Жаңалықтар - "Хабар" телеарнасы
EXPO 2017 в Астане
Сәрсенбі, 26 Шілде 2017 08:21

Лондон және Нью-Йорк биржаларындағы электронды сауда кезінде мұнайдың әлемдегі бағасы өсе түсті.

Мұны сауда барысындағы мәліметтер растап отыр, деп хабарлайды Gazeta.ru. WTI маркалы жеңіл мұнайдың Нью-Йорк тауарлы биржасындағы (NYMEX) қыркүйек айындағы фьючерстері 3,28%-ға көтеріліп, барреліне $47,86 құрады. Лондондық ICE Futures биржасында Brent маркалы мұнайдың қыркүйектегі жеткізілімдері 3,21%-ға өсіп, барреліне $50,16 долларды құрады.

Ақпарат көзі: inform.kz

Сәрсенбі, 26 Шілде 2017 07:15

Синоптиктер 26-27 шілде аралығындағы ауа райына болжам жасады. «Қазгидромет» РМК хабарлағандай, атмосфералық қысымның жоғарылауы әсерінен алдағы үш тәулікте Қазақстанның көптеген облыстарын жауын-шашынсыз ауа райы күтіп тұр, сондай-ақ ауа температурасы жоғарылай бермек.

Республиканың оңтүстік бөлігінде қатты ыстық болады, термометр бағандары күндіз плюс 40-45º С -қа дейін жоғарылайды. 

Қазақстанның солтүстік бөлігінде күндіз ауа температурасы 27-33, кей жерлерде 35-38º С-қа дейін көтеріледі. Бірқатар облыста аптап ыстықтың салдарынан ескерту жарияланды. 

26-29 шілде аралығында күндіз Қарағанды облысында 40-42 градусқа дейінгі аптап ыстық болуы мүмкін.

26-29 шілде күндері күндіз Қызылорда, Оңтүстік Қазақстан облыстарында 45 градусқа дейінгі қатты ыстық күтілуде.

26-30 шілде күндері күндіз Жамбыл, Алматы облыстарында 40-43 градустық аптап ыстық болады деген болжам бар.

Сейсенбі, 25 Шілде 2017 23:50

«Еуразия» кинофестивалі аясында отандық «Еларна» арнасының тұсауы кесілді. Салтанатты рәсім барысында арна басшылары болашақ жобалары жайлы баяндады. 

Осыдан 4 ай бұрын Қазақстан аумағында су жаңа әрі бірегей канал іске қосылды. Эфирге тек қана отандық кино туындыларды шығаратын «Еларна» каналы бүгінгі таңда өз көрерменін тауып үлгерді. Қазір арнаның қорында 200-ден астам фильм бар. «Қазақфильм» сынды ірі компаниямен жасалған келісімшарттар да «Еларнаның» қоржынында. Енді телеканал басшылығы жаңа форматтағы жобаларды жүзеге асыруды қолға алды.  

Камила Қамназарова, «Еларна» арнасының шеф-редакторы:

-Жаңа маусымда біз «Киноөнер» деген арнайы жобаны іске қосамыз. Бағдарламада түсірілім алаңдарындағы қайнап жатқан жұмысты көрсетеміз. Режиссерлармен сұхбат жазамыз. Көрермен біле бермейтін кино индустриядағы түрлі мамандықтар жайлы баяндаймыз. Өте қызық болады деген сенімдеміз.

Ең алдымен бұл жоба қазақстандық режиссерлар үшін тосын сый болды. Себебі «Еларна» тек қалың бұқараға арналған фильмдерді ғана емес, фестивалдық, деректі және қысқа метрлі фильмдерді көрсетіп,  әр туындыға алдын ала аңдатпа әзірлеуге дайын.

Бейбіт Бисекеш, продюсер:

-«Еларна» – бұл Қазақстандағы отандық киноиндустрия фильмдерін көрсететін алғашқы телеканал. Сондықтан біз «Еларнаға» тапсырдық. Киноматографистердің 90 минут толғатып шығарған киномыздың ойын-түйінін 90 секундтық анонста беріп жатырсыздар. Осы өте керемет нәрсе.

«Еуразия» кинофестивалі барысында режиссерлар арна жұмысына үлкен қызығушылық білдірді. Анимациялық фильмдерді де көрсету жайлы ұсыныстар түсті. «Еларна» басшылығы мұндай бастаманы толық қолдайтынын жеткізді. 

Авторлары: Дариға Ташенова, Дәурен Үмбетәлиев

Қазақстан және әлем жаңалықтары

Жаңалықтарға жазылу

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.