Өзекті

«Хабар» Агенттігі мен Түркияның ТРТ ТРК арасында маңызды құжатқа қол қойылды

«Хабар» Агенттігі мен Түркияның ТРТ ТРК арасында маңызды құжатқа қол қойылды

Елбасының Анкараға ресми сапары аясында «Хабар» Агенттігі мен Түркияның ТРТ телерадиокорпорациясы арасында өзара түсіністік пен ынтымақтастық туралы меморандумға қол қойылды.

Құжат бейнеконтент алмасу, мамандарды оқыту мен тәжірибе алмасуда екі телеарна арасында серіктестікті нығайтуға бағытталған.

Қазақстандық делегацияға ТРТ телерадиокешенінде экскурсия ұйымдастырылып, телеарнаның мүмкіндіктері таныстырылды. Түркияның басты хабар таратушысы – ТРТ корпорациясы құрамына оннан астам халықаралық, республикалық, аймақтық телеарналар кіреді.

Алан Әжібаев, «Хабар» Агенттігі» АҚ басқарма төрағасы:

- Бұл «Хабар» Агенттігі тарихындағы тағы бір ілгері қадам болған. Ал ТРТ үшін ынтымақтастық аясының кеңейгенін білдіреді. Болашақта бірлесіп жаңа жобалар жасауымыз мүмкін. Сондай-ақ сериалдар, деректі фильмдер және әлеуметтік бағдарламалармен де алмасамыз. Сол себептен мұны түрік әріптестерімізбен бірлігіміздің бастауы деп атауға болады. Біз осыған өте ризамыз және болашақта өз жемісін беретінінен үміттімін.