Алдағы үш тәулікте еліміздің бірқатар аймағында күн суытады

    Жұма, 12 Қаңтар 2018 22:06
rk.karelia.ru

Алдағы үш тәулікте еліміздің көп бөлігінде күн суытады.

Оған Ресейдің еуропалық аймағынан келе жатқан антициклон себеп. Ал еліміздің оңтүстік, оңтүстік-шығыс және шығыс өңірінде қар жауады деп күтіліп отыр. Әсіресе таулы аймақтарға көптеп ақ ұлпа түседі.

Лаура Сайлыбаева, «Қазгидромет» РМК инженер-синоптигі:

– Астана қаласында 13 қаңтарда түнде және таңертең аздаған қар жауады және бұрқасын сақталады. Ал 14-15 қаңтарда жауын-шашынсыз және желсіз ауа райын күтеміз. Ауа температурасы үш күн бойы түнгі сағаттарда -19, -25, ал күндіз -18, -20 градус аяз болады. Алматы қаласында 13 қаңтар күні жауын-шашынсыз ауа райын күтеміз. Түнде тұман болуы мүмкін. Ал 14-15 қаңтар күндері қар жауады.

Республикамыздың басым бөлігінде суық ауа райы сақталады

    Жұма, 12 Қаңтар 2018 07:00

Атмосфералық фронттардың өтуіне байланысты Қазақстанның басым бөлігі циклонның ықпалы сақталады, сонымен байланысты кей жерлерде қар жауады, тұман, көктайғақ байқалады, желдің кұшеюі, бұрқасын күтіледі.

Ақмола, Солтүстік Қазақстан, Павлодар, Қостанай, Шығыс Қазақстан облыстарының кей жерлерінде желдің күшеюі 15-20, түнде Ақмола облысында екпіні 25 м/с, кей жерлерінде бұрқасын, Қостанай облысында кей жерлерде тұман күтіледі. Қарағанды облысының түнде басым бөлігінде, күндіз кей жерлерінде желдің күшеюі  15-20 м/с, бұрқасын күтіледі. Жамбыл, Оңтүстік Қазақстан облыстарының кей жерлерінде  желдің күшеюі 15-20 м/с, тұман, көктайғақ, бұрқасын күтіледі. Алматы, Маңғыстау облыстарының кей жерлерінде тұман, көктайғақ, желдің 15-20 м/с күшеюі  күтіледі. Қызылорда облысында кей жерлерде тұман, көктайғақ күтіледі.

Еліміздің басым бөлігінде қар жауып, қатты жел тұрады

    Бейсенбі, 11 Қаңтар 2018 07:01
Zeit zu haben zum Lebe

Алдағы уақытта еліміздің көп бөлігінде күн суытады.

Оған Скандинавия түбегінде пайда болған антициклон себеп. Жалпы алдағы үш тәулікте еліміздің біраз өңірінде қар жауып, қатты жел тұрады. Солтүстік, орталық және шығыс облыстарда бұрқасын болуы мүмкін. Ал «еліміздің оңтүстік және оңтүстік-шығыс аймағында көктайғақ болады» деп ескертеді синоптиктер.

Гүлдәурен Есбосынова, «Қазгидромет» РМК инженер-синоптигі:

- Астана қаласы бойынша 11 қаңтарда қар жауатын болады. Бұлтты. Ауа температурасы 6,8 градус аяз және одан ары төмендеуі күтілуде. 12 қаңтарда ауа температурасы бізде -11,13 градус. Күндіз де, түнде де аяз күтілуде. 13 қаңтарда -18-20, секундына 15-20 метрге дейін желдің күшеюі күтілуде.

10 қаңтарға арналған ауа райы болжамы

    Сәрсенбі, 10 Қаңтар 2018 07:03
RIA56

Атмосфералық фронттардың өтуіне байланысты республиканың басым бөлігінде қар жауады, желмен бірге бұрқасын болады, тұман, көктайғақ, тек қиыр оңтүстік-шығыста жауын-шашынсыз ауа райы күтіледі.

Қарағанды облысында жел – 15-20, кей жерлерде 25 м/с, жекелеген аудандарда бұрқасын, көктайғақ күтіледі. Ақмола облысында түнде кей жерлерде, күндіз басым бөлігінде жел – 15-20, кей жерлерде екпіні 23-28 м/с, жекелеген аудандарда бұрқасын, көктайғақ болады. Павлодар облысында түнде кей жерлерде, күндіз басым бөлігінде жел – 15-20 м/с, жекелеген аудандарда бұрқасын, көктайғақ күтіледі.

Шығыс Қазақстан, күндіз Жамбыл облысының кей жерлерінде бұрқасын, көктайғақ, жел – 15-20, екпіні 23-28 м/с, Жамбыл облысының кей жерлерінде тұман күтіледі. Қызылорда, Оңтүстік Қазақстан облыстарының кей жерлерінде тұман, көктайғақ, жел екпіні 25 м/с жетеді. Қостанай, Ақтөбе, Атырау, Маңғыстау облыстараның кей жерлерінде бұрқасын, тұман, жел 15-20 м/с, Атырау, Маңғыстау облыстараның кей жерлерінде көктайғақ болады. Солтүстік Қазақстан облысының кей жерлерінде жел, бұрқасын, көктайғақ болады. Алматы облысындағы Жалаңашкөл ауданында жел 15-20 м/с күшейеді. Батыс Қазақстан облысының кей жерлерінде тұман күтіледі.

Ақпарат көзі: Қазгидромет