ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

16-19 желтоқсан күндері Астананың сол жағалауында тегін экскурсия болады

    Сәрсенбі, 13 Желтоқсан 2017 18:00
s3.hvylya.net

Қазақстан Республикасы Тәуелсіздігі мерекесі күндері (16, 17, 18 және 19 желтоқсан) Астана қаласының тұрғындары мен қонақтары «Red Bus» екіқабатты экскурсиялық автобуспен сол жағалау бойынша тегін саяхаттай алады.

Бұл туралы елорда әкімдігінің медиа орталығы хабарлайды.

Экскурсия «AiLand» (океанариум) ойын-сауық орталығынан басталып, «Хан Шатыр» ОСО аялдамасы, «Мәңгілік ел» триумфальді қақпасы, «MEGA SilkWay» ОСО, Ұлттық музей мен «Астана Бәйтерекпен» аяқталады.

Барлық сұрақ бойынша call-орталыққа: +7 777 555 75 75, 77-90-99, Instagram желісіндегі @redbus.kz аккаунтына хабарласуға болады.

Экскурсия барысында автобус салонында дыбыс күшейткіш арқылы қазақ және орыс тілінде аудиогид жүргізіледі (бір рейсте – қазақ тілінде, екінші рейсте – орыс тілінде). Ал бір ғана тілде тыңдағысы келгендер құлаққап киюі қажет.

Ал тегін мерекелік сырғанау кезінде жолаушыларға құлаққап берілмейді.

Астанада жаңадан екі көпір салынады

    Сәрсенбі, 13 Желтоқсан 2017 17:11
img1.liveinternet.ru

Есіл өзені мен Нұра-Есіл арнасы арқылы екі көпір салынады.

Бұл туралы Астана қаласы әкімдігінің медиа орталығы хабарлайды.

Елордамыз осы жиырма жыл ішінде түрленіп дамып, гүлденіп өсу үстінде. Жыл сайын бас шаһарда жаңа нысандар бой көтеруде. Астананың жол-көлік қатынасын дамытуда, көлік кептелісін төмендету мақсатында қала әкімдігі бар мүмкіндіктерді жасауда. Қала даңғылдары мен көшелерінде оңға бұрылу жолағын салу – сол істердің бір парасы.

Сонымен қатар Астанада жаңадан екі көпір салынады. Бірі Есіл өзені үстінен, екіншісі Нұра-Есіл каналы арқылы. Нұра-Есіл арнасы арқылы өтетін көпірдің құрылысы 2017 жылдың шілдесінде басталған, 2018 жылы көпір құрылысын аяқтау жоспарлануда.

Ал Есіл өзені үстінен салынатын көпір Тәуелсіздік даңғылы арқылы қаланың оңтүстік-шығыс бөлігін сол жағалаумен жалғайтын болады. Есіл өзені арқылы салынатын көпірдің ұзындығы – 263,22 метр.

Қазіргі таңда Тәуелсіздік даңғылын сол жағалаумен жалғайтын көпір жобалану кезеңіңде. Екі көпір де үш жолақты болады.

Елбасы Қазақстанның Бас мүфтиі Серікбай қажы Оразды қабылдады

    Сәрсенбі, 13 Желтоқсан 2017 16:34
akorda.kz

Қазақстан – зайырлы мемлекет. Министрлік дінге қандай да бір шектеу қою үшін құрылған жоқ.

Бүгін Мемлекет басшысы Нұрсұлтан Назарбаев еліміздің Бас мүфтиі Серікбай қажы Оразды қабылдау барысында осылай деді. Серікбай қажыны Қазақстанның Бас мүфтиі лауазымына сайлануымен құттықтаған Президент Тәуелсіздіктің арқасында дәстүріміз қайта жаңғырып, ата-баба дінін ұстану мүмкіндігіне ие болғанымызды атап өтті және бүгінде әзірленіп жатқан діни қызмет туралы заңның негізгі ережелерін кең ауқымда түсіндіріп, халыққа жеткізу жөнінде бірлесе жұмыс жүргізудің қажеттігіне баса назар аударды. Бұл ретте ханафи мазхабының дәстүрлі сипатына назар аударып, оның мәнін ұғындырудың маңыздылығы аталды. Ол үшін құран мен хадистерді білетін білікті имамдарды тарту мәселесі қозғалды.

