07:00 Әрі қарай эфирде: ҚР Әнұраны
×

Warning

JUser: :_load: Unable to load user with ID: 138
JUser: :_load: Unable to load user with ID: 143
JUser: :_load: Unable to load user with ID: 152
+7 (7172) 757 540
astananews@khabar.kz

Қазақстандық фристайлшылар Пхёнчхан Олимпиадасында жеңіс үшін барын салады

    Сәрсенбі, 31 Қаңтар 2018 23:31

9 ақпанда XXIII қысқы Олимпиада ойындарының алауы тұтанады. Оңтүстік Кореядағы кешенді сынға қазақ елінің атынан 57 спортшы барады. Қазақстан құрамасы Пхёнчхандағы ойындарда спорттың тоғыз түрінен жарысқа қатысады. Ел үмітін арқалағандар қатарында фристайл шеберлері де бар.

Қысқы Олимпиада ойындарында фристайлшы қыз-жігіттердің жолына үмітпен қараймыз. Могул бағдарламасында Дмитрий Рейхерд, Павел Колмаков, Юлия Галышева және Аяулым Әмренова жарыс жолына шығады. Мамандар үшінші Олимпиадасына бара жатқан Галышевадан жүлде күтеді. Тәжірибелі спортшы Ванкувер Олимпиадасында 11-орыннан көрінсе, төрт жылдан кейін Сочиде жетінші орынға табан тіреген еді.

Юлия Галышева, фристайлдан ұлттық құрама мүшесі:

-Сочиде өзіме сенімді едім. Жүлделі орыннан дәмелі болдым. Қазір қандай нәтижеге қол жеткізетінімді айта алмаймын. Жарыс кезінде қателіктер болып жатса да, өзіңе деген сенімді жоғалтпау керек. Сонда ғана нәтиже болады. 

Сочиден кейін келесі олимпиадаға дайындықты бастаған мамандар жаттығудың жаңа әдістемесін жасады. Ұлттық құрама 2015 жылдан бері осы әдіс-тәсілмен жұмыс істеп келеді. Қазір Юлия әлемдегі үздік ондықтың қатарына кіреді. 

Елена Круглыхина, ҚР Ұлттық құрамасының жаттықтырушысы:

-Біз кәсіби спортшылардың дайындығына Йозеф Пилатестің әдістемесін енгіздік. Қазір оның жаттығу жүйесі спортшылар арасында кең тараған. Бұл әдістеме кәсіби спорттағы тамаша құрал. Оны барлығы пайдаланып жатыр. 

Қысқы Олимпиада ойындарында фристайлдың могулынан жарыстар 9 ақпанда басталады. Сайыстар таулы «Феникс-парк» демалыс аймағында өтеді.

Авторлары: Анастасия Вылегжанина, Радик Жакупов

Бендиден ел құрамасы әлем чемпионатындағы үшінші жеңісіне қол жеткізді

    Сәрсенбі, 31 Қаңтар 2018 10:25
Фото: bandy-vm2018.ru

Бендиден Қазақстан құрамасы Ресейдің Хабаровск қаласында өтіп жатқан әлем чемпионатындағы үшінші жеңісіне қол жеткізді.

Бұл туралы Vesti.kz хабарлады.

«В» тобының соңғы матчында қазақстандық бендишілер Германия құрамасымен кездесіп, 17:2 есебімен жеңіске жетті. Жеңімпаздар құрамындағы ел командасының капитаны Рауан Исағалиев төрт рет ерекшеленіп, екінші ойында қатарынан «покер» жасады. Ал хет-трикты Виктор Чернышев жасаса,  Евгений Леонов пен Максим Утебалиевтың еншісінде қос дубльдан бар.

Осылайша Қазақстан құрамасы өз тобының көшбасшысы атанды. Отандастарымыз өз тобындағы барлық құраманы тізе бүктіріп отыр. Турнирдің алғашқы кездесуінде Венгрияны 29:0 есебімен жеңсе, АҚШ-тан 14:1 есебімен үстем шықты. Ал қазақстандықтардың ширек финалдағы қарсыластары кейінірек анықталады.

Айта кетейік, Қазақстан құрамасы – әлем чемпионатының алты дүркін қола жүлдегері. Өткен турнирде отандастарымыз тек бесінші орынға табан тіреп, командалар квартетінің күші бойынша екінші сатыға түсіп қалған еді.

Еліміздің ең мықты кудошылары Орал қаласында ҚР кубогын сарапқа салды

    Сейсенбі, 30 Қаңтар 2018 11:00

Жарысқа 6 облыстың 60-тан астам спортшысы қатысты.

Жекпе-жек түрлерінің ішіндегі ең жасы саналатын кудо 80 жылдардың басында пайда болған. Елімізде 2010 жылдардан бастап қанат жая бастады. Мұнда каратэ, дзюдо, муай-тай тәсілдері қолданылады, ұруға, тебуге, партерде күресуге де болады. Нағыз ұрыс өнері аталатын жекпе-жекпен бүгінде мыңдаған өрен шұғылданады. Жарыс қорытындысы бойынша жалпыкомандалық есепте батысқазақстандықтар бірінші орынды иеленсе, қостанайлықтар мен ақтөбеліктер алғашқы үштіктен табылды.

Дархан Темірәлиев, жарысқа қатысушы:

– Мен негізі каратэмен айналысамын. Өзімді сынап көру үшін кудоға бірінші рет шықтым. Каратэден айырмашылығы бар. Барынша қатты соққы жасауға болады. Кудо жекпе-жегі ұнайды.

Путинцева мен Дияс Тайваньдағы WTA турнирін сәтті бастады

    Сейсенбі, 30 Қаңтар 2018 10:13
hercampus.com

Қазақстандық теннисшілер жарыстың бірінші кезеңінен сүрінбей өтті.

Юлия Путинцева екі сетке жалғасқан ойында жапониялық Дзюнри Намигатаны жеңді. Есеп: 6:2, 6:4. Зарина Дияс ресейлік Анна Блинковадан басым түсті. Есеп: 6:2, 7:5.

Енді келесі айналымда Юлия жергілікті теннисші Чжан Кайчжэньмен кездессе, Зарина румыниялық Моника Никулескумен күш сынасады.

Ақпарат көзі: prosports.kz