей ойындарының мықтылары анықталады. Бұл күні 4 медаль жиынтығы сарапқа салынады.

Естеріңізге сала кетейік, Олимпиаданың салтанатты ашылу рәсімі 9 ақпан күні ал жабылу рәсімі 25 ақпан күні өтеді.

Ақпарат көзі: inform.kz

Қазақстан құрамасы Ұлттар лигасын Грузияға қарсы ойынмен бастайды

    Бейсенбі, 25 Қаңтар 2018 11:13
sinelnikove.com.ua

Еуропалық футбол қауымдастықтары одағы (UEFA) ресми сайтында Ұлттар лигасы жарысының күнтізбесін жариялады.

Қазақстан құрамасы топтағы алғашқы ойынын Грузияға қарсы ойынмен бастайды. Бұл құраманы жаттықтыратын бапкер Владимир Вайсстың есімі қазақ спортсүйер қауымына таныс-ақ. Маман осыған дейін Алматының «Қайрат» клубын жаттықтырған болатын. Қос құрама арасындағы ойын 6 қыркүйек күні Қазақстанда өтеді.

Топтық кезеңдегі ойындар жыл соңына дейін аяқталады.

6 қыркүйек: Қазақстан – Грузия

10 қыркүйек: Андорра – Қазақстан

13 қазан: Латвия – Қазақстан

16 қазан: Қазақстан – Андорра

15 қараша: Қазақстан – Латвия

19 қараша: Грузия – Қазақстан

Айта кетейік, Ұлттар лигасы – Еуропалық футбол қауымдастықтары одағы (UEFA) қолға алған жаңа футбол додасы. Халықаралық футбол күнтізбесіне сәйкес, әр екі жыл сайын өтетін болады. Жарыстың мақсаты – ұлттық құрамалар деңгейінде футболдың өркендеуі мен ресми ойындардың санын арттыру. Бұл жарысқа UEFA құрамына кіретін 55 елдің футбол қауымдастығының құрамалары қатысады.

Ақпарат көзі: vesti.kz