ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Қазақстанның басым бөлігінде жауын-шашын жауады

    Жұма, 10 Қараша 2017 07:09
cdn1.img.ria.ru

Атмосфералық фронттардың өтуіне байланысты Қазақстанның басым бөлігінде жауын-шашын, тек батыста жауын-шашынсыз ауа райы күтіледі.

Республиканың кей жерлерінде желдің күшеюі, тұман, көктайғақ, бұрқасын болады.

Шығыс Қазақстан, Павлодар, Солтүстік Қазақстан, Ақмола облыстарының кей жерлерінде тұман, көктайғақ, бұрқасын болып, желдің күші 15-20 м/с, Шығыс Қазастанда екпіні 30 м/с-қа жетеді.

Алматы, Жамбыл, Оңтүстік Қазақстан, Қарағанды облыстарының кей жерлерінде тұман, желдің күші 15-20 м/с-қа дейін күшейеді.

Қызылорда, Маңғыстау, Ақтөбе, Қостанай облыстарының кей жерлерінде тұман күтіледі.

Ақпарат көзі: Қазгидромет

Астаналықтар үшін нағыз қыс енді басталды

    Бейсенбі, 09 Қараша 2017 11:19
Фото: Варламов

Елордада сағат таңғы тоғыздан бері қар борап тұр. Ауа райының мұндай болатындығын мамандар алдын ала ескерткен болатын.

Бұл атмосфералық ағындардың өтуіне байланысты болуда. Хабарламада айтылғанындай, желдің екпіні де әдеттегіден күшті. Секундына 15-20 метр. Температура минус 2-4 аралығында.  

Болжам бойынша, Ақмола мен  Павлодар облысында да бұрқасын болады. Ал еліміздің батыс, оңтүстік-батыс және оңтүстік-шығыстан басқа өңірлерінде жаңбыр жауады деп күтілуде. Кей жерлерде тұман, көктайғақ болуы мүмкін.

Қазақстанның басым бөлігінде жауын-шашынды ауа райы сақталады

    Бейсенбі, 09 Қараша 2017 07:00
LiveInternet

Еліміздің басым бөлігінде ауа райы жауын-шашынды болуы мүмкін.

Солтүстік аймақта қар мен жаңбыр жауып, көктайғақ болады. Синоптиктердің болжауынша, ауа райы құбылмалы болғанымен, сынап бағаны климаттық нормадан төмендемейді. Астанада бұрқасын күтіледі. Жел екпіні секундына 15-20 метрге жетуі ықтимал. Ауа температурасы күндіз 2 градус 0-ден жоғары, түнде 3-5 градус аяз болады.

Мөлдір Есқалиева, «Қазгидромет» РМК инженер-синоптигі:
- 10-11 қарашада ауа райы жауын-шашынсыз. Ауа температурасы түнгі сағатта 3-5 градус аяздан 5-7 градус аязға дейін төмендейді. 10 қарашада күндіз сынап бағанасы 2 градус жылы.