×

Warning

JUser: :_load: Unable to load user with ID: 138

Жаңалықтар

Еліміздің басым бөлігінде ауа райы жауын-шашынды болады

    Сәрсенбі, 27 Қыркүйек 2017 07:00

Республика территориясының басым бөлігінде атмосфералық фронттардың өтуіне байланысты кей жерлерде жаңбыр күтілуде, оңтүстікте найзағаймен, тек шығыста, оңтүстік-шығыста және қиыр солтүстікте жауын-шашынсыз ауа райы күтіледі. Республиканың кей жерлерінде тұман, желдің күшеюі болады.

Жамбыл облысының кей жерлерінде жел 15-20, таңертең және күндіз 23-28 м/с күшейеді. Оңтүстік Қазақстан, Қызылорда облыстарында, күндіз Ақмола, Батыс Қазақстан, Ақтөбе облыстарының кей жерлерінде жел 15-20, Оңтүстік Қазақстан облысында екпіні 23 м/с күшейеді. Қарағанды, Қостанай облыстарының кей жерлерінде тұман күтіліп, жел 15-20 м/с күшейеді. Шығыс Қазақстан облысының кей жерлерінде тұман болып, күндіз жел 15-20 м/с күшейеді. 

Оңтүстік Қазақстан, Қызылорда, Жамбыл облыстары, және Алматы облысының кей жерлерінде өте жоғары өрт қауіпі сақталады.

EXPO 2017 көрмесінің құрметті қонақтары тілек жазған кітап жарық көрді

    Сейсенбі, 26 Қыркүйек 2017 23:20

Бұл кітап – әлем қауымдастығының Қазақстан мен оның экономикасына шынайы қызығушылығын көрсететін бірегей тарихи құжат.

Мұнда Түркия Президенті Ердоған, Татарстан Президенті Минниханов, БҰҰ Бас хатшысының орынбасары Жихан Сұлтаноғлу, Үндістан Қарулы күштерінің генералы, Еуразиялық экономикалық комиссияның Төрағасы және АҚШ Энергетика министрінің орынбасары және өзге де беделді әрі танымал тұлғалар өз тілектері мен алған әсерлері туралы жазып қалдырыпты.

Головкин мен Альварес арасындағы қарымта жекпе-жек бойынша келіссөз басталды

    Сейсенбі, 26 Қыркүйек 2017 23:00

Головкин мен Альварестің жекпе-жектен түсірген табысы жария етілді. Бұл туралы Daily Mail басылымы жазды. Басылымның мәліметінше, Головкиннің табысы 25 миллион АҚШ долларын, ал «Канело» 35 миллион АҚШ доллары болатын табыс тапқан. Бұл қос боксшының кәсіби мансабындағы ең көп гонорар. Алайда бұл сома ішінде билет сатылымы мен ақылы трансляциялардан түскен қаражаттың бар-жоғы белгісіз.

Ал кеше Golden Boy Promotions президенті Эрик Гомес жерлесіміз Геннадий Головкин мен мексикалық Сауль Альварестің қарымта жекпе-жегі туралы келіссөздер басталғанын айтқан. Жекпе-жек келер жылғы наурыз немесе мамыр айында өтуі мүмкін.

Естеріңізге сала кетсек, жерлесіміз WBA Super, WBC, IBF және IBO нұсқалары бойынша әлем чемпионы Геннадий Головкин 16 қыркүйекте мексикалық боксшы Сауль «Канело» Альвареспен жекпе-жек өткізіп, тең түскен еді.

«Азаматтарға арналған үкімет» МК қызметкерлеріне қатысты 21 қылмыс әшкереленді

    Сейсенбі, 26 Қыркүйек 2017 22:21

Мобильдік халыққа қызмет көрсету орталықтарының жұмысы тиімсіз. Мемлекеттік қызмет істері және сыбайлас жемқорлыққа қарсы іс-қимыл агенттігінің өкілдері осылай деді.

Елімізде 1 мыңнан аса ауылға мобильдік орталықтардың еншісіндегі 69 автокөлік берілген, бірақ олар қызметін толық атқарып отырған жоқ. Бұл орталықтарда жеке куәлік пен жүргізуші құжаты берілмейді. Жыл басынан бастап, 300-ге жуық азамат мемлекеттік қызмет сапасына көңілі толмай арызданып, 138 тексеру жүргізілген.

Әділбек Мұқашев, ҚР Мемлекеттік қызмет істері және сыбайлас жемқорлыққа қарсы іс-қимыл агенттігі департаментінің директоры: 

-Өткен жылдың сәуірінен бастап «Азаматтарға арналған үкімет» мемлекеттік корпорациясының қызметкерлеріне қатысты 21 қылмыстық әрекет әшкереленді. 10 адам сотталды. Олар мемлекеттік сатып алу және қызмет көрсету кезіндегі заң бұзушылықтары үшін жазаланды.