×

Warning

JUser: :_load: Unable to load user with ID: 138
JUser: :_load: Unable to load user with ID: 152
+7 (7172) 757 540
astananews@khabar.kz

Ақмола облысының экономикасына 250 млрд теңге инвестиция тартылды

    Дүйсенбі, 08 Қаңтар 2018 12:12

2017 жылы Ақмола облысының экономикасына 250 млрд теңге көлемінде инвестиция тартылып, өндірістік нысандардың құрылысына қан жүрді.

Мысалы, өңірде 141 млрд теңгенің 100 инвестициялық жобасы іске қосылып, нәтижесінде 2 жарым мыңнан астам адам тұрақты жұмыспен қамтылды. Жаңадан ашылған кәсіпорындардың ішіндегі ең ірілерінің бірі Еңбекшілдер ауданындағы цемент зауыты. Кәсіпорында 600 адам еңбек етеді. Жылына 2 млн тонна цемент шығара алады. Ал Степногорск қаласының маңындағы «Қазақалтын» кәсіпорнына тиесілі 3 бірдей кен өңдеу фабрикаларында 700-ден астам адам жұмысқа орналасқан. Мұнда жылына бас-аяғы 7 млн тонна кен терең өңделеді. Ал осы жылдың соңына қарай Бұланды ауданында салынып жатқан Қазақстандағы ең ірі құс фабрикасының алғашқы кезеңі іске қосылады.

Александр Загребин, облыстық кәсіпкерлік және өнеркәсіп басқармасы басшысының орынбасары:

-Тартылған инвестициялардың 60 пайызы кәсіпкерлердің жеке қаржылары. 2018 жылы да осы қарқын сақталып, бірнеше ірі жобалар жүзеге асырылмақ. Мәселен, Жарқайың ауданындағы Масал кен орнынан үлкен үміт күтеміз. Мыңдаған жұмыс орны пайда болады. Зеренді ауданында да кен өңдеу комбинаты іске қосылады.

Павлодар облысы экономикалық көрсеткіштер бойынша едәуір жетістіктерге жетті

    Сейсенбі, 02 Қаңтар 2018 17:01

Ертістің Павлодар өңірі үшін өткен жыл табысты болды. Экономиканың барлық саласында ауыз толтырып айтарлықтай жетістіктер бар. Жалпы ішкі өнім 6,2 пайызды құраған.

Аумағы ат шаптырым жерді алып жатқан жайлы да жарық кешендерде қыстың күні қияр мен қызанақ өсіріледі. Бұл моноқалалардың ішінде көш бастап тұрған Екібастұз және Ақсу қаласында ағымдағы жылы іске қосылған жылыжайлар.

Айнұр Есімханова, микроклимат операторы:

-Өте қуаныштымыз. 40 адам жұмысқа орналасып, солар үшін қолайлы жағдай жасалған.

2017 жыл облыстағы құс фермалары үшін жаңғырту жылы болды. Олай дейтініміз аймақтағы үш бірдей құс фабрикасы аяғынан нық тұрды. Олардың біреуі жұмыртқа, қалғандары ет бағытында жұмыс істейді. Облыстың сұранысын толық жауып отыр.

Людмила Левина, тұтынушы:

-Әрине отандық тауар өндірушілерге қолдау көрсетеміз. Өйткені табиғатымызды, климатымызды, біздің фабрикаларымыз  құсты немен асырайтынын да жақсы білеміз. Бізге Украинадан немесе мұхит асып келген құс еттері керек емес. 

Павлодар облысы экономиканың әр саласында жеткен рекордтық көрсеткіштерін жыл өткен сайын жаңартып отырады. Экономистер қортындысын шығарып та жатыр. Индустриялды өлкеде негізгі өсім әрине   өндірістердің еншісінде. Өтіп бара жатқан жылдың басты  жемісі немесе  жеңісі  деп қоспалы алюминий шығаратын және автомобиль дискілерін жасайтын заманауи екі өндірістің іске қосылуын атап өтуге болады.

Әсел Габдушева, облыстық  экономика және бюджетті жоспарлау басқармасының маманы: 

-Облысқа бүгінгі таңда 389,2  миллиард тенге тартылған. Барлық қаржылық көздердің есебінен бұл санды 460 миллиард тенгеден асыруды межелеп отырмыз. Соңғы жылдарды есепке алатын болсақ, бұл рекордтық көрсеткіш. 