Нұрсұлтан Назарбаев, Қазақстан Республикасының Президенті:

- 8 желтоқсан күні арнайы жиналыста бірауыздан барлығы сайлады. Мен қолдадым. Көптен бері белгілісің, арамызда жұмыс істеп жүрсің. Сауатың бар, барлық жерде оқып шықтың. Мысырда да, Пәкістанда да, Ташкентте де, бізде де оқыдың. Сабақ бердің. Жанымызда көптен бері жұмыс істеп жүрсің. Қазіргі заманда діни мәселелерге бүкіл дүниеде халықтың, мемлекеттің барлығы көңіл бөлуде. Бізде де мәселелер бар. Өзің білесің, осы күні 2 900-дан артық мешітіміз бар. Онда істейтін 3 700 имамымыз бар. Жартысының жоғары, орта білімі бар. Басқасы курстардан өткен. Бұрынғыдай емес, барлығының білімі бар. Біз – зайырлы мемлекетпіз, өзің білесің. Сондықтан ұстанымымыз белгілі. Мына Тәуелсіздіктің арқасында Құдайға шүкір, өшіп бара жатқан дінімізді, ата-бабамыздың дәстүрін қайтардық. Бірақ та діни ғылымды, теологияны өздерің жақсы білесіңдер. Мемлекеттің дінге ешқандай қарсылығы жоқ. Барлық халқымызға өзінің діни көңілдегі жүрегін атқаруға жағдай жасап отырмыз. Мешіттер ашылды. Жақында ауылдағы жұмыс істеп жүрген имамдарға жағдайын түзеу үшін әдейілеген қор ашқыздым. Қазірдің өзінде бірталай кісіге көмек көрсетілді. Тек қана әлеуметтік жағдайын қорғау емес, басқа да жағдай бар. Ғылыми жұмыстар, конференцияларды жүргізу, түсіндіру керек. Дүниеде болып жатқан діндердің саласы, қазір мінекей мұсылмандардың өзінің ішіндегі әртүрлі саласы, суннит пен шиитті былай қойғанда, олардың ішіндегі болып жатқан жағдай. Кейінгі кездегі оның бізге жасаған ықпалы, өзің білесің, барлығын. Қанша күрестік, қанша азаматтарымыздың құқығын шектеуге тура келді. Себебі ол – дінге қарсылық емес, сол мемлекеттің негізгі қағидаларын ұстану мәселесі. Мемлекеттің тұғыры мықты болу үшін барлығымыз атсалысуымыз қажет. Оның ішінде қазақ мұсылман болғаннан кейін, мұсылман дінінің орны өте бөлек. Сириядағы жағдай бір жағына қарай шығып келе жатқандығын көріп отырмыз. Ислам мемлекеті өзінің қатарынан қазір бір жағына шықты. Бірақ та олар іріктеліп-іріктеліп келуі де мүмкін. Бізден ол жаққа барған азаматтар бар. Егер де біздің имамдарымыз, мешіттеріміз Құран Кәрімнің сөзін елге жеткізіп, түсіндіріп, оның ішінде елдер аман-есен мешітке барып, дұғасын, намазын оқу үшін не керек? Ел тыныштығы керек. Тәуелсіздік, мемлекет мықты болу керек. Елдің ішінде тәртіп болмаса, әркім болады. Содан кейін біз әдейі министрлік құрдық. Кім болса сол, қалай болса солай бұрып әкетіп, өзінің ойын енгізуге болмайды. Бізге бір саясат, бір дін керек. Басқа елдерде қалай болып жатқанын көріп отырмыз. Нағыз мұсылман елінің орталығы деген Сауд Арабиясының өзінде де діннің жұмыстары басқа болады. Әдейі министрлікпен. Қазақтың Тәуелсіздігі деген бәрімізге ортақ. Барлық қазаққа, Қазақстанның мұсылмандарына ортақ.

