07:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 138
JUser: :_load: Unable to load user with ID: 148
+7 (7172) 757 540
astananews@khabar.kz

Г.Әбдіқалықова Әйелдер ісі және отбасылық-демографиялық саясат жөнінен ұлттық комиссия отырысына қатысты

    Сейсенбі, 26 Қыркүйек 2017 17:55

Еліміздегі мемлекеттік қызметкерлердің 55 пайыздан астамы әйелдер екен.

Көрсеткіш өткен жылмен салыстырғанда биыл 0,5 пайызға өскен.

Бұл туралы Президент жанындағы әйелдер істері және отбасылық-демографиялық саясат жөніндегі ұлттық комиссияның отырысында айтылды.

Статистикаға сүйенсек, былтыр «Б» корпусындағы басшылық қызметтегі әйелдердің үлесі 34,8 пайыз болған. Мамандар жыл сайын әкімшілік қызметке үміткер нәзік жандылардың саны артып келе жатқанын айтып отыр. Сондай-ақ жиында Семейдегі қиындыққа тап болған жандарға қолдау көрсететін «Отбасы орталығы» қоғамдық қорының жұмысы таныстырылды.

Шымкентте өзбекстандық инвестор газ плитасын шығарады

    Сейсенбі, 26 Қыркүйек 2017 17:07

Ас пісіруге арналған газ плиталар Шымкентте шығатын болады. Оңтүстік Қазақстан облысында өзбекстандық инвесторлар тұрмыстық техника құрастыратын цехты іске қосты.

Осылайша көрші екі ел арасындағы сауда-экономикалық ынтымақтастық нәтиже бере бастады. Бұл жобаға 102 миллион теңге жұмсалмақ. Жылына 50 мың дана газ плитасын шығара алады. «Бадам» индустриалды аймағында ашылған кәсіпорын қажет қондырғылармен жабдықталып, іске кірісті. Мұнда 30 адам жұмыспен қамтылады.

Рамзитдин Хикматов, кәсіпорын басшысы:  

-Біздің ашып отырған цехта газ плитаның үш түрі шығарылады. Алда кәсіпорынды дамыту жоспарымыз бар. Қазақстандық кәсіпкерлерден ұсыныс түсті. Енді біз шаңсорғыш, кір жуатын машина шығаруды жолға қоймақпыз.

Атырау облысындағы мүгедек жанның кесте тігу өнері күнкөріс кәсібіне айналды

    Сейсенбі, 26 Қыркүйек 2017 16:47

Атырау облысы, Құлсары қаласында тұратын бірінші топтағы мүгедек жан шеберлік сыныбын ашып, өзі секілді жандарға білгенін үйретіп жатыр. Берекет Ақжігітов арбаға таңылса да матаға кесте тігуді кәсіп еткен. Оның дүниелері еліміздегі көптеген көрмелерде оң бағасын алған.

Шағын залды жағалай қойылған қолөнер тутындылардың әсемдігі сосын ерекше ыждағатпен ерен еңбекті қажет еткені бірден байқалады. Әсіресе кенепке моншақтан терілген мына құс бейнесі қозғасаң ұшып кететіндей. Бұл адам қиялының шексіздігі мен жас жігіттің тынымсыз еңбегінің жемісі. Жалпы мұндағы барлық туындылар мүмкіндігі шектеулі жандардың қолынан шыққан. Шынымен ден қойса қолға алған істің орындалуына еш кедергі болмайды. Бұл бір жағы ермек, екінші жағынан еңбек. Берекеттің өзі осылай дейді.  

Берекет Ақжігітов, І-топтағы мүгедек:

-Ол өзі ауырса айналасын да ауыртады. Арбаға отырып өзіне өзін шектеу қойып тастаса. Жұмыст көп қазір, интернет бар. Оны ашса неше түрлі өнер бар. Соларды қарап үйренсе, адам деген адамның өмірге деген құштарлығы күшейеді. Менің ермегім осы.

Сол ермек бүгінде табысты кәсіпке айналыпты. 2010 жылы жұмыста алған жарақаты салдарынан арбаға таңылған азамат тынымсыз еңбегі мен келешекке деген сенімі арқасында осындай дәрежеге жетті. Қазір Берекет аудандағы өзі секілді тағдыр теперішін тартқандарды топтап, кәсіпке баулуда. Әзірге 30-ға жуық адам қолөнер түрлерінен сабақ алып жүр. Тек баспананың тарлығынан келем деушілерді көбейтуге мүмкіндік жоқ. Ал қолдау болса, құлшыныс керемет.

Алтынай Қожиева, «Жалғызбасты жандар мен мүгедектерге үйден әлеуметтік көмек көрсету» МКМ директоры:

-Осы іште азғантай кабинетке орналасып жатырмыз. Алдағы уақытта осыларға бөлек орталық ашылып, мүмкіндігі шектеулі жандарды қолдасақ деген мақсатымыз бар. Дені сау адамдарға қарағанда олардың ынтасы өте жоғары, ерекше жандар десек болады.

Құлсары қаласында 1,5 мыңнан астам мүмкіндігі шектеулі жан тұрады. Олардың үштен бірінің жасы әлі отызға толмаған. Қолдау болса, олар қолдан келер кәсіптен бас тартпасы анық. Себебі мүгедектер үшін қол еңбегі табыс көзі емес, өмірге деген құштарлықты оятар үміт сәулесі. 7 жыл бойы арбаға таңылса да жігері жасып, арманы аласармаған берекеттің тірлігі осыны айғақтайды. 

Авторлары: Арыстанбек Кенже, Темірлан Сұлтанғазиев

Петропавлдағы тұрғын үй қабырғасына А.Винокуровтың портреті салынды

    Сейсенбі, 26 Қыркүйек 2017 15:16

Петропавлда көпқабатты үйлердің қабырғасына танымал тұлғалардың суреттері салына бастады. Алғашқы болып, әлемдік додаларда ел мерейін асқақтатқан Олимпиада чемпионы Александр Винокуровтың граффити-портреті бейнеленді. 

Бұл іспен Ресейдің Санкт-Петербург қаласынан келген жас суретшілер айналысуда. Жалпы көлемі 200 шаршы метрден асатын суретті шеберлер 3-4 күнде салып шыққан. Алдағы уақытта үйлердің сыртына Жамбыл Жабаев пен Мағжан Жұмабаевтың бейнелері салынбақ.