Макроэкономикалық көрсеткіштерге тоқтала кетсеқ: Өндіріс ауқымы 5,2% өсіп, 1,5 триллион тенгеге жеткен. Агроөнеркәсіп кешені жоғары қарқынмен даму үстінде. Жүк тасымалы 31 миллиард/шақырым, өсімі 6,1 пайыз. Құрылыс қарқынды жүріп жатыр. Алайда, барлық рекордтық көрсеткіштерді тұрғын үй құрылысы басып озды. Бір жыл ішінде 21 көп қабатты үй бой көтеріп, екі мыңнан астам адам баспаналы болған.

Облыстың 2017 жылдағы макроэкономикалық көрсеткіштері:

Өнеркәсіп өндірісі  – 5,2% (1595,5 млрд теңге)

Ауыл шаруашылығы  – 5,7% (185,4 млрд теңге)

Жүк тасымалы  – 6,1% - (31,2 млрд шақырым)

Бөлшек сауда айналымы – 3,1% (305,9 млрд теңге)

Құрылыс жұмыстарының көлемі – 2,9% (154,1 млрд тенге)

Жаңа тұрғын үйлерді қолданысқа беру  – 28,5% (204,1 мың шаршы метр)

Арман Смайылов, қалалық жұмыспен қамту орталығының директоры:

-Біз үстіміздегі жылы барлық аймақты қамтыған электронды еңбек биржасын құрдық. Келесі жылдан бастап электронды еңбек биржасының қалай жұмыс істейтінін бәрі бізден оқып үйренетін болады.

Білім беру, денсаулық сақтау, мәдениет және спорт. Бұл салалалардың да жетістіктері аз емес. Десек те, аймақта шешімін таппаған түйткілдердің бары жасырын емес. Ол қала сыртындағы жолдарды жөндеп, ауылдарды  сапалы ауыз сумен қамтасыз ету. Облысты дамытудың 2018 жылғы жоспарында бұл мақсаттар айқындалған. 

Авторлары: Қарлығаш Қасиетова, Марат Игіліков, Самат Оспанов, Алексей Омельницкий

Астанада өнеркәсіп өндірісі көлемінің өсуі байқалды

    Сейсенбі, 02 Қаңтар 2018 15:15
Infoportal.kz

Өнеркәсіп өндірісі 7,2%-ға өсіп, 426,1 млрд теңгені құрады.

Негізінен машина жасау мен металлургия саласы және индустрияландыру картасы жобаларының арқасында жоғары нәтижеге қол жеткізген.

Бұл туралы Астана әкімдігінің медиа орталығы хабарлайды.

Өнеркәсіптік өндіріс саласының негізгі тауарлары – құрылыс материалдары, азық-түлік өнімдері, жеңіл өнеркәсіп, резеңке бұйымдар және басқа да түрлер.

Астана экономикасына 778,4 млрд теңге инвестиция тартылған. Соның ішінде шетел инвестициясы 3,6 есеге артқан.

Биыл 600-ден астам жаңа жұмыс орнын ашатын, жалпы құны 17 млрд теңге тұратын 7 жаңа индустриялық жоба пайдалануға беріледі.

Еуроодақтың жалпы ішкі өнімі едәуір артқан

    Жексенбі, 31 Желтоқсан 2017 09:13

Еуроаймақ экономикасы 2017 жылды жақсы аяқтады.

Мұны аймаққа танымал 60 қаржыгер қатысқан сауалнама дәлелдеп отыр. Олардың ойынша, Brexit-ке қарамастан Еуроодақтың жалпы ішкі өнімінің өсуі келесі жылы да жалағасатын болады. Ал биыл аймақ экномикасы соңғы бірнеше жылмен салыстырғанда едәуір артып, 2 пайыздан асқан. Келер жылы ол әр тоқсан сайын жарты пайызға өседі деген болжам бар.

Джастин Стюарт, экономист:

– Соңғы жылдары Еуроаймақ экономикасы жақсы дамып келеді. Бұған Германия мен Австрия сияқты экономикалық әлеуеті зор елдердің оң әсері мол. Ирландия, Испания және Португалияда даму байқалғанымен, жастар арасындағы жұмыссыздық деңгейі келер жылы да төмендей қоймаса керек. Ал Грекиядағы жағдай әлі де күрделі. Бұл ел аймақтағы басқа мемлекеттердің қатарына қосыла алмай келеді.

Майк Инграм, экономист: 

– 2010 жылдан бері алғаш рет кірістің құнды қағаздар нарығының дамуына оң әсері байқалып отыр. Макроэкономика мен микроэкономика көрсеткіштерінің де өсімі көңіл көншітерлік.