Спорт - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Дүйсенбі, 24 Сәуір 2017 15:17

Әйелдер теннисі қауымдастығы (WTA) өз рейтингісін жаңартты.

Қазақстандықтардан алғашқы жүздікте өзгеріс жоқ. Юлия Путинцева 31-ші, Ярослава Шведова 51-ші орындарда қалды. Тек Зарина Диас 239-дан 187-ші сатыға жоғарылады.

Әлемнің бірінші ракеткасы атағын америкалық Серена Уильямс өзіне қайтарып алды. Ал неміс Анжелик Кербер екінші орынға түсіп қалды. Үздік үштікті чехиялық Каролина Плишкова түйіндеп тұр, деп жазады prosports.kz.

Дүйсенбі, 24 Сәуір 2017 12:29

Екінші орта салмақтағы WBO тұжырымы бойынша әлем чемпионы, мексикалық Хильберто Рамирес (35-0, 24 KO) орта салмақтағы WBA (Super), IBO, WBC және IBF тұжырымдары бойынша әлем чемпионы, қазақстандық Геннадий Головкинмен (37-0, 33 КО) не үшін кездескісі келетінін айтып берді, - деп жазады vesti.kz.

«Мен Головкинді жекпе-жекке шақырдым. Өйткені мен онымен жұдырықтасқым келеді. Мен үшін ол pound-for-pound жүйесі бойынша әлемдегі мықты боксшылардың бірі болып саналады. Біз жекпе-жекті ұйымдастыра алатынымызға сенімдімін. Мен оны жақсы білемін, біз онымен Big Bear лагерінде бірге жаттығу жасадық. Бірақ біз спарринг өткізген жоқпыз. Ол да мені жақсы біледі. Менің онымен кездескім келетінімді біледі», - дейді Рамирес Fight Hub TV арнасына берген сұхбатында.

Еске салайық, Головкин Джейкобсқа қарсы белбеулерін сәтті қорғағаннан кейін, мексикалық боксшы отандасымызды жекпе-жекке шақырған еді.

Дүйсенбі, 24 Сәуір 2017 09:50

22 сәуір күні АҚШ-тың Нью-Джерси қаласында Айдар Шәрібаевтың өтуі тиіс болған чемпиондық жекпе-жегі соңғы сәтте кейінге қалдырылған болатын. Қазақстандық кәсіпқой боксшы Айдар Шәрібаев шаршы алаңға 28 сәуір күні оралады деп хабарлайды «Diamond Ring» ресми сайты.

Естеріңізге сала кетейік, 22 сәуір күні АҚШ-тың Нью-Джерси қаласында «Diamond Ring» боксшысы Айдар Шәрібаев америкалық Захария Рэмсимен жеңіл салмақ дәрежесіндегі WBA NABA вакантты белбеуіне таласуы тиіс болған. Алайда соңғы сәтте америкалық боксшы кездесуден бас тартып, Айдармен айқасудан қашқақтады.

Енді Айдар шаршы алаңға келесі аптаның соңында, нақты айтқанда 28 сәуір күні Чикагодағы кәсіпқой бокс кешінде шығады. Қазіргі таңда Шәрібаевтың Америкадағы менеджерлері чемпиондыққа лайық қарсылас қарастыруда. Айқастың статусы өзгерген жоқ. Айдар жеңіл салмақ дәрежесінде WBA NABA чемпиондық белбеуіне таласады.

Соңғы жекпе-жегін 17 наурыз күні Майамиде өткізген Шәрібаевтің еншісінде бес айқаста бес жеңіс бар. Төрт қарсыласын нокаутпен жеңген ол бүгінде чемпиондық айқасқа кубалық маман Осмири Фернандестің қарамағында дайындалуда.

Ақпарат көзі: Vesti.kz

Қазақстан және әлем жаңалықтары

Жаңалықтарға жазылу

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.