ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

Талдықорғанда волейболдан ардагерлер арасында халықаралық турнир аяқталды

    Дүйсенбі, 20 Қараша 2017 11:31

Талдықорғандағы «Жастар» спорт сарайында Жетісу кубогы үшін волейболдан ардагерлер арасында халықаралық турнир аяқталды.

Жарысқа Қазақстан, Ресей, Моңғолия, Өзбекстан және Ресей Федерациясына кіретін Тыва мен Бурятия республикаларының командалары қатысты. Турнирдың жалпы жүлде қоры – 3 млн теңгеге жуық. Үш күннің ішінде жеңімпаздар анықталды. Олар – Ресей командасы. Екінші мен үшінші орындарда – қазақстандық және тывалық волейболшылар. Халықаралық турнир алғаш рет өткізіліп отыр. Енді ол дәстүрге айналады.

Тұратбек Шарапиев, Алматы облысы денешынықтыру және спорт басқармасының басшысы:

- Бұл бірінші ұйымдастырып жатқан турнирдың негізгі шарты ауыспалы болады. Биыл Қазақстанда болса, ендігі жылы Моңғолияда келісіп жатыр. Одан арғы жылы Ресей алуы мүмкін.

Елордада футбол фристайлынан Қазақстан біріншілігі өтті

    Жексенбі, 19 Қараша 2017 23:40
http://kazfootball.kz/

Әуесқой және еркін аяқ доп шеберлері арасында кезекті ел біріншілігі өтті. Қазақстанның футбол фристайлы федерациясы ұйымдастырған додаға әр аймақтан 20-ға жуық спортшы қатысты.

Допты көбелекше шыр айналдырған фристайлшылар «Айронмен», «Сиктри», «Рутина» және «Баттл» дисциплиналары бойынша мықтылық байқасты. Ал оларды спорттың осы түрінен әлемнің және Ресейдің бірнеше дүркін чемпиондары бағалады. Теңбіл допты ырқына бағындырып, оны күрделі қимылдар арқылы ұзақ уақыт әуелеткен үздіктер жеңімпаз атанып, құрметке бөленді. Ал оларға қолдау білдірген белсенді көрермендер арасында Астана құрамасы ойыншыларының қолтаңбалары қалдырылған доп пен клубтың Еуропа лигасы аясында  Вильярреалға қарсы өтетін матч билеттері ойнатылды.

«2015-2016 жылдардан бастап, бұл спорт түрі өте қарқынды дамып жатыр. Себебі біздің елде 2 мектеп ашылды. Бұл біздің мектеп және Алматыдағы мектеп», – дейді қатысушы Нұрсейіт Досмағамбет.

Әлемдегі ең атақты ауыр атлет көз жұмды

    Жексенбі, 19 Қараша 2017 19:35
Futbol Arena

Үш дүркін Олимпиада чемпионы, түркиялық ауыр атлет Наим Сүлейманоглу 50 жасында дүниеден озды. Аташехир қаласына жеткізілген Сүлейманоглуға 11 қараша күні оперция жасалды. Алайда бауыр циррозы дертіне ұшыраған Наимді дәрігерлер құтқара алмады. Атағы жаһанға жайылған Сүлейманоглудың қазасы спорт әлемінің қабырғасын қайыстырды.

Наим ең алғаш 16 жасында Әлем чемпионы атанып, ғаламдық рекордты орнатты. Бастапқыда Болгария атынан жарысқа қатысып, Наим Шаламанов есімімен аты шықты. Ал 1986 жылдан бастап, Наим Сүлейманоглу өзінің атажұрты Түркияға көшеді.

Түркия атынан жарысқа қатысу үшін арнайы рұқсат қажет болды. Сонда Болгария Түркия ауыр атлетика федерациясынан 1 миллион доллар талап етті. Түркия тарапы еш ойланбастан, қандастары үшін қаржы аямады.

Наим келе салысымен 1988 жылы 21 жасында Сеул Олимпиадасында чемпион атанды.  Артынша 1992 жылы Барселонада, 1996 жылы Атлантада да оған тең келер ешкім болмады. Ауыр атлетиканың алыбы 2 рет әлем чемпионы, 2 рет Еуропа чемпионы атанды. Өз салмағынан (60 келі) үш есе артық салмақты көтерген Сүлейманоглу спорттық ғұмырында 46 әлемдік рекорд жаңартып кетті.

egemen.kz