×

Warning

JUser: :_load: Unable to load user with ID: 138
JUser: :_load: Unable to load user with ID: 143
JUser: :_load: Unable to load user with ID: 154
JUser: :_load: Unable to load user with ID: 152

Әлемде

Сирияда үкімет пен оппозиция конституциялық кеңес құрады

    Сәрсенбі, 31 Қаңтар 2018 18:29

Сирия үкіметі мен оппозицияның қатысуымен конституциялық кеңес құрылады. Тиісті шешім Сочи қаласында өткен Сирия ұлттық диалогының конгресінде қабылданды. БҰҰ-ның Сирия бойынша арнайы өкілі СтАффан де Мистура жиынды қорытындылады.

БҰҰ Қауіпсіздік Кеңесінің отырысында Сириядағы гуманитарлық ахуал талқыланды. Алайда бұл жолы Кеңес мүшелері түйіні тарқамай отырған мәселеге қатысты ортақ мәмілеге келе алмады. Ұйымның дерегіне сәйкес, биыл сириялықтарға гуманитарлық көмек көрсету үшін 3 жарым млрд АҚШ доллары қажет. Қатысушылар «қақтығыс аймақтарынан науқастар мен жарақаттанғандар көшіріліп, Дамаск қаласынан елдің оңтүстік-шығысына көмек жеткізілуі қажет» деп отыр. Бас хатшының гуманитарлық мәселелер бойынша көмекшісі Урсула Мюллердің айтуынша, Сирия елінде 13 млн тұрғын көмекке мұқтаж. 

Урсула Мюллер, БҰҰ Бас хатшысының гуманитарлық мәселелер бойынша көмекшісі:

-Сегіз жылға жуық уақытқа созылған қақтығыс салдарынан тұрғындарға ауқымды көмек қажет. Біз қолдау көрсетуге  дайынбыз, бірақ көмектің қауіпсіз әрі жедел жеткізілуі үшін арнайы механизмдер қажет.

Facebook криптовалюта жарнамасына тыйым салды

    Сәрсенбі, 31 Қаңтар 2018 11:28
Фото: rt.com

Facebook желісінде криптовалюта және бинарлық опциялардың жарнамасын жариялауға тыйым салады.

Бұл туралы ТАСС агенттігі әлеуметтік желінің баспасөз қызметіне сілтеме жасап хабарлады.

«Біз пайдаланушыларды жаңылыстыратын қаржылық өнімдер мен сервистердің, бинарлық опциондар мен криптовалюта секілді алдамшы технологиялардың жарнамасына тыйым салатын жаңа қызмет саясатын енгізіп жатырмыз», – делінген хабарламада.

Сервис, сондай-ақ пайдаланушыларды жаңа ережелерді бұзатын жарияланымдар туралы хабар беріп отыруға шақырады. Бұған дейін Facebook пайдаланушыларға туыстары мен достарынан көбірек жаңалық алып отыруға, компаниялардың, брендтердің және БАҚ-тардың постары сияқты жарнамалық контентті азайтуға қатысты өзгерістер енгізгенін жариялаған болатын.

Ақпарат көзі: ҚазАқпарат

Үндістанда жолаушылар автобусы өзенге құлап, 36 адам ажал құшты

    Сейсенбі, 30 Қаңтар 2018 16:14

Марқұмдардың екеуі – бала. Жарақат алғандар да бар. Олар таяудағы ауруханаға жеткізілді. Оқиға Батыс Бенгалия штатында болған.

Құтқарушылар марқұмдардың денесін судан әрең алып шыққан. Апаттың нақты себебі әлі анықталған жоқ. Куәгерлер жүргізушінің жол бойы телефонмен сөйлесіп отырғанын айтады. Қазір тергеу амалдары жүріп жатыр. Жергілікті билік қаза болғандардың отбасына 500 мың рупийден төленетінін жеткізді.

Израильдік ғалымдар елдің солтүстігінен ерте замандағы адамның жақ сүйегін тапты

    Сейсенбі, 30 Қаңтар 2018 15:05

Болжам бойынша сүйектің жатқанына шамамен 200 мың жыл болған.

Бұл Африкадан ауған «Homo Sapiens» көшінің басталу уақыты біз білгеннен тағы 100 мың жыл бұрын басталғанын дәлелдейді. Сондай-ақ көштің жолы оңтүстік бағдар бойынша емес, солтүстік бағдар бойынша жүргенін көрестеді. Яғни адамдар Ніл өзенінің бойымен Жерорта теңізінің шығыс жағалауына келгенін айқындайды. Ғалымдардың айтуынша, ол дәуірдің адамдары көшпелі өмір салтын ұстанған. Олар өздері аулап жейтін аң-құстың ізімен жүріп келген.

Мина Вайнштейн Эврон, Хайфа университетінің археологы:

– Жақ сүйегі жатқан жерден шақпақ тастан жасалған құралдар мен жануарлардың қалдықтарын таптық. Олар қарақұйрық, бұғы және жабайы бұқаларға тән. Адамдар азығын найза сынды лақтыратын қарулардың көмегімен аулаған. Үшкір тастар ағашқа байланған. «Homo sapiens» үшін бұл керемет қару болған.

Исраэль Гершковиц, қазба жұмыстарының жетекшісі:

– Табылған үлгілер адамзат дамуының эвалюциясына жаңалықтар әкелуі мүмкін. Бұған дейін біз ең алғашқы адамдар Африкада 200-250 мың жыл бұрын пайда болды, 100 мың жыл бұрын басқа аймақтарға көшті дегенге сеніп келдік. Енді олардың одан да ертеректе болғанын аңғарып отырмыз.