Қылмыс - "Хабар" телеарнасы
EXPO 2017 в Астане
Жұма, 14 Шілде 2017 11:31

Жемқорлыққа қарсы әрекет ету жөнінен ұлттық бюроның БҚО бөлімшесінің қызметкерлері Батыс Қазақстан облысы бойынша МКК ЭТҚ Қаржы саласындағы құқық бұзушылықты тергеу басқармасының заңсыз ұйымдарды қаржыландыруға қарсы күрес бөлімінің басшысы Н.М.Орынәлиевті ұстады.

Н.М.Орынәлиев жалған кәсіпкерлік дерегі бойынша қылмыстық істі тоқтату және жеке тұлғаны қанатының астына алу үшін 101 млн теңгелік параның соңғы 25 миллион теңгесін алып жатқан жерден қолға түсті. 

Қазір күдікті Орал қаласының уақытша ұстау абақтысына қамалып, сотқа дейінгі тергеу жүргізіліп жатыр.

anticorruption.gov.kz

Аударған: Г.Абилова

Бейсенбі, 29 Маусым 2017 16:51

Ақтөбе облысында «Экологиялық патруль» жедел іс-шарасы кезінде суыр мен қоянды заңсыз аулаған 3 адам ұсталды.

Браконьерлердің көлігін тінту кезінде 2 аңшы мылтығы мен патрондар тәркіленген. Сонымен бірге 2 суыр мен 1 қоян табылды. Олардың қару қолдануға құжаттары болғанымен, аң аулауға рұқсаттары болмаған.

Қазіргі уақытта аталған дерек бойынша сотқа дейінгі тергеу амалдары жүріп жатыр.

Жексенбі, 21 Мамыр 2017 11:58

Алматы облыстық Мемлекеттік кірістер департаменті экономикалық тергеу қызметінің жедел іздестіру шаралары барысында бірнеше заңсыз ойын автоматы анықталды.

Осыған байланысты қылмыстық іс қозғалып, соттың үкімімен тәркіленген 37 ойын автоматы, 3 рулетка және 5 покер үстелі қолдануға жарамсыз етіп жойылды. Оңай олжаға құнығып, жеңіл ақша табуды көздеген кәсіпкерлердің мұндай әрекеттері ойынқұмарларды  басқа қылмыстарға, заңсыз әрекеттерге итермелейтіні анық.

«Сондықтан осы бағыттағы  күрес жалғаса береді», – дейді мамандар.

Жеке мүлкін ойын залдарына жалға берушілер де заң алдында жауапқа тартылады.

Қазақстан және әлем жаңалықтары

Жаңалықтарға жазылу

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.