Қылмыс - "Хабар" телеарнасы
EXPO 2017 в Астане
Жексенбі, 21 Мамыр 2017 11:58

Алматы облыстық Мемлекеттік кірістер департаменті экономикалық тергеу қызметінің жедел іздестіру шаралары барысында бірнеше заңсыз ойын автоматы анықталды.

Осыған байланысты қылмыстық іс қозғалып, соттың үкімімен тәркіленген 37 ойын автоматы, 3 рулетка және 5 покер үстелі қолдануға жарамсыз етіп жойылды. Оңай олжаға құнығып, жеңіл ақша табуды көздеген кәсіпкерлердің мұндай әрекеттері ойынқұмарларды  басқа қылмыстарға, заңсыз әрекеттерге итермелейтіні анық.

«Сондықтан осы бағыттағы  күрес жалғаса береді», – дейді мамандар.

Жеке мүлкін ойын залдарына жалға берушілер де заң алдында жауапқа тартылады.

Сенбі, 13 Мамыр 2017 14:15

Жемқорлыққа қарсы әрекет ету жөнінен ұлттық бюро хабарлайды.

Бюроның Қостанай облысы бойынша қызметкерлері Рудный қаласы әкімінің орынбасары М.А. Досболовты ұстады.

М.А.Досболов «Нұрлы жол» бағдарламасы аясында құбыр желісін салмақ болған «Өркен» ЖШС мердігерлік компаниясының директоры Мүсірәлиевті сол жұмыс кезінде қанатының астына алу үшін одан 15 млн теңге пара алған.

Ұсталған Досболов пен Мүсірәлиев Рудныйдағы уақытша қамау абақтысына жабылып, сотқа дейінгі тергеу басталып кетті.

Аударған: Г.Абилова

Сәрсенбі, 10 Мамыр 2017 20:50

Маңғыстау облыстық денсаулық сақтау басқармасының басшысы Марал Қадыр 7 жылға бас бостандығынан айырылды. 

Өмір бойына лауазымдық қызмет атқарудан шеттетіліп, бар мүлкі тәркіленеді. Ақтау қалалық соты осындай үкім шығарды. Ол қызметін асыра пайдаланып, аурухана басшыларынан, қызметкерлерінен қорқыту арқылы бірнеше рет пара алған. Марал Қадыр кінәсін толық мойындады. 

53 жастағы шенеуніктің бұл қызметке отырғанына жарты жыл ғана болған. Ұзақ жылдар бойы облыстың бас санитары қызметін атқарған еді. 

Мәлік Кенжалиев, Ақтау қалалық сотының төрағасы: 

-Өзінің қарамағындағы қызметкерлерден, сонымен қатар Ақтау қалалық №1 емханасының директоры Жұмаевадан және туберкулезге қарсы диспансер директоры Титановтан 100 мың және 200 мың теңге ақша алған күні сыбайлас жемқорлыққа қарсы күрес департаменті қызметкерлерімен жұмыс кабинетінен ұсталған.

Қазақстан және әлем жаңалықтары

Жаңалықтарға жазылу

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.