Жаңалықтар - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Сейсенбі, 17 Қазан 2017 08:22

Қарағандылық ғалымдар латын әліпбиінің соңғы нұсқасын қолдайды.

«Диграфтарды дәйекшеге ауыстыру жазуға да, меңгеруге де қолайлы», дейді тіл маманы Елдос Түйте. Ең бастысы, қазақтың төл сөздері дұрыс дыбысталады, кірме сөздерден арыламыз.

Елдос Түйте, Филология ғылымдарының кандидаты, доцент:

– Бүгінгі күнде кирилл әрпімен орфографиялық нормаға сай жазылып және дыбысталып кеткен сөздерді қайтадан қалыпқа келтіруде, сонымен қатар түркі тектес халықтармен, алыс шетелде тұрып жатқан қазақтармен бір интеграциялық байланыс орнатуға, сондай-ақ ағылшын тілін меңгеруге, өзге ұлт өкілдерінің қазақ тілін үйренуіне берері мол деп есептейміз. 

Сейсенбі, 17 Қазан 2017 08:11

«Қазақстан темір жолы» ұлттық компаниясы Солтүстік Қазақстан облысына күніне 10 вагоннан көмір тасымалдай бастады.

Күздің қара суығында жер үйде бүрсең қағып отырған ел бірінші 150 тонна қара отынды бірнеше сағатта талап әкеткен. Өңірде көмір тапшы. Энергетика және тұрғын үй-коммуналдық шаруашылық басқармасы қызметкерлерінің есебінше, бүгінгі таңда тұрғындардың 65 пайызы ғана қысқа қамданып алған. Ал облыс бойынша 27 мың тонна көмір қоры бар. Бұл бағаның қымбаттауына да ықпал етті. Мәселен, қазір сұранысқа ие «Шұбаркөлдің» көмірінің тоннасы 16 мың теңгеден сатылып жатыр. «Енді жағдай тұрақталуы тиіс», – дейді жауаптылар.

Айдархан Мусин, Облыстық энергетика және түкш басқармасы басшысының орынбасары:

– Көмір тапшылығы вагондардың жетіспеушілігінен туындап отыр. Қазір «Қазақстан темір жолы» ұлттық компаниясымен кесте құрылды. Күніне 10 вагоннан тасымалданып тұрса, тұрғындар 2 аптада қара отынмен толық қамтылады.

Сейсенбі, 17 Қазан 2017 07:10

Қазақстан территориясының басым бөлігінде атмосфералық фронттардың өтуіне байланысты жаңбыр күтіледі, солтүстік-батыста және оңтүстікте жауын жауады.

Тек солтүстікте, шығыста және қиыр оңтүстікте, оңтүстік-шығыста жауын-шашынсыз ауа райы сақталады.

Маңғыстау облысының кей жерлерінде тұман күтіледі, жел 17-22 м/с-ге дейін күшейеді. Қызылорда облысында, күндіз Жамбыл, Оңтүстік Қазақстан, Атырау, Қостанай облыстарының кей жерлерінде жел 15-20 м/с-ге дейін, Жамбыл, Қызылорда облыстарында екпіні 23 м/с-ге дейін күшейеді. Алматы облысының Жалаңашкөл ауданында жел 15-20 м/с-ге дейін жетеді. Солтүстік Қазақстан облысының кей жерлерінде тұман күтіледі, күндіз жел 15-20 м/с-ге дейін жетеді. Батыс Қазақстан, Ақтөбе облыстарында, түнде және таңертең Павлодар, Шығыс Қазақстан облыстарының кей жерлерінде тұман күтіледі, деп жазады kazhydromet.kz.

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.