00:20 Әрі қарай эфирде: «Жанды дауыс»
×

Warning

JUser: :_load: Unable to load user with ID: 138
+7 (7172) 757 540
astananews@khabar.kz

Еліміздің бокстан әйелдер құрамасы Польшадан 6 медаль ұтып әкелді

    Жексенбі, 10 Қыркүйек 2017 21:59
ҚФБ

Польшаның Гливице қаласында бокстан әйелдер арасындағы ХІІ Силезия чемпионаты халықаралық турнирі өз мәресіне жетті.

Еуропадағы ірі әйелдер жарыстарының біріне Қазақстан атынан 13 спортшы қыз, соның ішінде ұлттық құраманың бетке ұстар спортшылары – екі дүркін әлем чемпионы Назым Қызайбай, Олимпиада жүлдегері Дариға Шәкімова, әлем чемпиондары Дина Жоламан, Ләззат Күнгейбаева және Валентина Хальзовалар қатысқан. Олар 19 елден 100-ден астам спортшы белдескен турнирде Еуропа және басқа құрлықтардың ең мықты боксшы қыздарымен жекпе-жекке шықты.  

5 күнге созылған жарыс қорытындысы бойынша Мадина Нұршаева (64 кг) алтын медаль иегері атанса, Назым Қызайбай (51 кг) финалда есе жіберіп, күміспен шектелді. Ал Фариза Шолтай, Ләззат Күнгейбаева, Мөлдір Базарбаева және Жайна Шекербековалар құрама қоржынына төрт қола медаль салды.

prosports

ЕХРО көрмесі аясындағы бокс бәсекесінде 9 жерлесіміз шаршы алаңға шықты

    Сенбі, 09 Қыркүйек 2017 23:49
qsport.kz

Қанат Ислам Астанадағы бокс кешінде канадалық Брэндон Кукты тоғызыншы раундта техникалық нокаутқа жіберіп, WBO NABO және WBA Inter-Continental атағын қорғап қалды.

Отандасымыз кәсіпқой бокста қатарынан 25-ші жеңісіне қол жеткізсе, Брэндон Кук тұңғыш рет жеңілістің ащы дәмін татты. Канадалық спортшы бұған дейін 18 жекпе-жегінің бәрін нокаутпен аяқтаған болатын.

ЕХРО халықаралық көрмесі аясындағы былғары қолғап шеберлерінің бәсекесінде 9 жерлесіміз шаршы алаңға шықты. «Сарыарқа» велотрегіндегі сайысты Мейірім Нұрсұлтанов бастап, қарсыласын алғашқы раундта сұлатып тастады. Димаш Ниязов ұпай санымен жеңіске жетсе, Əли Ахмедов, Нұрсұлтан Жаңабаев және Руслан Мырсатаевтар кездесулерін мерзімінен бұрын аяқтады. Әуесқойлар арасындағы Әлем чемпионы Жәнібек Әлімханұлы да кәсіби рингтегі екінші жекпе-жегін бразилиялық Жильберто Перейруге қарсы өткізіп, ұпай санымен басым түсті. Кездесуді нокаудпен аяқтаған жігіттің бірі – Айдос Ербосынұлы. Ол алғашқы кезеңде аргентиналық Джонатан Барбадильоның осал тұсын тапты.

Айдос Ербосынұлы, кәсіпқой боксшы:

-Абай атамыз «ақырын сөйлеп, анық бас» дейді ғой. Сондықтан үлкен нәрселер айтпай-ақ қояйын. Бірақ алға қойған мақсатым – Әлем чемпионы болу. 2 жылдың ішінде сол Әлем чемпионы деген атаққа таласамын. Желтоқсан айында тағы бір кездесу өткізу жоспарда бар. Оны промоутерлерім шешеді.

Қанат Ислам жеңілістің дәмін татпаған канадалықты ұтты

    Сенбі, 09 Қыркүйек 2017 23:10
qsport.kz

Қазақстандық былғары қолғап шебері Қанат Ислам Астанадағы бокс кешінде канадалық  Брэндон Кукты техникалық нокаутпен жеңді.

12 раундтық форматта өткен жекпе-жекте бірінші орта салмақтағы WBO NABO және WBA Inter-Continental чемпиондық белбеулері сарапқа салынған болатын.

Үшінші, бесінші және сегізінші раундтарда Қанат Кукты нокдаунға түсірді. Ал тоғызыншы раундта қарсыласының соққысына төтеп бере алмаған Кукты жеңілді деп таныды.

32 жастағы қазақстандық боксшы Қанат Исламның бұл – 25-ші жеңісі. Сондай-ақ оның өз елінде өткізіп жатқан екінші кездесуі болып табылады.

Айта кетейік, бүгінгі Ислам-Кук кәсіби бокс кешінде жеті қазақстандық спортшы жеңіске жетті: Мейірім Нұрсұлтанов, Айдос Ербосынов, Әли Ахмедов, Нұрсұлтан Жаңабаев, Руслан Мырсатаев, Жәнібек Әлімханұлы және Жанқош Тұраров, сондай-ақ Димаш Ниязов.

Жанқош Тұраров 22-ші жеңісіне жетті

    Сенбі, 09 Қыркүйек 2017 22:30
qsport.kz

Қазақстандық кәсіпқой боксшы Жанқош Тұраров жиырма екінші жекпе-жегінде аргентиналық Бруно Леонардо Ромэйді (21-5-0, 18 КО) ұпай санымен жеңді.

10 раундтық кездесудің қорытындысы бойынша төрешілер жеңісті қазақстандық боксшыға берді.

Айта кетейік, бұл – Жанқош Тұраровтың 22-жеңісі.

Ақпарат көзі: qsport.kz