08:00 Әрі қарай эфирде: Жаңалықтар
×

Warning

JUser: :_load: Unable to load user with ID: 138
+7 (7172) 757 540
astananews@khabar.kz

Алдағы тәуліктерде республикамызда ауа температурасы жоғарылай түседі

    Сәрсенбі, 31 Қаңтар 2018 21:28

Алдағы күндері еліміздің аумағы арқылы Атлантикалық циклонның өтуіне байланысты ауа райы жыли түседі.

Дегенмен, бұл құбылыс жолдарда боран, қар жауу, екпінді батыс желін, оңтүстік аудандарға көктайғақ алып келеді. Сондықтан алыс жолға шығуды жоспарлауға қоя тұрған жөн дейді синоптиктер.

Еліміздің аймақтарындағы көмір бағасы туралы ақпарат

    Сәрсенбі, 31 Қаңтар 2018 21:07

Аймақтардағы тілшілерімізден жеткен ақпарат бойынша еліміздің өңірлеріндегі көмір бағасы мынадай: Алматы облысында 12 жарым мен 15 мың теңге аралығында, Ақтөбе облысында - 15-16 мың, ал Солтүстік Қазақстанда - 13-15 мың, Жамбыл облысында - 18 мың, ал Павлодар облысында 8-15 мың теңге шамасында екен.

Алматы облысында - 12500 -15 мың теңге;

Ақтөбе облысы - 15-16 мың теңге;

Солтүстік Қазақстан облысы - 13-15 мың теңге;

Жамбыл облысы - 18 мың теңге;

Павлодар облысы - 8-15 мың аралығында

Энергетика министрлігі жылыту маусымына көмірді жазда даярлау жоспарын бекітеді

    Сәрсенбі, 31 Қаңтар 2018 20:58

Еліміздегі көмір қажет өңірлерге 750 мың тоннадан аса көмір жөнелтілген.

Сөйтіп, тапшылық проблемасы шешілген. Ал көмір қат болған Алматы облысына 29 мың тонна көмір жіберіліпті. Бүгін Астанада көмір мәселесіне арналған республикалық кеңесте энергетика министірінің орынбасары Бақытжан Жақсалиев осылай деді. Айтуынша, Оңтүстік Қазақстан облысы биыл жылыту маусымына дұрыс дайындалмаған. Себебі қыс әдеттегідей жылы болады деп ойлаған. Енді энергетика министрлігі «қыс шанасын жаз сайлауға» бекініп отыр. Осы жылыту маусымы аяқталған соң көмірді жазда дайындау туралы жоспар бекітпек.

Бақытжан Жақсалиев, ҚР энергетика вице-министрі:

-Барлық жағдай бақылауда. Есік қаласы мен Алматы облысында болған көмір проблемасы шешілді. Көмір шығаратын компаниялар бар қажеттілікті өтеуге әзір. Мен халықты  арандатушылыққа ермеуге шақырамын. Бір жерлерде халық бірін бірі жұлқылап, машиналар бірін басып жатыр деген провокациялық мәлімдемелерге сенбесін. Қазақстанда мұндай проблема жоқ. Ондай бейнеролик көрші елде түсірілген екен.

Қарағандыда әскери лазарет ашылды

    Сәрсенбі, 31 Қаңтар 2018 20:36

Енді мұнда Солтүстік Қазақстан, Қостанай, Ақмола және Қарағанды облыстарындағы 9 әскери бөлімнің сарбаздары емделеді. «Орталық» өңірлік қолбасшылығының жауынгерлері бұған дейін Ішкі істер министрлігінің емдеу мекемесіне қаралған. Жаңа ғимараттың құрылысына мемлекет бюджетінен 14 миллион теңге бөлініпті. Бір мезгілде 50 сарбазға дәрігерлік көмек көрсетеді. Білікті мамандар жеткілікті.

ШҚО-да жаңа нұсқадағы бос орындар жәрмеңкесі өтеді

Шығыс Қазақстанда жұмысшы мамандарды даярлайтын 82 колледж бар. Бірақ түлектердің дені таңдаған мамандығы бойынша жұмыс істеуге асықпайды. Дәнекерлеуші, слесарь, электриктер тапшылығын жою үшін еңбек жәрмеңкесі жаңа үлгіде өткізілмек. Түйіндеме таратып, әңгімелескеннен гөрі тиімді әдіс елімізде бірінші рет қолға алынды. Жылына екі рет өткізілетін байқауға студенттермен бірге жұмыссыз жастар да қатыса алады.

Ақтауда арнайы өсірілген қозықұйрық саудаға шығарылады

Алдағы жазда Ақтаудағы дүкендерде арнайы цехтарда өсірілген қозықұйрық шығарылады. Аймақта алғаш рет саңырауқұлақ өсіретін жылыжай салынбақ. Аумағы 1 гектар болатын кешен Мұнайлы ауданындағы Басқұдық ауылында көктемде салынады. Жаңа технологиялардың көмегімен жылына 235 тонна қозықұйрық алынбақ. Инвестжоба құны 88 миллион теңге. Әлеуметтік кәсіпкерлік корпорацияның көмегімен биыл 7 ірі жоба жүзеге асып, 200-ге жуық жұмыс орны ашылмақ.  

Оралда екі мектеп апатты жағдайда деп танылды

Орал қаласында екі бірдей білім ордасы апатты жағдайда. №31 мектептің салынғанына 50 жылдан асса, номері 33 мектептің іргесі қаланғанына 85 жыл толыпты. Әу баста бұл оқу ордаларына күрделі жөндеу жоспарланғанмен көне ғимараттардың жамап-жасқауға келмейтіні анықталды. Таяу уақытта жаңа мектептердің жоба-сметалық құжаттары әзірленеді. Оқушылар келер оқу жылынан бастап, жақын маңдағы мектептерде оқи тұрады.

БҚО-да жасанды мұз айдыны салынды

Батыс Қазақстан облысының орталығындағы «Жастар» стадионында жасанды мұз айдыны салынды. Алаң жергілікті спортшылардың көптен бергі арманы еді. Бұрын күн жылыса, мұз бірге еріп, «Ақжайық» допты хоккей командасының кездесулері кейінге қалатын. Енді жаңа айдында халықаралық турнирлер өткізуге болады. Стадионды жаңғыртуға Қарашығанақ кен орнын игерушілердің облыстың әлеуметтік жобаларына бөлетін қаржысынан 800 млн теңге жұмсалды. Көктемде футбол алаңы салынбақ.