Серікбай қажы Ораз, Қазақстанның Бас мүфтиі:

- Аса мәртебелі Елбасы! Менің өтінішімді қабыл алып, өзіңіздің құзырыңызға бүгін қабылдағаныңыз үшін шынайы ризашылығымды білдіремін! Алдымызда үлкен міндеттер тұр. Ол – қазақ мұсылмандық тарихи келе жатқан діни мектебіміздің қайта жаңғыртып, соның рөлін арттыру. Сонымен бірге Ислам діні бұл барлық дінді де дұрыс қарым-қатынас жасай отырып, тек қана мейірімділікке, ізгілікке насихаттау керек. Сонымен қатар ел арасындағы, жамағат ортасындағы таза дінитаным түсіністікпен теріс диструктивті көзқарастардан арылу және қасиетті Құран аяттарының түсінігін буквализм танымынан арыла отырып, бүгінгі заманның ағымындағы жаңаша біздің қалыптасқан діни мектебіміз бар. Орталық Азияда, қазақ мұсылмандығы мектебінің, Абу Ханифа мазхабының жолындағы жұмыстарды мейлінше жалғастыра береміз деп ойлаймын.

Нұрсұлтан Назарбаев, Қазақстан Республикасының Президенті:

- Мақсат белгілі. Білікті имамдар болса екен деп ойлаймын. Ол бір күнде бола салатын нәрсе емес. Сондықтан білім беру жағына көңіл аудару керек. Содан кейін радикалды көзқарастар дейміз ғой, солармен сөйлесіп, олардың жолы дұрыс емес екенін нақты сөзбен, іспен түсіндіретін адамдар керек. Сіздер, білікті имамдар, оқымысты адамдар өздеріңіздің біліктеріңіз арқылы, Құранды, хадистерді жетік білгендеріңіздің арқасында сол жолдардың теріс екенін түсіндірмесек, жастар қайдан біледі?! Сондықтан кейбір заңнама актілеріне діни қызмет бірлестіктер мәселелері бойынша өзгерістер мен толықтырулар енгіземіз деп отырмыз. Оның барлығы заманға сай болу керек. Дінге ешқандай қысым болмау керек. Сол заң жобасын мұсылмандарға қаратып, қолдатып, бірге қабылдауымыз керек.

Серікбай қажы Ораз Қазақстан мұсылмандары діни басқармасының алдында тарихи тұрғыдан қалыптасқан дәстүрлі діни мектепті қайта жаңғыртуға байланысты үлкен міндеттер тұрғандығын айтып, алдағы жоспарларымен бөлісті.

Серікбай қажы Ораз, Қазақстанның Бас мүфтиі:

- Дін істері және азаматтық қоғам министрлігі дер кезіндегі үлкен шешім болды деп ойлаймыз. Өйткені еліміздегі дін саласындағы көптеген түйткілді мәселенің дұрыс, заң аясында өз құқығының нормаларына сәйкес шешілуіне көптеген көмегі тиіп жатыр.

Мәнерлеп сырғанаудан Олимпиадаға Қазақстаннан тұңғыш рет үш спортшы қатысады

    Сәрсенбі, 13 Желтоқсан 2017 16:25
Informburo.kz

Оңтүстік Кореяның Пхёнчхан қаласында өтетін XXIII Қысқы Олимпиада ойындарына мәнерлеп сырғанаудан тұңғыш рет Қазақстаннан үш спортшы қатысады.

Осыған дейін спорттық додалардың төресі саналатын Олимпиада ойындарына спорттың бұл түрінен Денис Тен мен Элизабет Тұрсынбаева жолдама жеңіп алған болатын. Сондай-ақ Элизабет Тұрсынбаеваның әлем чемпионатындағы көрсеткішінің нәтижесінде Қазақстан тағы бір лицензияға қол жеткізу мүмкіндігіне ие болды.

Енді осы үшінші жолдамаға кім иелік ететіні желтоқсан айының соңында ел біріншілігінде белгілі болады.

Ақпарат көзі: vesti.kz