07:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 152
+7 (7172) 757 540
astananews@khabar.kz

Путинцева мен Дияс Тайваньдағы WTA турнирін сәтті бастады

    Сейсенбі, 30 Қаңтар 2018 10:13
hercampus.com

Қазақстандық теннисшілер жарыстың бірінші кезеңінен сүрінбей өтті.

Юлия Путинцева екі сетке жалғасқан ойында жапониялық Дзюнри Намигатаны жеңді. Есеп: 6:2, 6:4. Зарина Дияс ресейлік Анна Блинковадан басым түсті. Есеп: 6:2, 7:5.

Енді келесі айналымда Юлия жергілікті теннисші Чжан Кайчжэньмен кездессе, Зарина румыниялық Моника Никулескумен күш сынасады.

Ақпарат көзі: prosports.kz

СҚО-да полицейлер хоккейден сынға түсті

    Сейсенбі, 30 Қаңтар 2018 10:00

Петропавлда ішкі істер органдары мен күш құрылымдары қызметкерлері арасында шайбалы хоккейден республикалық чемпионат жалауын көтерді.

Дүбірлі додаға Солтүстік Қазақстан, Ақмола, Павлодар және Қостанай облыстарынан барлығы алты құрама қатысуда. Олар алдағы екі күн бойы мұз айдынында өзара мықтыны анықтайтын болады. Ал жеңімпаз команда Ішкі істер министрінің арнайы кубогымен марапатталмақ. Құқық қорғау органдары арасындағы мұндай жарыс елімізде алғаш рет өткізіліп отыр.

Владимир Марьин, ҚР ІІМ «Динамо» орталық кеңес басқармасының басшысы:

– Командалардың қандай дайындықпен келгендерін айту қиын. Себебі бірінші рет өткізіліп жатыр. Аталмыш сайысты Астана қаласының 20 жылдығына орайластырырып отырмыз. Болашақта бұл дода дәстүрге айналады деген ойдамыз.

Головкин мен Канелоның екінші жекпе-жегі ресми жарияланды

    Сейсенбі, 30 Қаңтар 2018 07:20
Prosports.kz

Головкин мен Альварес биыл 5 мамырда қайта жұдырықтасатын болды.

Отандасымыз өзінің твиттердегі парақшасында «Бұл – шындық. Осы жолы төрешілер кедергі бола алмайды!», – деп жазды. Ал Альварес «Уақыт келді. Біз дайынбыз. 5 мамырда кездескенше!», – деген. Естеріңізге сала кетейік, өткен жылдың қыркүйегінде болған кездесуде төрешілер шешіміне сәйкес Головкин мен Альварес тең түскен еді.

Оңтүстік Кореяда шорт-тректен ел құрамасы дайындықтарын пысықтап жатыр

    Дүйсенбі, 29 Қаңтар 2018 23:32

Оңтүстік Кореяның Пхенчхан қаласында XXIII Қысқы Олимпиада ойындары басталады.

Енді аз күнде Ұлттық құраманың мүшелері де сол жаққа аттанады. Бірақ кей спортшыларымыз таңғы самал елінде өткен жылдың көктем айынан бері оңтүстіккореялық жаттықтырушылармен бірге дайындалып жатыр.

Қазақстандық спортшылар Сеул мұз сарайларының бірінде былтырғы мамыр айынан жаттығып жатыр. Олимпиада сайыстары мұнда өтпейді. Бірақ шорт-трекшілердің бейімделуі үшін бұл дайындық өте маңызды. Ал Олимпиадада осы спорт түрінен екі сайыпқыранымыз – осы елдің бұрынғы азаматы Әлия Ким мен Рудный қаласының тумасы Анастасия Крестова өнер көрсетеді. Оларды оңтүстіккореялық жаттықтырушы Юн Сын Нам дайындайды. Ол Анастасиямен ағылшынша, ал Әлиямен корейше сөйлеседі.

Юн Сын Нам, Шорт-тректен Қазақстан әйелдер құрамасының жаттықтырушысы:

- Мен Қазақстанның әйелдер құрамасын дайындауға Алматыда өткен Универсиададан соң кірістім. Қазір олар оңтүстіккореялық шорт-трекшілермен бірге жаттығады. Барлық бағдарлама Анастасия мен Әлияға арналып дайындалған. Анастасия Каннынға ақпанның 4-інде барады. Әлия сайысқа кейін түсетіндіктен, 9-ында келеді. Ал мен жаттықтырушы ретінде екі араға жиі қатынайтын боламын. Әркімнің өз ырымы бар ғой. Мысалы, мен жарыстарда үнемі бір киіммен жүремін.

Жаттығу кезінде Анастасия мен Әлияға Қазақстан құрамасының өзге де мүшелері мен Корея шорт-трекшілері көмектеседі. Кесте бойынша қыздар 2 сағат залда дайындалып, одан кейін 1 сағат мұз айдынында шеберлік шыңдайды. Анастасия қазір жүзі нидерландтық жаңа конькимен жүгіріп, бейімделіп жатыр. Өйткені ол осы конькимен ақпанның 10-ы күні жарысқа түседі. Олимпиаданың екінші күні Крестова 500 метрге жүгіреді. Жалпы ол үш қашықтық бойынша өнер көрсетеді.

Анастасия Крестова, Шорт-тректен Қазақстан әйелдер құрамасының мүшесі:

- Ұзақ қашықтыққа жақсы жүгіруің мүмкін. Ал келесі күні спринт. Нағыз сенің қашықтығың. Бірақ барлығы ойлағаныңдай шықпай қалуы мүмкін. Сондықтан бұл жерде белгілі бір қашықтыққа ғана дағдыланудың қажеті жоқ. Бұл өзіме қатысты түйген ойым. Мысалы, мен тек 500 немесе 1,5 мың метр ғана емес, үш қашықтықта да бағымды сынап көрмекпін. Бұл Олимпиада, сондықтан бар күшті салып, соңына дейін күресу қажет.

Әлия Кимнің ата-анасы Оңтүстік Кореяда тұрады. Бірақ қызын жарыс өтетін жерде емес, үйде көгілдір экран алдында отырып қолдауды шешкен. Каннынға Анастасияның да туыстары келе алмайды. Алайда өзі қазақстандықтардың қолдауын ұдайы сезінетінін айтады. 31 қаңтарда 22 жасқа толатын Анастасия өміріндегі тұңғыш Олимпиадада бағы жанатынына сенімді.

Анастасия Крестова, Шорт-тректен Қазақстан әйелдер құрамасының мүшесі:

- Мұз айдынына шыққанда туған-туыстарың, дос-жарандарың көгілдір экран алдына жиналып, сен үшін уайымдап, жан-тәнімен жақтасатынын білесің. Тіпті бұл мыңдаған шақырым алыста болса да сезіледі. Менің тұмарым отбасым, жақындарым және менің Қазақстаным.

Авторлары: Владислав Цой, Ольга Лян