A+ A A-

Рио-2016: Спортшылар алған жүлдесі үшін салық төлейді

  • Жұма, 19 Тамыз 2016 16:16
Рио-2016: Спортшылар алған жүлдесі үшін салық төлейді фото: chto-proishodit.ru

Рио Олимпиадасында жеңіске жеткен және жүлде алған спортшыларға АҚШ-тың Олимпиада комитеті қомақты қаржы бөліп отыр. «Сонымен қатар спортшылар алған жүлдесі үшін салық төлейді», – деп жазды MarketWatch.

Бейсенбі күнгі мәлімет бойынша, Америка құрамасы Олимпиаданың жалпы медальдар кестесінде көш бастап тұр. 

Нақтырақ айтқанда, америкалық спортшылар барлығы 93 медаль алды. Олардың 30-ы – алтын, 32-сі – күміс, 31-і – қола медаль. «Алтын» үшін Олимпиадашыларға 25 мың, «күміс» үшін 15 мың, «қола» үшін 10 мың доллар төленеді.

АҚШ-тың салық органдарының сөздерінше, аталған медальдарға салық салынады.

АҚШ-та салық салудың арнайы ережесі бар. Яғни табысы неғұрлым көп азаматтар салықты да көп төлейді. 

Онда кіріс мөлшеріне байланысты салықтың 7 дәрежесі бар және салық ставкасы 10-нан 39,6 пайызға дейін жетеді.

Жалпы алғанда АҚШ спортшыларының табыстары аса үлкен емес. Алайда олардың арасында демеушілермен келісімшарт негізінде көп табыс табатын спортшылар да бар. Мысалы, гимнаст Александра Райсман Ralph Lauren және Reebok пен Pandora зергерлік компаниясымен бірден бірнеше келісімшарт жасаған.

Рио Олимпиадасында ол бір алтын, екі күміс медаль жеңіп алып, 55 мың доллар табыс тапты. Оның 21,8 мыңы салыққа төленуі мүмкін. 

Дереккөз: bnews.kz

Система Orphus Мәтінде қате таптыңыз ба? Тінтуірмен белгілеп, Ctrl + Enter басыңыз

Copyright©2016 «Хабар» Агенттігі

Copyright©2016 Khabar Agency

Серіктестер

Жоба туралы

Риода өтетін Жазғы Олимпиада ойындарына арналған арнайы олимпиадалық веб-жоба. «Хабар» Агенттігінің эксклюзивті контенті