×

Warning

JUser: :_load: Unable to load user with ID: 154
JUser: :_load: Unable to load user with ID: 152
+7 (7172) 757 540
astananews@khabar.kz

Астанада алғаш рет әуесқой велотрекшілер арасында чемпионат өтті

    Дүйсенбі, 22 Қаңтар 2018 10:30

Яғни қарапайым мұғалім, саудагер, есепші, тіпті, зейнеткерлерге дейін велоспорттың осы түрі бойынша өзара мықтыны анықтады.

Негізі тректегі бәсекеге тас жолдағымен салыстырғанда қиындау. Соған қарамастан, өткен жылы республикалық велотрек жанынан арнайы секция ашылып, кәсіпқой спортшылармен қатар әуесқойларды да үйрете бастаған еді.

Міне соның нәтижесінде чемпионатқа 60-қа жуық адам қатысты. Олар  5  жас дәрежесі бойынша жарыс жолына шықты. 2 күнге созылған жарыста топ жарғандар бағалы сыйлықтармен марапатталды.

Бауыржан Мұқашев, велоспорттан олимпиадалық даярлау орталығының директоры:

– Спорт және дене шынықтыру комитеті, велоспорттан олимпиадалық даярлау орталығы тек кәсіпқой спортшыларды емес, әуесқой спортшыларды дайындау мақсатын қойып отыр. Бұқаралық спорт өсуі үшін әуесқой спортта жарыстар өткізу керек. Ол жарыстар өзге елдерге шақыру сияқты болады. Оған қатысып жатқан адамдар өсіп келе жатқан жасөспірімдерге үлгі болады.

Алексей Полторанин Cловениядағы әлем кубогының VI кезеңінде жеңімпаз атанды

    Жексенбі, 21 Қаңтар 2018 19:23
kaz.vesti.kz

Қазақстандық шаңғышы Алексей Полторанин Словенияның Планица аумағында өткен әлем кубогының VI кезеңінде жеңімпаз атанды.

15 шақырымды жекелей классикалық әдіспен жүруде отандасымыз мәреге бірінші болып келді. Ол аталған қашықтықты 36 минут 54,7 секундта жүріп өтті. Екінші орын алған норвег Йоханнес Хёсфлот Клэбо отандасымыздан 13,2 секундқа кеш келді. Үздік үштікті швед Калле Хальфварссон түйіндеді.

Естеріңізде болса, жерлесіміз қаңтар айында Италияда өткен «Тур де Ски» турнирінің дәл осы қашықтыққа жүгіру жарысында бірінші болған еді.

Ақпарат көзі: vesti.kz

Қазақстандық фристайлшылар Трембландағы әлем кубогы кезеңінде қола жүлдегер атанды

    Жексенбі, 21 Қаңтар 2018 14:00
vesti.kz

Канаданың Тремблан қаласында могулдан әлем кубогының VII кезеңі аяқталды. Қазақстандық фристайлшылар Дмитрий Рейхард пен Юлия Галышева жүлдегерлер қатарынан көрінді.

Ерлер арасында Дмитрий Рейхард қола жүлдеге қол жеткізді. Күміс медаль канадалық Майкл Кингсбериге бұйырса, алтынды жапон Икума Хорисима жеңіп алды.

Әйелдер арасында Юлия Галышева да қола жүлдегер атанды. Бұл жарысқа қазақстандық спортшы жарақаты болса да қатысты. Күміс медаль канадалық Анди Наудеге бұйырса, тағы бір канадалық Жюстин Дюфур-Ляпойнт жарыста топ жарды.

Қазақстандық спортшылар жақын күндері Пхенчхандағы Қысқы Олимпиада ойындарына дайындығын бастайды. Бұл доданың басталуына 19 күн қалды.

Ақпарат көзі: vesti.kz

Қазақстандық велошабандоз Әлем кубогының қола жүлдегері атанды

    Жексенбі, 21 Қаңтар 2018 11:00
port.tut.by

Қазақстандық велошабандоз Әлішер Жұмақан Минскіде өтіп жатқан велотректен Әлем кубогының V кезеңінде қола медаль жеңіп алды.

Бұл туралы ҚР Ұлттық Олимпиадалық комитеттің баспасөз қызметі хабарлады.

Әлішер Жұмақан жекелей сайыстың (4 шақырым) қорытындысы бойынша үздік үшінші орынды қанжығасына байлады.

Айта кетейік, Беларусь елінде өтіп жатқан жарысқа 37 елден 300-ге жуық спортшы қатысуда.