20:05 Әрі қарай эфирде: «Тығырық» телехикаясы
×

Warning

JUser: :_load: Unable to load user with ID: 144
+7 (7172) 757 540
astananews@khabar.kz

Қытайда әлемдегі ең үлкен бейнебақылау жүйесі іске қосылды

    Сейсенбі, 14 Қараша 2017 13:09

Қазір қала көшелеріне миллиондаған камера орнатылған.

Олардың көмегімен адамдардың бет-әлпетін анықтап, ақпарат алуға болады. Алдағы уақытта елде жеке тұлғаны адам дауысы мен жүрісі арқылы анықтайтын технология енгізілмек. Ел билігі: «Жоба қылмыстың алдын алуға айтарлықтай көмектеседі», – деп отыр.

Петропавлда балапан аққулар мұз құрсауында қалды

    Сейсенбі, 14 Қараша 2017 09:05

Петропавлда аққулар жылы жаққа ұша алмай қалды.

Әсіресе қанаты қатпаған балапан құстар мұз құрсауында қалып, жаппай жарақаттанып жатыр. Қазір бір ғана қала шетіндегі көлшікте 3 аққудың қанаты сынып, азықсыз әлсіреп жүр. Өңірде күн суытып, өзен-көлдер қатып қалған. Ал төтенше жағдайлар қызметкерлері құстарды құтқаруға асығар емес. Ботаникалық баққа да бірде-біреуі жеткізілмеген.

Мигранттар Еуропаның келбетін өзгертіп келеді

    Сейсенбі, 14 Қараша 2017 08:20

Миграциялық дағдарыс Еуропаның кескін-келбетін өзгертіп, Италияға да үлкен әсер етіп отыр.

Қазір елде 5 миллион шетелдік тұрып жатса, жарты ғасырдан кейін оның көлемі едәуір ұлғаятын түрі бар. Ал 2065 жылы олардың саны халықтың 40%-ын құрамақ. Италиялық сарапшылардың болжамы осы. Мамандардың айтуынша, Еуропаның басқа елдерінде де ахуал тура осындай. Францияда қазірдің өзінде иммигранттардың бірінші және екінші ұрпағы халықтың 20%-ынан асқан. Германияда әр бесінші бала – шетелдік. Ал Ұлыбританияда жарты ғасырдан кейін жергілікті халық азшылыққа айналатын көрінеді. Сарапшылар босқындардың Италияға ағылуын Еуропа халқының азайып, Африка тұрғындарының көбеюімен түсіндіріп отыр. «Оған құрлықтағы бала туу көрсеткішінің жоғары, ал экономикалық дамудың төмен болуы себеп», – дейді олар.

Ирак пен Иранда жер сілкінісінен қаза тапқандар саны 445 адамға жетті

    Сейсенбі, 14 Қараша 2017 08:03

Иран мен Ирак шекарасындағы жер сілкінісі құрбандарының саны артты.

Соңғы ақпаратқа сәйкес, зілзаладан 445 адам қаза тапты. Тағы 7 мыңнан астамы жарақат алған. 70 мыңдай тұрғын баспанасынан айырылған. Жергілікті биліктің айтуынша, опат болғандар саны әлі де артуы мүмкін. Құтқарушылардың жұмысына көшкін кедергі келтіруде.
Еске салсақ, жексенбі күні Иран мен Иракты зілзала дүр сілкіндірді.

Табиғи апаттан Иранның батысындағы Керманшах және Илам өңірлері қатты зардап шекті. Жер асты дүмпуі Түркия, Израиль, Кувейтте сезілген.