Экономика - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Сейсенбі, 10 Қазан 2017 09:32

Шетел инвесторлары Қазақстандағы «Арнайы экономикалық аймақтарда» жаңа жобаларды жүзеге асыруға ниетті.

Ақтауда өткен «Арнайы аймақтардың таныстырылымы» атты халықаралық форумда Еуропа және Араб елдерінің іскерлері елімізде бірқатар кәсіпорын ашатындықтарын мәлімдеді.

Алғаш рет ұйымдастырылған алқалы жиынға 12 елдің инвесторлары қатысты. Оларға арнайы аймақтардың мүмкіндіктері таныстырылды. Бүгінде Қазақстанда 10 экономикалық аймақта 160 инвестициялық жоба сәтті жұмыс істеп тұр. Оның 20%-ы шетелдікі. Онда 11 мыңнан астам адам еңбек етуде. Мәселен, «Оңтүстік» экономикалық аймағы тоқыма өнеркәсібіне, Павлодар мен Атыраудағы аймақтар мұнай-химия және химия саласына, ал Ақтаудағы арнайы аймақ мұнай-газ саласы мен құрылысқа қажетті өнімдер өндіруге маманданған. Түркия, Малайзия, АҚШ сынды елдерден келген меймандар отандық компаниялармен іскерлік қарым-қатынас орнатуға қызығушылық танытты. Мұнай сервис, көлік пен логистика саласында 6 бірдей жобаны жүзеге асыруға келісім жасалды.

Сарин Кристонтон, «Tenaris» компаниясының өкілі /Италия/:

-Біз «Ақтау теңіз порты» арнайы экономикалық аймағында мұнай және газ өндіруге қажетті құбыр шығаратын кәсіпорынды іске қостық. Жобаға 40 млн доллар қаржы құйылды. Экономикалық аймақтың инвесторларға ұсынатын мүмкіндіктері өте көп. Сондықтан алдағы уақытта тағы да тың жобаны жүзеге асыруды жоспарлап отырмыз.

Біржан Қанешев, «Kazakh Invest» АҚ басқарма төрағасының орынбасары:

-Экономикалық аймақтардың беріп жатқан жеңілдіктерінің барлығы өте тартымды. Сондықтан көп жоба келіп жатыр. 8 салаға келіп жатыр. Маңғыстау, Атырау өңірлерінің бәрінде үлкен мұнай жобалары іске асырылып жатыр. Соған байланысты жүктерді көтеретін крандар өте үлкен сұраныста. Оны шығаратын Еуропаның үздік компаниялары келіп жатыр. Олар Ақтаудағы Құрық портына қандай қажетті көмек, қандай жұмыстар жүргізу керек, соның барлығын қарастырды.

Дүйсенбі, 09 Қазан 2017 23:11

Жыл соңына дейін теңгенің тұрақтануына барлық мүмкіндік бар.

Бұл туралы бүгін Ұлттық банктің төрағасы Данияр Ақышев мәлімдеді. Сондай-ақ ол базалық мөлшерлеме әзірге бұрынғыдай 10,25% болып сақталады. «Оның алдағы уақытта төмендеуі инфляцияның тұрақтылығына тікелей байланысты»,дейді Ұлтық банк басшысы. Валюта нарығындағы жағдайды түсіндірген Данияр Ақышев қыркүйекте шетел валютасына шектен тыс сұраныс болғанын мәлімдеді. Сұранысты қанағаттандыру үшін Ұлттық банк интервенция жасап, 69,7 миллион АҚШ долларын сатқан. Сонымен қатар жыл соңына қарай ішкі нарыққа екі рет көп мөлшерде валютаның кіруі мүмкін. Біріншіден, шетел валютасындағы зейнетақы активтерінің үлесі 30 пайыз деңгейіне жақындады. Қазір «Бірыңғай зейнетақы жинақтау қорында» валюта бағамына байланысты кірісті тіркеуде. Екіншіден, Ұлттық банк ірі көлемдегі валютаны сатуға дайын.

Данияр Ақышев, ҚР Ұлттық банк төрағасы:

– Биылғы жылы «Бірыңғай зейнетақы жинақтау қоры» алған шетел валютасының орташа бағамы 316,02 теңге көлемінде болды. Айырбас бағамындағы көрсеткіштерді есепке ала отырып, «Бірыңғай зейнетақы жинақтау қорының» түскен кірісті салымшылардың пайдасы үшін Қазақстан қор биржасында сатуы да мүмкін. Сонымен қатар жыл соңына дейін Ұлттық банк Ұлттық қордан 1 миллиард АҚШ долларын валюта биржасында сата алады. Бұл бюджетке тиісті қаржыны теңгемен аудару үшін қажет.

Айтпақшы, Қазақстан қор биржасындағы күндізгі сауданың нәтижесі бойынша бүгін бір доллар 341 теңге 97 тиынға тең болды.

Дүйсенбі, 09 Қазан 2017 22:41

Астана, Алматы, Тараз қалаларында бензин тапшы.

Жанар-жағармай бекеттерінде ұзын-сонар кезек әрі мұнай өнімдерінің бағасы бірден қымбаттап кетті. Тапшылық тек аталған өңірлермен шектелмеген тәрізді. Еліміздің Энергетика министрінің орынбасары Әсет Мағауов қалыптасқан жағдайды мұнай өңдеу зауыттарындағы жөндеу жұмыстарымен және көрші Ресей, Қырғызстанда бензин бағасының Қазақстанмен салыстырғанда анағұрлым жоғары болуымен байланыстырып отыр. Әсет Мағауовтың айтуынша, жанармай тапшылығы көп ұзамай импортты ұлғайту есебінен шешіледі.

Әсет Мағауов, ҚР Энергетика министрінің орынбасары:

– Әрине, жанармай тапшылығы болған жерде кейбір жанармай құю бекеттері өздерінің бағаларын 152, 155 теңгеге дейін көтерді. Бізде Ресей Федерациясы, Қырғызстанмен бәріміз бір кедендік одақтамыз. Сондықтан біздің ішкі нарықтық бағамызда олардың бағасынан көп айырмашылық болмау керек. 

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.