17:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 144
+7 (7172) 757 540
astananews@khabar.kz

10 қаңтарға арналған ауа райы болжамы

    Сәрсенбі, 10 Қаңтар 2018 07:03
RIA56

Атмосфералық фронттардың өтуіне байланысты республиканың басым бөлігінде қар жауады, желмен бірге бұрқасын болады, тұман, көктайғақ, тек қиыр оңтүстік-шығыста жауын-шашынсыз ауа райы күтіледі.

Қарағанды облысында жел – 15-20, кей жерлерде 25 м/с, жекелеген аудандарда бұрқасын, көктайғақ күтіледі. Ақмола облысында түнде кей жерлерде, күндіз басым бөлігінде жел – 15-20, кей жерлерде екпіні 23-28 м/с, жекелеген аудандарда бұрқасын, көктайғақ болады. Павлодар облысында түнде кей жерлерде, күндіз басым бөлігінде жел – 15-20 м/с, жекелеген аудандарда бұрқасын, көктайғақ күтіледі.

Шығыс Қазақстан, күндіз Жамбыл облысының кей жерлерінде бұрқасын, көктайғақ, жел – 15-20, екпіні 23-28 м/с, Жамбыл облысының кей жерлерінде тұман күтіледі. Қызылорда, Оңтүстік Қазақстан облыстарының кей жерлерінде тұман, көктайғақ, жел екпіні 25 м/с жетеді. Қостанай, Ақтөбе, Атырау, Маңғыстау облыстараның кей жерлерінде бұрқасын, тұман, жел 15-20 м/с, Атырау, Маңғыстау облыстараның кей жерлерінде көктайғақ болады. Солтүстік Қазақстан облысының кей жерлерінде жел, бұрқасын, көктайғақ болады. Алматы облысындағы Жалаңашкөл ауданында жел 15-20 м/с күшейеді. Батыс Қазақстан облысының кей жерлерінде тұман күтіледі.

Ақпарат көзі: Қазгидромет

Астанада ауа райының бұзылуына байланысты дабылды ескерту жарияланды

    Сейсенбі, 09 Қаңтар 2018 11:21
astana.gov.kz

9-11 қаңтар аралығында ауа райының бұзылуына орай Астанада дабылды ескерту жарияланды.

Бұл туралы astana.gov.kz сайтына «Қазгидромет» хабарлады.

Синоптиктердің болжауынша бұл күндері Астанада қар жауып, бұрқасын соғады, көктайғақ болады.

«9 қаңтарда күндіз, 10-11 қаңтарда тәулік бойы оңтүстік-батыс, батыстан соққан желдің жылдамдығы 15-20 м/с құраса, 11 қаңтарда оның екпіні 25 м/с-қа жетеді деп күтілуде. Дабылды ескерту ықтималдығы – 90-95 %», – делінген хабарламада.

Астана қаласы ТЖД-нің мамандары қалалықтардан қырағылық танытып, төтенше жағдайлар кезінде «112» телефоны бойынша шұғыл қызметтерге хабарлауды сұрайды.

9 қаңтарға арналған ауа райы болжамы

    Дүйсенбі, 08 Қаңтар 2018 07:00
Ostagram

Алдағы үш тәулікте жел күшейеді.

Еліміздің кей өңірінде желдің екпіні секундына 28 метрге дейін жетуі мүмкін. Солтүстік, орталық және шығыс облыстарда қар жауып, бұрқасын соғады. Сондай-ақ жекелеген аймақтарда көктайғақ болуы ықтимал. 

Зайна Сағындықова, «Қазгидромет» РМК жетекші инженері:
- Астана қаласында алдағы үш күнде бұлтты. Кей уақытта қар жауады. Бұрқасын күтіледі. Жел батыстан соғады. Күші секундына 15-20 метрге жетеді. 11 қаңтарда түнде және таңертең секундына 25 метрге жетеді. Алматы қаласында алдағы екі тәулікте жауын-шашынсыз ауа райы күтіледі. 11 қаңтарда таңертең және күндіз кей уақытта жауын-шашын күтіледі.

8 қаңтарға арналған ауа райы болжамы

    Дүйсенбі, 08 Қаңтар 2018 07:04
Meteoprog

Атмосфералық фронттардың өтуіне байланысты Қазақстанның басым бөлігінде қар жауады, тек республиканың шығысында және оңтүстік-батысында жауын-шашынсыз ауа райы күтіледі.

Республиканың кей жерлерінде желдің күшеюі, тұман, көктайғақ, бұрқасын күтіледі.

Алматы облысының Жалаңашкөл ауданында жел 23-28 м/с-ге дейін күшейеді, кей жерлерінде түнде тұман болады. Ақтөбе, Батыс Қазақстан, күндіз Ақмола облыстарының кей жерлерінде бұрқасын, көктайғақ, желдің күшеюі күтіледі. Солтүстік Қазақстан облысының кей жерлерінде күндіз желдің күші 15-20 м/с-ге жетеді, екпіні 23 м/с болады, бұрқасын күтіледі. Қостанай облысында таңертең және күндіз жел екпіні 15-20 м/с күтіледі, кей жерлерінде бұрқасын, көктайғақ, тұман болады. Атырау облысының кей жерлерінде тұман, көктайғақ, күндіз желдің күшеюі күтіледі. Маңғыстау облысында, Оңтүстік Қазақстан облысында тұман, көктайғақ күтіледі. Қызылорда, Қарағанды облыстарының кей жерлерінде тұман болады.

Ақпарат көзі: Қазгидромет